သျှမ်းပြည်နယ်အစိုးရ ညွှန်ကြားမှုဖြင့် ဘ၀သံသရာတံတားတွင်နားနေစခန်းများ တည်ဆောက်မည်


မေလ ၂၇ ရက် ၂၀၁၉

တောင်ကြီးမြို့နယ် တောင်လေးလုံး အတက်လမ်း၊ ဟဲဟိုးမြို့အနီးရှိ ဘ၀သံသရာ တံတား တွင် လူထုများနားနေစခန်းနှင့် ယာဉ်ရပ်နားစခန်းများတည်ဆောက်ရန် သျှမ်းပြည်နယ်အစိုးရ၏ ညွှန်ကြားမှုဖြင့် ဆောင်ရွက်သွားမည်ဟု သျှမ်းပြည်နယ် စည်ပင်သာယာရေးဌာနမှ ညွှန်ကြားရေးမှူးဦးအေးကို ထံမှသိရသည် ။

“အပန်းဖြေစခန်းကြီးတစ်ခုရယ်လို့တည်ဆောက်ဖို့မရည်ရွယ်ပါဘူး၊ဘ၀သံသရာတံတားကို လာရောက် လည်ပတ်ကြတဲ့ ပြည်သူတွေ စနစ်တစ်ကျ ဖြစ်အောင် ရှုရပ်လေးတွေ ၊ အဆောင်လေးတွေ ၊ဇရပ်လိုဟာလေးတွေ ၊ စင်္ကြန်လိုဟာ လေးတွေ ၊အတက်အဆင်း လှေကားတွေ ၊ အပေါ့အပါး သွားလို့ရမယ့် အိမ်သာတွေ ၊ ကားပါကင် လုပ်မယ် အဲ့လောက်ပဲ လုပ်မှာပါ အပန်းဖြေစခန်း ကြီးတစ်ခုအနေနဲ့ တော့ဆောင်ရွက်သွားဖို့ ရည်ရွယ် ထားခြင်းလဲ မရှိပါဘူး ” ဟု ဦးအေးကိုရှင်းပြသည် ။

အဆိုပါ နေရာတွင် နားနေစခန်းများတည်ဆောင်နိုင်ရန် အတွက် အများပြည် သူများ ပါဝင်ယှဉ်ပြိုင်နိုင်သည့် ဒီဇိုင်းရွေးချယ်မှုများအား ရှမ်းပြည်နယ် အင်ဂျင်နီယာအသင်းနှင့် စည်ပင်သာယာရေးဌာနမှ ကော်မတီဖွဲ့ တို့ပူး ပေါင်း ကာစီစဉ်ဆောင်ရွက်လျှက်ရှိပြီး စတင်တည်ဆောက်မည့် ရက်ကို သတ်မှတ်ထားခြင်း မရှိသေး ကြောင်းဆက်လက်သိရသည် ။
ဘ၀သံသရာတံတားအား ပြည်တွင်းပြည်ပ ခရီးသွားများက အထူးစိတ်ဝင်စားကာ အများအပြား လာရောက် လည်ပတ်ကြသည်။ ဘ၀သံသရာ တံတားကို ၁၉၂၇ ခုနှစ်ကစတင်တည်ဆောက်ခဲ့ပြီး ယခု သက်တမ်းနှစ် ၉၀ နီးပါးရှိပြီဖြစ်သည်။ တံတားအမြင့် ၆၂ ပေရှိကာတံတား အရှည် ပေ ၂၀၀ ရှိကြောင်း သိရသည် ။

အဆိုပါ တံတားပေါ်မှ နေ့စဉ် အကွာအဝေး ၉၈ မိုင်ရှိသည့် သာစည် - ရပ်စောက်သို့ အစုံ -အဆန်ခရီး ပုံမှန် ပြေးဆွဲလျက် ရှိကာ ကုန်ရထား၊ ဆီသုံးတွဲရထား ၊ ရထားသံလမ်း အောက်ခံ ကွန်ကရစ် ဇလီဖားတုံး သယ်ဆောင်ခြင်း အတွက် အဆိုပါတံတားအား အသုံးပြုကြရကြောင်းသိရသည်။

သျှမ်းသံတော်ဆင့်၊ ယိင်းတိုင်း
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ