ေက်ာက္ေတာ္ စပါးဆိပ္မွ အသက္ ၇၅ ႏွစ္အရြယ္ လူၾကီးတစ္ဦးေပ်ာက္ဆံုးေန



Share/Bookmark

နိရဥၥရာ၊ ေမလ ၂၇/ ၂၀၁၉

ရခိုင္ျပည္နယ္၊ ေက်ာက္ေတာ္ျမိဳ႕နယ္၊ စပါးဆိပ္ ေက်းရြာမွ အသက္ ၇၅ အရြယ္ လူၾကီး တစ္ဦးသည္ ေမလ ၂၁ ရက္က သူ၏ ဥယ်ာဥ္ကိုသြားရာမွ ယေန႕ထိ ရွာမေတြ႕ဘဲ ေပ်ာက္ဆံုးေနသည္ဟု မိသားစုမ်ားက ေျပာၾကားသည္။

ေပ်ာက္ဆံုးေနသူမွာ ဦးစံေခ်လွ (၇၅) ႏွစ္ျဖစ္ေၾကာင္း သိရသည္။

သူ၏ ေဆြမ်ိဳးေတာ္သူ တစ္ဦးက “ သူ႕မွာ မဟာမုနိဘုရား အေရွ႕ဘက္ ပစိုင္းေခ်ာင္းမွာ ဥယ်ာဥ္ရွိပါတယ္။ အဲဒီဥယ်ာဥ္မွာ ငွက္ေပ်ာပင္ေတြ၊ ပိႏၷဲပင္ေတြ ရွိပါတယ္။ အဲဒီက မွည့္ေနတဲ့ အသီးေတြ ဆြတ္ခူးဖို႕သြားရာကေန ေပ်ာက္ေနတာပါ။ ေမလ ၂၁ ရက္ နံနက္ ၈ နာရီ ကတည္းက ထြက္သြားတာပါ” ဟု နိရဥၥရာသတင္းဌာနသို႕ ေျပာသည္။

ထိုက့ဲသို႕ ေပ်ာက္ဆံုးေနသည္ကို ယေန႕ထိ နီးစပ္ရာ ရဲစခန္းတြင္ တိုင္ၾကားမႈ မျပဳလုပ္ရေသးဟု သိရသည္။

“ မိသားစုေတြက လိုက္ရွာၾကပါတယ္။ သူရဲ႕ ထမ္းပိုးကို ဥယ်ာဥ္ထဲမွာ ေတြ႕တယ္။ သူက ဥယ်ာဥ္ကေန အျပန္မွာ ေပ်ာက္သြားပံုရပါတယ္။ ေပ်ာက္တာလည္း ၇ ရက္ေတာင္ ရွိေနျပီဆိုေတာ့ မိသားစုေတြက အရမ္းစုိးရိမ္ေနၾကပါတယ္။ ရွင္လား၊ ေသလား၊ မသိရ ျဖစ္ေနပါတယ္။ ကၽြန္ေတာ္ရြာက မဟာမုနိဘုရားေရွ႕ ဇီးေခ်ာင္းဆည္ေအာက္မွာ တည္ရွိပါတယ္” ဟု ေျပာဆိုသည္။

အဆိုပါ လူၾကီး တစ္ဦး ေပ်ာက္ဆံုးေနမႈႏွင့္ ပတ္သက္ျပီး ေက်ာက္ေတာ္ျမိဳ႕မ ရဲစခန္းမွဴးသို႕ ဆက္သြယ္ရာ ဖုန္းလက္ခံ ေျဖဆိုျခင္း မရွိပါ။

စပါးဆိပ္ေက်းရြာသည္ ရခိုင္ရြာၾကီး တစ္ရြာ ျဖစ္ျပီး အိ္မ္ေျခ ၄၀၀ ေက်ာ္ရွိေၾကာင္း သိရသည္။

Narinjara
https://www.facebook.com/Narinjara

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ