မိုးပျံမြို့ပတ် ရထားလမ်း၊ လှိုင်သာယာ - ပါရမီ လမ်းပိုင်း ဆောက်လုပ်မှု စတင်တော့မယ်

မိုးပျံရထားလမ်း စီမံကိန်းရဲ့ လမ်းပိုင်းတစ်ခု ဖြစ်တဲ့ လှိုင်သာယာကနေ ပါရမီ အထိ မိုးပျံမြို့ပတ် ရထားလမ်းပိုင်း ဆောက်လုပ်မှုကို စတင်တော့မယ်
ရန်ကုန် မြို့ပြလူထု ရထားပို့ဆောင်ရေး စီမံကိန်း YUMRTA ခေါ် မိုးပျံရထားလမ်း စီမံကိန်းရဲ့ လမ်းပိုင်းတစ်ခု ဖြစ်တဲ့ လှိုင်သာယာကနေ ပါရမီ အထိ မိုးပျံမြို့ပတ် ရထားလမ်းပိုင်း ဆောက်လုပ်မှုကို စတင်တော့မယ်လို့ ရန်ကုန်တိုင်း အစိုးရက မေလ ၃ ရက် မှာ ထုတ်ပြန်ခဲ့ပါတယ်။

အဲဒီလမ်းပိုင်းကို စတင်ဆောက်လုပ်တော့မှာ ဖြစ်တဲ့အတွက် လမ်းပိုင်းမှာ ပါဝင်နေတဲ့ ပြည်သူတွေရဲ့ အဆောက်အဦး၊ ပိုင်ဆိုင်မှုတွေနဲ့ ပတ်သက်ပြီး စာရင်းကောက်ခံမှုတွေကို ပြုလုပ်တော့မယ်လို့လည်း ပါရှိပါတယ်။

ရန်ကုန်တိုင်း အစိုးရက မိုးပျံမြို့ပတ်လမ်းပိုင်းအတွင်း ပါဝင်နေတဲ့ ပြည်သူတွေအတွက် ပြန်လည်နေရာ ချထားပေးရေး ပံ့ပိုးမှုတွေ လုပ်ပေးဖို့ အကျုံးဝင်ရက်ကိုလည်း မေလ ၆ ရက် လို့ သတ်မှတ်ထုတ်ပြန်ပါတယ်။

ဒါကြောင့် မေလ ၆ ရက် နောက်ပိုင်း၊ အဆိုပါ လမ်းပိုင်းအတွင်း ပါဝင်နေတဲ့ အဆောက်အအုံတွေ ပြင်ဆင်ဆောက်လုပ်တာ၊ တိုးချဲ့တာ၊ အသစ် တည်ဆောက်တာ၊ လွှဲပြောင်းတာ၊ ရောင်းချတာတွေ အတွက်ကို မြေယာ လျော်ကြေးနဲ့ ပြန်လည်နေရာချထားတာ၊ ကရုဏာကြေး ပေးအပ်မှာ မဟုတ်ဘူးလို့လည်း ထုတ်ပြန်ပါတယ်။

အခု စတင် ဆောက်လုပ်မယ့် လှိုင်သာယာ-ပါရမီလမ်းပိုင်းက လှိုင်သာယာဘူတာ ကနေ စတင်မှာ ဖြစ်ပြီး ရန်ကုန် - ပုသိမ်လမ်း အတိုင်း လှိုင်မြစ်ကို ဖြတ်ပြီး ပါရမီလမ်းတလျှောက် ပါရီမီဘူတာအထိ ပါဝင်ပါတယ်။

အဲဒီလမ်းပိုင်း ဆောက်လုပ်ရာတလျှောက် ပါဝင်မယ့် မြေနေရာတွေကတော့ လှိုင်သာယာဘူတာ ပရဝဏ် အတွင်း YUMRTA ယာဒ်ဝန်း ဆောက်ဖို့ ၅၄.၃၆ ဧက၊ ရန်ကုန် - ပုသိမ် လမ်းတလျှောက်မှာ ရထားလမ်း အလယ်ကနေ ဘေးတစ်ဖက်တစ်ချက်စီ ၅ ပေ နီးပါစီ၊ ပါရမီ လမ်းတလျှောက်မှာ ရထားလမ်း အလယ်ကနေ ဘေးတစ်ဖက်တစ်ချက်စီကို ၄ ပေ နီးပါစီ အသုံးပြုမှာ ဖြစ်တယ်လို့ ထုတ်ပြန်ထားပါတယ်။

YUMRTA စီမံကိန်းကို ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ JICA က ၂၀၁၂ခုနှစ် ကတည်းက ဖြစ်နိုင်ချေ လေ့လာသုံးသပ်ခြင်း အစီအစဉ်ကို စတင်ပြုလုပ်ခဲ့ပါတယ်။

ဧပြီလ ၂၆ ရက် ရန်ကုန်လွှတ်တော်အတွင်း တိုင်းလွှတ်တော် စီမံကိန်း၊ ဘဏ္ဍာရေးနဲ့ စီးပွာရေး ကော်မတီ အဖွဲ့ဝင်တွေကို မြန်မာ့မီးရထားနဲ့၊ JICA တို့က စီမံကိန်းနဲ့ ပတ်သက်ပြီး လာရောက်ရှင်းလင်း ပြောကြားခဲ့ပါတယ်။

အဲဒီလို ရှင်းလင်းချိန်မှာတော့ YUMRTA စီမံကိန်းက မိုးပျံရထားတွေက လျှပ်စစ်နဲ့ ပြေးဆွဲမှာ ဖြစ်တယ်လို့ ကော်မတီဝင်တွေက ပြောပါတယ်။

လက်ရှိ မြန်မာ့မီးရထားလုပ်ငန်းကတော့ ပြီးခဲ့တဲ့ ၂၀၁၈ ခုနှစ် ဧပြီလကနေ စက်တင်ဘာ အထိ ၆ လ ဘတ်ဂျတ်နဲ့ ၂၀၁၇-၂၀၁၈ ဘတ်ဂျတ်မှာပါ ဘတ်ဂျတ် သန်းပေါင်း ထောင်ချီပြီး ရှုံးနေတယ်လို့ ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီက ဧပြီလ ၂၉ ရက်မှာ လွှတ်တော်ကို အစီရင်ခံ ထားပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ