နယ်မြေပိုင်းခြားမှုမရှိတာကြောင့် တိုက်ပွဲတွေဖြစ်ပွားတာလို့ RCSS ပြော

RCSS/SSA ရဲ့ ပြောရေးဆိုခွင့်ရှိသူ ဒုဗိုလ်မှူးကြီး စိုင်းမိဏ်း ကို တွေ့ရစဉ်
ရှမ်းပြည်မြောက်ပိုင်းမှာဖြစ်ပွားနေတဲ့ တိုက်ပွဲတွေနဲ့ နယ်မြေမတည်ငြိမ်မှုတွေဟာ နယ်မြေပိုင်းခြားသတ်မှတ်ထားမှု မရှိတာကြောင့်ဖြစ်တယ်လို့ ရှမ်းပြည်ပြန်လည်ထူထောင်ရေးကောင်စီ RCSS/SSA ရဲ့ ပြောရေးဆိုခွင့်ရှိသူ ဒုဗိုလ်မှူးကြီး စိုင်းမိဏ်း က ပြောပါတယ်။

ရှမ်းပြည်နယ်ထဲမှာ RCSS/SSA နဲ့ အစိုးရတပ်မတော်၊ မဟာမိတ်တိုင်းရင်းသား လက်နက်ကိုင်အဖွဲ့တွေ တိုက်ပွဲဖြစ် ပွားခဲ့မှုဟာ ဒီနှစ်အတွင်းမှာ အကြိမ်ပေါင်း ၃၀ ကျော်ရှိပြီလို့ သိရပါတယ်။

အဲဒီလိုဖြစ်ပွားနေတာဟာ RCSS/SSA ရဲ့ နယ်မြေချဲ့ထွင်မှုကြောင့် မဟုတ်ကြောင်းလည်း ဒုဗိုလ်မှူးကြီး စိုင်းမိဏ်း က ပြောပါတယ်။  အပြန်အလှန်ဆက်ဆံရေးရုံးတွေ ဖွင့်ထားပေမယ့် တပ်မတော်ဘက်က နယ်မြေရှင်းလင်းရေး ဆိုတဲ့ခေါင်းစဉ်နဲ့ အကြောင်းမကြားဘဲ လှုပ်ရှားမှုတွေ လုပ်နေတဲ့အတွက် တိုက်ပွဲဖြစ်ပွားတာဖြစ်တယ်လို့လည်း ဆိုပါတယ်။ တိုင်းရင်းသားလက်နက်ကိုင်အဖွဲ့တွေနဲ့ တိုက်ပွဲဖြစ်ပွားမှုကတော့ အထင်အမြင်လွဲမှားမှုကြောင့်ဖြစ်ပြီး RCSS အနေနဲ့ နယ်မြေကျူးလွန်ခြင်းမရှိဘူးလို့ ဒုဗိုလ်မှူးကြီး စိုင်းမိဏ်း က ပြောပါတယ်။

ရှမ်းပြည်နယ်အတွင်း ပဋိပက္ခဖြစ်ပွားနေမှုတွေနဲ့ ပတ်သက်လို့ ဖြေရှင်းဆောင်ရွက်ပေးနိုင်ဖို့ ပစ်ခတ်တိုက်ခိုက်မှု ရပ်စဲရေး ပူးတွဲစောင့်ကြည့်ရေးကော်မတီ JMC ကို အကြိမ်ကြိမ်ဆွေးနွေး တင်ပြတာတွေရှိခဲ့ပေမယ့် တပ်မတော် ဘက်က လက်မခံသလို သမာသမတ်ကျမှု၊ တန်းတူညီမျှမှုနဲ့ တရားမျှတမှု မရှိတာကြောင့် RCSS အဖွဲ့အနေနဲ့ နောင်ကျင်းပမယ့် JMC အစည်းအဝေးအဆင့်ဆင့်ကို ပါဝင်တက်ရောက်ဖို့ ပြန်လည်သုံးသပ်ရမှာဖြစ်တယ်လို့ နိုဝင်ဘာလ ၁ ရက်နေ့က ထုတ်ပြန်ထားပါတယ်။

ဒီသတင်းကို RFA သတင်းထောက် ဦးအောင်မိုးမြင့် ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ