ဟိန္ဒူဘာသာဝင် ဒုက္ခသည်တွေကို အပြီးသတ်နေရာချထားပေးမည်

မောင်တောမြို့နယ် ရွှေဇားရွာအနီးမှာ ဟိန္ဒူဘာသာဝင်တွေအတွက် ဆောက်လုပ်နေတဲ့နေအိမ်တွေကို ၂၀၁၈ နိုဝင်ဘာ ၅ ရက်နေ့က တွေ့ရစဉ်။

ရခိုင်ပြည်နယ် မောင်တောမြို့မှာ ခိုလှုံနေကြရတဲ့ ဟိန္ဒူဘာသာဝင်ဒုက္ခသည်တွေကို နေရာ ၃ခုမှာ နေအိမ် ၂၀၀ ကျော်နဲ့ ဒီလကုန်ပိုင်းမှာ အပြီးသတ်နေရာချထားပေးမယ်လို့ မောင်တောမြို့နယ် အုပ်ချုပ်ရေးမှူး ဦးမြင့်ခိုင်က ပြောပါတယ်။

ဟိန္ဒူဒုက္ခသည်တွေနဲ့ ပတ်သက်ပြီး RFA က ဒီနေ့ ဆက်သွယ်မေးမြန်းရာမှာ မြို့မအရှေ့ရပ်ကွက်၊ ရွှေဇား၊ ကြိမ်ချောင်း စတဲ့နေရာ ၃ ခုမှာ နေရာချထားပေးမှာလို့ ပြောတာဖြစ်ပါတယ်။

မောင်တောမြို့မအရှေ့ရပ်ကွက်နဲ့ ကြိမ်ချောင်းကျေးရွာတွေမှာ လုံးချင်းနေအိမ်တွေ ဆောက်လုပ်ပြီးစီးနေပြီ ဖြစ်တာကြောင့် မကြာခင်နေရာချထားနိုင်ဖို့ တင်ပြထားပြီး ရွှေဇားကျေးရွာမှာ ဆောက်လုပ်နေတဲ့နေအိမ်တွေကတော့ ငါးဆယ်ရာခိုင်နှုန်းလောက် ပြီးစီးနေပြီလို့လည်း ပြောပါတယ်။

ပြီးခဲ့တဲ့နှစ် သြဂုတ်လက ဖြစ်ပွားခဲ့တဲ့ အကြမ်းဖက်တိုက်ခိုက်မှုတွေကြောင့် နေရပ်စွန့်ခွာထွက်ပြေးခဲ့ရတဲ့ ဟိန္ဒူဘာသာဝင် ဒုက္ခသည် ၁၂၀၀ ကျော်ဟာ မောင်တောခရိုင်အုပ်ချုပ်ရေးမှူးရုံးနောက်မှာ ယာယီတဲတန်းလျားတွေ နဲ့ ခိုလှုံနေကြတာဖြစ်ပါတယ်။

ဒုက္ခသည် အိမ်ထောင်စုပေါင်း ၂၉၀ ကျော်ရှိတယ်လို့ ဟိန္ဒူခေါင်းဆောင်တွေက ပြောဆိုကြပေမယ့် အစိုးရကတော့ အိမ်ထောင်စု ၂၂၆ စုကိုသာ အတည်ပြုထားတယ်လို့သိရပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ