ပြင်းအား ၅ Willa မုန်တိုင်း မက်ဆီကို ကမ်းလွန်ပိုင်းဦးတည် တိုက်ခတ်

ပြင်းအား ၅ Willa မုန်တိုင်း မက်ဆီကို ကမ်းလွန်ပိုင်းဦးတည် တိုက်ခတ်
ပြင်းအားအဆင့် ၅ ရှိတဲ့ ဟာရီကိန်းမုန်တိုင်း Willa ဟာ ပစိဖိတ် သမုဒ္ဒရာထဲကနေ မက်ဆီကိုကမ်းရိုးတန်းဆီ ဦးတည် ရွေ့လျားနေပြီး လေတိုက်နှုန်းက တနာရီကို ၁၆၂ မိုင်နှုန်း ရှိနေတယ်လို့ NHC အမေရိကန် အမျိုးသားဟာရီကိန်းစင်တာက ပြောပါတယ်။

ဟာရီကိန်း Willa ဟာ အင်္ဂါနေ့ နေ့လည်ပိုင်းမှာ ကုန်းတွင်းကို ဝင်ရောက်လာမယ်လို့ ခန့်မှန်းထားပြီး ဒါဟာ သိပ်ကို အန္တရာယ်ကြီးတဲ့ ဟာရီကိန်း မုန်တိုင်းကြီး တခုဖြစ်ကြောင်းလည်း ဟာရီကိန်းစင်တာ ကပြောပါတယ်။

မုန်တိုင်းဟာ လူဦးရေ ၅ သိန်းလောက် နေထိုင်ရာ မြို့ပြဒေသနဲ့ အနားက နာမည်ကျော် Mazatlan အပမ်းဖြေဆိပ်ကမ်း နားကို ဝင်ရောက်လာမယ်လို့ ခန့်မှန်းကြပါတယ်။ အဲဒီတဝိုက်က နိုင်ငံခြားခရီးသွားတွေ လာရောက်လေ့ရှိတဲ့ နေရာ အများအပြားနဲ့ တံငါရွာကလေး တွေလည်း မုန်တိုင်းလမ်းကြောင်းတလျှောက်မှာ ရှိနေတာမို့ မုန်တိုင်းသင့်နိုင်တဲ့ အန္တရာယ် ရှိနေပါတယ်။

မုန်တိုင်းဟာ တနင်္လာနေ့မှာတော့ မက်ဆီကိုနိုင်ငံ ပစိဖိတ်ကမ်းရိုးတန်က လှပတဲ့မြို့ကလေးဖြစ်တဲ့ Cabo Corrientes ရဲ့ အနောက်တောင် ဘက် မိုင် ၂၀၀ လောက်အကွာမှာ ရှိနေပါတယ်။

အင်္ဂါနေ့မှာ Willa မုန်တိုင်းက အားနည်းနည်း ပျော့လာနိုင်ပေမယ့် မက်ဆီကို ကမ်းခြေကို ရောက်ချိန်မှာ အင်မတန် အန္တရာယ်ကြီးတဲ့ ဟာရီကိန်း မုန်တိုင်း တခု အဖြစ်ရှိနေနိုင်တယ်လို့ NHC ဟာရီကိန်းစင်တာက ခန့်မှန်းပါတယ်။

မက်ဆီကိုနိုင်ငံက Sinaloa နဲ့ Nayarit ပြည်နယ်တွေက အစိုးရတွေကတော့ ကမ်းရိုးတန်းက ကျောင်းတွေကို ပိတ်ထားဖို့နဲ့ အရေးပေါ် ခိုလှုံရာနေရာတွေကို ပြင်ထားဖို့ အမိန့်ထုတ်ထားပါတယ်။

အဲဒီပြည်နယ်တွေမှာ မုန်တိုင်းကြောင့် မိုးရေချိန် ၆ လက်မကနေ ၁၈ လက်မအထိ ရွာသွန်းနိုင်ပြီး တောင်ထူထပ်တဲ့ နေရာတွေမှာ မြေပြိုနိုင်ကြောင်း သတိပေးချက်တွေ ထုတ်ပြန်ထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ