ဆော်ဒီသတင်းထောက် ကောင်စစ်ရုံးထဲမှာ အသတ်ခံရကြောင်း တူရကီပြော


အမေရိကန်နိုင်ငံမှာ ထွက်ပြေးခိုလှုံနေတဲ့ ဆော်ဒီအာရေဗျသတင်းထောက် Jamal Khashoggi ဟာ သူလက်ထပ်ဖို့လိုအပ်တဲ့ စာရွက်စာတမ်းတွေယူဖို့ တူရကီနိုင်ငံ Istanbul က ဆော်ဒီအာရေဗျ ကောင်စစ်ရုံးကို သွားရောက်ခဲ့ရာမှာ ပြီးခဲ့တဲ့ သီတင်းပတ်တုန်းက အသတ်ခံခဲ့ရတယ်လို့ တူရကီ အရာရှိတွေက ကောက်ချက်ချ ပြောဆိုပါတယ်။

ဆော်ဒီအရာရှိတွေကတော့ အသက် ၅၉ နှစ်အရွယ် ဒီသတင်းထောက်ကို ရက်အတော်ကြာ မတွေ့မြင်ခဲ့သလို ဒီစွပ်စွဲချက်တွေဟာ အခြေအမြစ်မရှိဘူးလို့ ပြောဆိုပါတယ်။

အင်္ဂါနေ့က ကောင်စစ်ရုံးရှေ့မှာ စောင့်နေတဲ့ Khashoggi ရဲ့ ရည်းစားဖြစ်သူ Hatice Cengiz ကတော့ အဲဒီအဆောက်အဦးထဲက သူ့ရည်းစား ပြန်ထွက်မလာ တော့ဘူးလို့ ပြောပါတယ်။

ဒီကိစ္စကို ဆက်လက်စုံစမ်းမှာ ဖြစ်ပြီး တရားဝင် စုံစမ်းလို့ရတဲ့ အချက်အလက်တွေကို ကမ္ဘာကို တင်ပြမှာ ဖြစ်ကြောင်း တူရကီ သမ္မတ Recep Tayyip Erdogan က သတင်းထောက်တွေကို တနင်္ဂနွေနေ့မှာ ပြောပါတယ်။ ဒါ့အပြင် ကောင်စစ်ရုံး အဝင် အထွက် ကို ထောက်လှန်းရေး ဗီဒီယိုတွေမှာ ရဲတွေက စစ်ဆေးနေသလို Istanbul လေဆိပ်မှာပါ စစ်ဆေးနေကြောင်း လည်း ပြောပါတယ်။ ပြီးခဲ့တဲ့ အင်္ဂါနေ့က Istanbul လေဆိပ်ကို ဆော်ဒီနိုင်ငံသား ၁၅ ယောက် လေယာဉ် ခရီးစဉ် နှစ်ခုနဲ့ ရောက်လာခဲ့ပြီး သူတို့တွေဟာ Khashoggi နဲ့ အတူ ကောင်စစ်ရုံးမှာ ရှိနေတယ်လို့ ရဲတွေက ပြောပါတယ်။

မနှစ်က ဆော်ဒီအာဏာပိုင်တွေက အတိုက်အခံတွေကို ခြေမှုန်းချိန်မှာ Washington Post သတင်းစာမှာ ရေးသားနေတဲ့ ဆော်ဒီနိုင်ငံသား Khashoggi ဟာ အမေရိကန်မှာ ခိုလှုံခဲ့တာ ဖြစ်ပြီး သူဟာ ဆော်ဒီိအိမ်ရှေ့စံမင်းသား Muhammad bin Salman ကို ဝေဖန်ခဲ့သူ ဖြစ်ပါတယ်။

အခုလို ဆော်ဒီကောင်စစ်ရုံးမှာ အသတ်ခံရတယ်လို့ပြောဆိုချက်တွေနဲ့ ပတ်သက်ပြီး အမေရိကန် နိုင်ငံခြားရေးဌာနကတော့ ဒီသတင်းတွေ အတွက် အတည်မပြုနိုင်သေးကြောင်းနဲ့ အခြေနေကို အနီးကပ် စောင့်ကြည့်နေကြောင်း ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ