မူဆယ် (၁၀၅) မိုင် ကုန်သွယ်ရေးဇုန် ကို တွေ့ရစဉ် |
တရုတ်နိုင်ငံကို စပါးတရားမ၀င်တင်ပို့နေတာတွေ ဒီနှစ်ပိုင်းမှာ ပိုပြီးများလာတဲ့အတွက် အရေးယူပေးဖို့ဆိုပြီး စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနက သက်ဆိုင်ရာ ပြည်နယ်အစိုးရအဖွဲ့တွေနဲ့ ပြည်ထဲရေး ၀န်ကြီးဌာနတို့ကို အကြောင်းကြားထားပြီးနောက်မှာ ပြီးခဲ့တဲ့ အောက်တိုဘာ ၁၈ ရက်နေ့က စပါးတရားမ၀င် တင်ပို့တဲ့ ယာဉ် ၁၇ စီးကို ဖမ်းဆီးရမိခဲ့တာလို့ သိရပါတယ်။
ရှမ်းပြည်နယ်မြောက်ပိုင်း နမ့်ခမ်းမြို့မှာ တရုတ်နိုင်ငံကို တရားမ၀င်ပို့ဖို့အတွက် ယာဉ် ၁၇ စီးနဲ့ သယ်ဆောင်လာတဲ့ စပါးအိတ်ရေ ၃ ထောင် ကျော်ကို ဖမ်းဆီးရမိခဲ့တာဖြစ်ပြီး သက်ဆိုင်ရာဌာနတွေက ဥပဒေနဲ့အညီ အရေးယူထား တယ်လို့ သိရပါတယ်။ မြန်မာနိုင်ငံကထွက်တဲ့ စပါးကို ပြည်ပတင်ပို့ရောင်းချခွင့် အစိုးရကပိတ်ပင်ထားတာကြောင့် တရုတ်နိုင်ငံကို မှောင်ခိုလမ်းကြောင်းကနေ တင်ပို့ရောင်းချနေကြတာပါ။
ဒီနှစ်မိုးစပါးပေါ်ခါစ အောက်တိုဘာလဆန်းမှာပဲ တရုတ်ကုန်သည်တွေက ပြည်တွင်းအထိ ၀င်ရောက်ပြီး တောင်သူတွေဆီကနေ စပါးတွေဝယ်ယူတာတွေရှိနေသလို ပြည်တွင်းကုန်သည်ပွဲစား တချို့ကလည်း မှောင်ခိုလမ်းကြောင်းကနေ တရုတ်ပြည်ကို တင်ပို့တာတွေရှိနေတယ်လို့ ဆန်စက်လုပ်ငန်းရှင်တွေက ပြောပါတယ်။
RFA Burmese
https://www.rfa.org
စပါး တရားမ၀င်တင်ပို့မှုတွေ ဖမ်းဆီးအရေးယူ
Reviewed by THITHTOOLWIN
on
21:21
Rating: