မူဆယ်-တရုတ် နယ်စပ် မှာ နှစ်ဖက် အငြင်းပွားမှု ဖြစ် |
ဆင်ဖြူဈေး ကော်မတီရုံး ဆောက်လုပ်ဖို့ အုတ်မြစ်ချထားတဲ့ နေရာကို တရုတ်ဘက်က လာရောက် တားဆီးခဲ့တာ ဖြစ်ပါတယ်။
ကန့်ကွက်ခံရတဲ့ အဆောက်အအုံ ဆောက်ထားတဲ့ နေရာက နှစ်နိုင်ငံ နယ်စပ် စည်းမျဉ်းနဲ့ မလွတ်ကင်းတဲ့နေရာ ဖြစ်နေတဲ့အတွက် နယ်နိမိတ် အနေအထားအရ ဆောက်လို့မရတဲ့ အနေအထားဖြစ်သလို မြေပြင် အနေအထား အရလည်း လက်ရှိ အဆောက်အအုံက တရုတ်ဘက်ကို ရောက်နေတယ်လို့ မူဆယ်မြို့ခံ တဦး ဖြစ်တဲ့ အမျိုးသားဒီမိုကရေစီအဖွဲ့ချုပ် မူဆယ်မြို့နယ် အလုပ်အမှုဆောင်အဖွဲ့ဝင် ဒေါ်စန်းစန်းထွေးက ဘီဘီစီကို ပြောပါတယ်။
ဒီ ဖြစ်စဉ်ကို တရုတ်ဘက်က လာတားရာမှာ နယ်ခြားစောင့်တပ်၊ ရဲတပ်ဖွဲ့နဲ့ တရုတ် တပ်မတော် တို့ ပါဝင်တဲ့ လက်နက်ကိုင် တပ်ဖွဲ့တွေ အသုံးပြုခဲ့ပါတယ်။
မူဆယ် လောင်းကစားရုံ ပစ်ခတ်မှု တအာင်းရှေ့နေ ရုံးထုတ်
မူဆယ် ကုန်သည်တွေရဲ့ ဘဏ်စာရင်း တရုတ် ပြန်ဖွင့် ပေးတော့မလား
တရုတ်က ဆန်နဲ့ သကြား တင်သွင်းမှု တင်းကျပ်လို့ မြန်မာကုန်သည်တွေအခက်ကြုံ
မြန်မာအစိုးရဘက်က တရုတ်လက်နက်ကိုင်တပ်ဖွဲ့ နယ်ခြားကို ဝင်ရောက်လာမှု အပေါ် တရားဝင် ကန့်ကွက်ထားပြီး သံတမန်နည်းနဲ့ ဖြေရှင်းဖို့ ရှိတယ်လို့ မူဆယ်မြို့နယ် အုပ်ချုပ်ရေးမှူး ဦးသူရိန်က ဘီဘီစီကို ပြောပါတယ်။
ကန့်ကွက်ခံရတဲ့ အဆောက်အအုံ ဆောက်လုပ်မှုနဲ့ ပတ်သက်ပြီး စိစစ်နေကာ လောလောဆယ်မှာတော့ အဆောက်အအုံ ဆောက်လုပ်တာကို ရပ်နားထားတယ်လို့ ဆိုပါတယ်။
ဒီဖြစ်စဉ်ကို တရုတ်ဘက်ကလည်း ဘေဂျင်းမှာ ရုံးထိုင်တဲ့ နယ်စပ်ရေးရာ ကောင်စီဝင်ကို တင်ပြသွားမယ်လို့ သိရပါတယ်။
လက်ရှိ အခြေအနေမှာတော့ နှစ်နိုင်ငံက သက်ဆိုင်ရာ အာဏာပိုင် အရာရှိတွေနဲ့ လုံခြုံရေး တပ်ဖွဲ့ရောက်ရှိနေပြီး နှစ်ဘက် ညှိနှိုင်းနေတယ်လို့ မူဆယ် မြို့ ဒေသခံတွေက ပြောပါတယ်။ ။
BBC Burmese
https://www.bbc.com
မူဆယ်က တရုတ်နယ်ခြား အငြင်းပွားမှုမှာ လက်နက်ကိုင် တရုတ်တပ်တွေ ဝင်လာ
Reviewed by THITHTOOLWIN
on
19:15
Rating: