ခြံအတွင်းခေတ္တနားခိုခွင့်ပေးထားသူများက ခြံရှင်အား ဓားဖြင့်ထိုးကာ ပစ္စည်းလုယက်မှုသထုံတွင်ဖြစ်ပွား


သထုံ ၊ ဇွန် ၊ ၁၈

မွန်ပြည်နယ်၊ သထုံမြို့နယ်၊ နောင်ကုလားကျေးရွာရှိ ဥယျာဉ်ခြံတစ်ခြံတွင် ဇွန်လ ၁၇ ရက်၊ ည ၇ နာရီ အချိန်ခန့်က ခြံအတွင်း ခေတ္တနားခိုခွင့် ပေးထားသူများက ခြံရှင်အား ဓားဖြင့်ထိုးကာ ဆိုင်ကယ်၊ ဖုန်းနှင့် ငွေအချို့အား လုယက် ထွက်ပြေးမှု ဖြစ်ပွားခဲ့ကြောင်း သိရသည်။

ဖြစ်စဉ်မှာ နောင်ကုလားကျေးရွာနေ ကိုဝင်းဇော် ၄၆ နှစ် (ဘ) ဦးဟံတင် သည် အဆိုပါနေ့ နေ့လယ်ပိုင်းက နောင်ကုလားကျေးရွာ၊ ဂန္ဓမာလမ်းရှိ မင်းဂွတ်ခြံသို့ အသွားတွင် လမ်းထိပ်ဇရပ်၌ အမည်မသိလူငယ် ၃ ဦး ထိုင်နေသည်ကိုတွေ့ရပြီး ၎င်းတို့ ၃ ဦးထဲမှ တစ်ဦးက ဇနီးဖြစ်သူကိုရှာရန် လာသောကြောင့် ခေတ္တနားခိုနိုင်ရန် နေရာအကူအညီတောင်းသဖြင့် ၎င်းပိုင် မင်းဂွတ်ခြံရှိ တဲသို့ ခေါ်ဆောင်ကာ နေရာပေးထားခဲ့ကြောင်း ညပိုင်းတွင် လူငယ် ၃ ဦးအား ခြံထဲ၌ သွားရောက်ကြည့်ရှုပြီး အခြေအနေမေးမြန်းစဉ် ၎င်း လူငယ် ၃ ဦးက အရိုး ၆ လက်မ အသွား၆ လက်မရှိ ဓားဖြင့်ထောက်ကာ ပါလာသော ဆိုင်ကယ်နှင့်ပစ္စည်းများလုယူပြီး လူငယ်တစ်ဦးက ဓားဖြင့်ထိုးကာ ထွက်ပြေးသွားကြောင်း ဓားဖြင့်အထိုးခံရသဖြင့် ကိုဝင်းဇော်တွင် ယာနံကြား ထိုးသွင်းဒဏ်ရာတစ်ချက်၊ နောက်ကျော အလယ် ပြတ်ရှဒဏ်ရာများရရှိခဲ့ပြီး သထုံခရိုင်ဆေးရုံသို့ တင်ပို့ကုသထားရကြောင်း သိရသည်။

ဖြစ်စဉ်တွင် သထုံမြို့မရဲစခန်းမှ တပ်ဖွဲ့ဝင်များက ဓားဖြင့်ထိုးကာပစ္စည်းလုယူသွားသူများအား စုံစမ်းရှာဖွေရာ သထုံမြို့နယ်၊ သုဝဏ္ဏဝတီမြို့အတွင်း၌ ရဲကို (ခ)ကိုရဲ ၂၃ နှစ် (ဘ) ဦးမြင့်ဦး လှိုင်သာယာနေသူအား သက်သေခံဓားနှင့်အတူ ဖမ်းဆီးရမိခဲ့ပြီး ၎င်းအားစစ်ဆေးရာ လုယက်မှု ကျူးလွန်ရာတွင် ၎င်းနှင့်အတူ ပါဝင်သူများမှာ ရဲမြင့် ၃၀ နှစ် လှိုင်သာယာနေသူနှင့် ကျော်ဇင်ဦး ၂၃ နှစ် လှိုင်သာယာနေသူတို့ ဖြစ်ပြီး လုယူသွားသောဆိုင်ကယ်နှင့်အတူ ထွက်ပြေးနေကြောင်း သိရသည်။

အဆိုပါဖြစ်စဉ်နှင့်ပတ်သက်၍ ဓားဖြင့်ထိုးကာ ပစ္စည်းလုယူမှုကျူးလွန်သူ ရဲကို (ခ) ကိုရဲ၊ ရဲမြင့်၊ ကျော်ဇင်ဦးတို့ ၃ ဦးအား သထုံမြို့မရဲစခန်းမှ အမှုဖွင့်ထားပြီး ကျန်ရှိတရားခံများ ဖမ်းဆီးရ မိရေးဆောင်ရွက်လျက်ရှိကြောင်း သိရသည်။

သက်ဦး(သထုံ)
MOI Webportal Myanmar
https://www.facebook.com/MOIWebportalMyanmar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ