ကျောက်မဲတွင် အမျိုးသမီးတစ်ဦးအား ဓါးဖြင့်ထိုးပြီး တားမြစ်သူကို ဝိုင်းရိုက်သည့် လူငယ်နှစ်ဦးကို ဖမ်းဆီးအရေးယူထား


ရှမ်းပြည်နယ်(မြောက်ပိုင်း) ကျောက်မဲမြို့တွင် စကားများရာမှ အမျိုးသမီးတစ်ဦးအား ဓါးဖြင့်ထိုးပြီး တားမြစ်သူကို ဝိုင်းရိုက်သည့် လူငယ်နှစ်ဦးကို အရေးယူထားကြောင်းသိရသည်။

ကျောက်မဲမြို့ အမှတ် (၇) ရပ်ကွက်၊ နယ်မြေ (၆) ရှိ ငွေလရောင်ထမင်းဆိုင်သို့ ၂၀၁၈ ခုနှစ်၊ ဇွန်လ (၁၁) ရက်နေ့ ည (၁၀) နာရီခန့်က ဝေယံနှင့် သူငယ်ချင်းဖြစ်သူ သက်ဝေစိုးတို့ လာရောက်ခဲ့ပြီး ဝေယံက ဇနီးဖြစ်သူ ထမင်းဆိုင်ပိုင်ရှင်၏သမီးကို လာရောက် ခေါ်ယူခဲ့ခြင်းဖြစ်ကြောင်း သိရသည်။

ဇနီးအား ခေါ်ယူစဉ် ဇနီးဖြစ်သူ၏ အစ်မဖြစ်သူ မစန်းကျော့ခိုင်နှင့် စကားများရန်ဖြစ်ခဲ့ရာ ထမင်းဆိုင်အပြင်ထိ ထွက်၍ရန်ဖြစ်ခဲ့ပြီးနောက် မစန်းကျော့ခိုင်သည် လည်ပင်းရှေ့ဘက်၌ ဓါးဒဏ်ရာရသွားပြီး ကျောက်မဲဆေးရုံသို့ ပို့ဆောင်စဉ် ဆေးရုံ၌ သေဆုံးသွားခဲ့ကြောင်း သိရသည်။

အခင်းဖြစ်ပွားချိန်တွင် ဝေယံ၏ လက်ထဲ၌ ဓါးတစ်လက်ကိုင်ထားပြီး သက်ဝေစိုးမှာ ဝါးတုတ်တစ်ချောင်း ကိုင်ထားသည့်အတွက် မယား ညီအစ်ကိုဖြစ်သူက ရန်ဖြစ်ပွားခြင်းကို သွားရောက်တားမြစ်ခဲ့စဉ် အဆိုပါအမျိုးသားနှစ်ဦးက ဝိုင်းရိုက်ခဲ့၍ ဓါးဒဏ်ရာနှင့် ပေါက်ပြဲဖူးယောင် ဒဏ်ရာများ ရရှိခဲ့သဖြင့် ဆေးရုံတင်ပို့ထားကြောင်း သိရသည်။

အသက်(၂၂)နှစ်အရွယ် ဝေယံနှင့် သက်ဝေစိုးတို့အား ကျောက်မဲမြို့မရဲစခန်းတွင် (ပ)၂၃၅/၂၀၁၈ ပုဒ်မ ၃၀၂/၃၂၆/၁၁၄ တို့ဖြင့် အမှုဖွင့်အရေးယူထားကြောင်း သိရသည်။

သတင်း - နေဖြိုးမြင့်
ဓါတ်ပုံ  - ရဲတပ်ဖွဲ့
Tachileik News Agency
https://www.tachileik.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ