မွန်ပြည်သစ်ပါတီက ကိုယ်စားလှယ်တွေ ၂၀၁၈ ခုနှစ် ဖေဖော်ဝါရီလ ၁၃ ရက်နေ့က NCA လက်မှတ်ရေးထိုးခဲ့စဉ်/ Photo: Myanmar State Counsellor Office |
ဖက်ဒရယ်ဒီမိုကရေစီ ပြည်ထောင်စုစနစ် ပေါ်ပေါက်ဖို့ ဆောင်ရွက်နေတဲ့အချိန်မှာ မွန်ပြည်သစ်ပါတီက NCA လက်မှတ်ရေးထိုးတာကို ကြိုဆိုထောက်ခံကြောင်း အဆိုတင်ခဲ့တာလို့ ပေါင်မြို့နယ် အမှတ် ၁ ပြည်နယ် လွှတ်တော်ကိုယ်စားလှယ် ဦးထွန်းမင်းအောင် ကပြောပါတယ်။
"တိုင်းရင်းသားတွေရော တပ်မတော်ရော အစိုးရရောပြည်သူလူထုရော အကုန်လုံး လက်ခံတဲ့ ဖက်ဒရယ်ဒီမိုကရေစီ ပြည်ထောင်စုစနစ်တစ်ရပ် ပေါ်ပေါက်ဖို့အတွက် ပထမအဆင့်အနေနဲ့ NCA လက်မှတ်ရေးထိုးဖို့ ဝိုင်းဝန်းကြိုးပမ်းနေတဲ့အချိန်မှာ အချိန်ကောင်း၊ အဲအချိန်မှာ မွန်ပြည်သစ်ပါတီက ဒါကိုဆုံးဖြတ်ချက်ချပြီး ဟုတ်တယ် ငါတို့စားပွဲဝိုင်းမှာ သွားတော့မယ်ဆိုပြီးတော့ NCA လက်မှတ်ထိုး လိုက်တယ် NCA လက်မှတ်ထိုးတဲ့ မွန်ပြည်သစ်ပါတီအတွက် ဂုဏ်ယူပြီးတော့ ဒီကိစ္စလုပ်တာ ကို ထောက်ခံတယ် ကြိုဆိုတဲ့အကြောင်း အဆိုတင်သွင်းရခြင်းဖြစ်တယ်"
ဒီမွန်ပြည်သစ်ပါတီ NCA လက်မှတ်ရေးထိုးတာကို ကြိုဆိုထောက်ခံကြောင်းအဆိုကို လွှတ်တော် ကိုယ်စားလှယ် လေးဦးက ဆွေးနွေးပြီး မွန်ပြည်နယ်လွှတ်တော်မှာ အတည်ပြုခဲ့တာပါ။
မွန်ပြည်သစ်ပါတီဟာ NCA လက်မှတ်ကို ပြီးခဲ့တဲ့ ဖေဖော်ဝါရီလ ၁၃ တုန်းက လက်မှတ်ရေးထိုးခဲ့တာဖြစ်ပါတယ်။
လက်ရှိအချိန်မှာတော့ မွန်ပြည်သစ်ပါတီရဲ့ လူထုတွေဆုံပွဲတွေကို တပ်မတော်က လူဦးရေကန့်သတ်တာကြောင့် မကျင်းပနိုင်သေးပါဘူး။
RFA Burmese
https://www.rfa.org/burmese
NCA ထိုးတဲ့ မွန်ပြည်သစ်ပါတီကို မွန်လွှတ်တော် ကြိုဆို
Reviewed by THITHTOOLWIN
on
18:28
Rating: