ပိုးသတ်ဆေး ဖျန်းနေပုံ - နမူနာဓါတ်ပုံသာဖြစ်ပါသည်။ |
အခင်းဖြစ်စဉ်မှာ စလင်းမြို့ နယ် မကျီးပင်ပုကျေးရွာအုပ်စု ကူတို(တောင်) ကျေးရွာ နေ ဦးသောင်းမြင့်၏သမီး မနှင်းသီတာလှိုင် ၂၃နှစ် တောင်သူလုပ်ကိုင်သူသည် နှမ်းခင်းအား ပိုးသတ်ဆေးပက်ဖျန်းရာမှ ပိုးသတ်ဆေးရည်နှင့် ဆေးငွေ့ များ ပါးစပ်နှင့်နှာခေါင်းအတွင်း ဝင်ရောက်၍ သေဆုံးသွားကြောင်း သတင်းရရှိ၍ ဒုရဲမှူးသန်းဇော် နှင့်အဖွဲ့ က သက်သေများနှင့်အတူ သွားရောက်စစ်ဆေးခဲ့သည် သေဆုံးသူ မနှင်းသီတာလှိုင်သည် နံနက် ၇း၃၀. အချိန်ခန့် တွင် ကျစ်ကန်ကွင်းရှိလည်းကောင်းမိဘများပိုင်ဆိုင်သော နှမ်းခင်းအား ပိုးသတ်ဆေးရည်ပက်ဖျန်းရန် နေအိမ်မှ ဆိုင်ကယ်ဖြင့် တစ်ဦးတည်းသွားရောက်ခဲ့ သည်။
၁၀း၃၀ အချိန်ခန့်တွင် နေအိမ်သို့ပြန်လည်ရောက်ရှိပြီး နေ့လည်စာထမင်းစားသောက်ပြီး မိခင်ဖြစ်သူ ဒေါ်ခင်စန်းဝေ အားခေါင်းမူး၍ အိမ်ပေါ်တက်ခဏ လှဲဦးမည်ဟုပြောကြားကာ အိမ်ပေါ်တက်၍အိပ်နေခဲ့ရာ နာရီဝက်ခန့် အကြာ မိခင်ဖြစ်သူက နေအိမ်ပေါ်မှ အန် သံကြား၍ တက်ကြည့်ရာ သမီးဖြစ်သူ မနှင်းသီတာလှိုင်သည်လေများပျို့ အန်၍ခြေလက်များ အကြောတက်သကဲ့သိုဖြစ်နေသည်ကိုတွေ့ ရသဖြင့် အိမ်နီးနားခြင်းများကိုခေါ်၍ ဝိုင်းဝန်းနှိပ်နယ်မှု့ ပြုစဉ် မနှင်းသီတာလှိုင်၏ ပါးစပ်မှပိုးသတ်ဆေးအနံ့ ရရှိသဖြင့် ညနေ ၄ နာရီအချိန်ခန့်တွင် စလင်းဆေးရုံသို့ တင်ပို့ပေးခဲ့ ရာ ဆေးရုံရောက်ပြီး မကြာမီ မနှင်းသီတာလှိုင်မှာ သေဆုံးသွားခဲ့ကြောင်း စစ်ဆေးတွေ့ရှိသဖြင့် စစ်ဆေးလျက်ရှိကြောင်း သိရသည်။
စစ်ကြည်(စလင်း)
Myanmaalinn
https://www.facebook.com/MYANMAALINNNEWS/
ပိုးသတ်ဆေးပက်ဖျန်းရာမှ ဆေးရည် ဆေးငွေ့ ပါးစပ်နှင့်နှာခေါင်းတွင်ဝင်၍ လူသေဆုံး
Reviewed by THITHTOOLWIN
on
18:17
Rating: