LGBT အလှမယ်ပြိုင်ပွဲ ဗီယက်နမ်မယ် ပထမဆုဆွတ်ခူး

LGBT ဗီယက်နမ် အလှမယ် Nguyen Huong Giang (AFP)
လိင်ပြောင်းထားသူတွေရဲ့ ကမ္ဘာမှာ အကြီးဆုံးနဲ့ လူကြိုက်အများဆုံး အလှမယ်ပြိုင်ပွဲတခုကို မတ်လ ၉ ရက်နေ့ သောကြာနေ့က ထိုင်းနိုင်ငံ ပတ္တယားမြို့မှာကျင်းပခဲ့တော့ Vietname နိုင်ငံက Nguyen Houng Giang က Miss International Queen နိုင်ငံတကာ ဘုရင်မဆုကို ရရှိသွားပါတယ်။

အသက် ၂၇ နှစ်အရွယ် Ms Nguyen က ပထမနေရာရပြီး Australia နဲ့ Thai နိုင်ငံတို့က အလှမယ်တွေက ဒုတိယနဲ့ တတိယ အသီးသီးရှိကြပါတယ်။ ပြိုးပျက်လက် လှပတဲ့ ဝတ်စုံတွေနဲ့ အဲဒီပြိုင်ပွဲကို လိင်ပြောင်းထားသူတွေရဲ့ ကပွဲတွေပြုလုပ်တဲ့ Miss Tiffany ပြဇာတ်ရုံမှာ ကျင်းပခဲ့တာပါ။

အဲဒီလို အလှမယ်သရဖူ ဆွတ်ခူးနိုင်ဖို့ စင်မြင့်ပေါ် ယှဉ်ပြိုင်နေကြချိန်မှာ တဘက်ကလည်း LGBT လိင်တူချစ်သူတွေနဲ့ လိင်ပြောင်းထားသူတွေကို ခွဲခြား ဆက်ဆံတာတွေ မလုပ်ကြဖို့လည်း တောင်းဆိုသွားပါတယ်။

ထိုင်းနိုင်ငံရဲ့ ပင်လယ်ကမ်းခြေ အပန်းဖြေမြို့ဖြစ်တဲ့ ပတ္တယားမြို့မှာ ဒီပြိုင်ပွဲကို နှစ်စဉ်ကျင်းပလာတာ ဒီနှစ်က ၂၃ ကြိမ်မြောက်ဖြစ်ပြီး ကမ္ဘာတလွှားက လိင်ပြုပြင်ထားသူတွေ ဝင်ရောက် ယှဉ်ပြိုင်ကြတာပါ။ ဒီပြိုင်ပွဲဟာ အခုလို လိင်ပြုပြင်ထားသူတွေရဲ့ အရည်အချင်းကို ထုတ်ဖော် ပြသနိုင်ဖို့ အခွင့်အရေး ဖန်တီးပေးထားတာလည်း ဖြစ်ပါတယ်။

VOA (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ