နယ်စပ်လုံခြုံရေး ဆွေးနွေးဖို့ ပြည်ထဲရေးဝန်ကြီး ဘင်္ဂလားဒေ့ရ်ှကို သွားရောက်

ဘင်္ဂလားဒေ့ရ်ှနိုင်ငံကို ထွက်ခွါမယ့် ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ ဦးဆောင်တဲ့ အဖွဲ့ကို ၂ဝ၁၈ ခုနှစ် ဖေဖော်ဝါရီလ ၁၅ ရက်နေ့က တွေ့ရစဉ်/ Photo: Ministry of Home Affairs, Myanmar - facebook
မြန်မာ-ဘင်္ဂလားဒေ့ရ်ှနှစ်နိုင်ငံ နယ်စပ်ဒေသလုံခြုံရေးနဲ့ တရားဥပဒေစိုးမိုးရေးဆိုင်ရာ ကိစ္စရပ်တွေကို ဆွေးနွေးဖို့ အတွက် ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ ဦးဆောင်ပြီး ဘင်္ဂလားဒေ့ရ်ှနိုင်ငံကို ဒီနေ့ မနက်ပိုင်းက ထွက်ခွာသွားတယ်လို့ ပြည်ထဲရေးဝန်ကြီးဌာနက သတင်းထုတ်ပြန် ပါတယ်။

အဲဒီအဖွဲ့မှာ မြန်မာနိုင်ငံရဲတပ်ဖွဲ့၊ အထွေထွေအုပ်ချုပ်ရေးဦးစီးဌာနနဲ့ နိုင်ငံခြားရေးဝန်ကြီးဌာနတွေက ကိုယ်စားလှယ် (၁၂) ဦး လိုက်ပါသွားတယ်လို့လည်း ရေးသားထားပါတယ်။

ဒီခရီးစဉ်အတွင်း မူးယစ်ဆေးဝါး ပူးပေါင်းတိုက်ဖျက်ရေး၊ နှစ်နိုင်ငံနယ်စပ်ဆက်ဆံရေးရုံး ဖွင့်လှစ်မယ့်ကိစ္စတွေကို ဆွေးနွေးညှိနှိုင်းသွားမယ်လို့လည်း ပြည်ထဲရေးဝန်ကြီးဌာနရဲ့ ထုတ်ပြန်ချက်မှာ ပါရှိပါတယ်။

ဘင်္ဂလားဒေ့ရ်ှကို အဲဒီကိုယ်စားလှယ်အဖွဲ့ သွားရတာဟာ ပြီးခဲ့တဲ့ ဇန်န၀ါရီလကုန်ပိုင်းကတည်းက ပြန်လည်လက် ခံရေးတွေ စတင်နေပေမယ့် ဘင်္ဂလားဒေ့ရ်ှနိုင်ငံကိုရောက်ရှိနေတဲ့ ဒုက္ခသည်တွေဟာ မြန်မာနိုင်ငံဘက်ကို လက်ရှိအချိန်အထိ တစ်ယောက်မှ ပြန်မလာတဲ့ကိစ္စနဲ့ ပတ်သက်နေတယ်လို့ သတင်းတွေထွက်နေပေမယ့် အတည်ပြုနိုင်ခြင်း မရှိပါဘူး။

ဒါပေမဲ့ ဒုက္ခသည် ပြန်လည်လက်ခံရေးကိစ္စတွေကို ဆောင်ရွက်နေတဲ့ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး ၀န်ကြီးဌာန တာဝန်ရှိသူတွေနဲ့ လူဝင်မှုကြီးကြပ်ရေးဌာန တာဝန်ရှိသူတွေတော့ ကိုယ်စားလှယ်အဖွဲ့မှာ မပါဝင်ပါဘူး။

ပြီးခဲ့တဲ့ ၂၀၁၇ ခုနှစ် သြဂုတ်လ ၂၅ ရက်နေ့က ဖြစ်ပွားခဲ့တဲ့ လုံခြုံရေးတပ်ဖွဲ့စခန်းတွေ တိုက်ခိုက်ခံရမှု ဖြစ်စဉ်နောက် ပိုင်းမှာ ရခိုင်ပြည်နယ် မောင်တောဒေသက ဒေသခံ ရခိုင်၊ မြို၊ ခမီ၊ ဒိုင်းနက်၊ ဟိန္ဒူဘာသာဝင်တွေနဲ့ မွတ်စလင်တွေ ဟာ နေရပ်စွန့်ခွာပြီး ထွက်ပြေးတိမ်းရှောင်ခဲ့ကြရတာ ဖြစ်ပါတယ်။

အဲဒီအထဲက ဟိန္ဒူဘာသာဝင် အနည်းစုနဲ့ မွတ်စလင် အများစုဟာ တစ်ဘက်ဘင်္ဂလားဒေ့ရှ် နိုင်ငံဘက်ကို ထွက်ပြေးတိမ်းရှောင်နေကြတာဖြစ်ပါတယ်။

အဲဒီ ဒုက္ခသည်တွေကို နှစ်နိုင်ငံ သဘောတူညီချက်နဲ့ ပြန်လည်ခေါ်ယူဖို့ စီစဉ်ထားပေမယ့် ပြန်လည်လက်ခံရေး စတင်ချိန် ၃ ပတ်ကျော်ကြာတဲ့အထိတော့ တစ်ဦးတစ်ယောက်မှ ပြန်လာတာ မရှိသေးတာဖြစ်ပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ