စစ်ရေးအပြိုင်လှုပ်ရှားမှုကြောင့် တိုက်ပွဲဖြစ်ပွါးမည်ကို လားရှိုးကျေးလက်ဒေသခံများ စိုးရိမ်


သျှမ်းပြည်မြောက်ပိုင်းလားရှိုးမြို့နယ်အတွင်း အစိုးရတပ်အပါအဝင် လက်နက်ကိုင်တပ်များ လှုပ်ရှားသွားလာမှုများကြောင့် တိုက်ပွဲဖြစ်ပွါးမည်ကို လားရှိုးကျေးလက် ဒေသခံများစိုးရိမ်နေကြပါသည်။

လားရှိုးမြို့အရှေ့တောင်ဘက် ၂၆ မိုင်ခန့်ဝေးသော နမ့်ပေါင်အုပ်စုနှင့်နားနန်းအုပ်စုဘက်တွင် တအာင်းတပ်ဖွဲ့ TNLA နှင့် အစိုးရတပ်မတော်တို့ ဖြတ်သန်းသွားလာသည့်အပေါ်တိုက်ပွဲဖြစ်ပွားမည်ကိုဒေသခံများ ကြောက်လှန့်နေကြခြင်းဖြစ်ပါသည်။

“ပြီးခဲ့တဲ့၃-၄ ရက်က အင်အား ၁၀၀ ကျော် ရှိ ပလောင်စစ်သားတွေလာတယ်။ ရက်ပိုင်းခြားပြီး မြန်တပ် နဲ့ ပြည်သူ့စစ်တွေ စစ်ကား နဲ့ရောက်လာတယ် ။ ဆိုတော့ တိုက်ပွဲဖြစ်မှာကိုစိုးရိမ်နေကြတာ။ ပြောင်းချိုးချိန် လယ်ယာသီးနှံဆွတ်ချိန်ဖြစ်နေတော့လေ”- ဟု နမ့်ပေါင်ဒေသခံ စိုင်းအွမ်က ပြောသည်။

နမ့်ပေါင်ချောင်းအရှေ့ခြမ်းတွင် အင်အားအပြည့်တင်သည့်စစ်ကား ၂ စီးသည် ၀မ့်ပန်-နောင်လျန်- လွယ်မော်ဘက် တက်သွားပြီး နမ့်ပေါင်ချောင်းမြောက်ဘက်ခြမ်းတွင်လည်းအလားတူ စစ်ကားကြီး ၂ စီး ၀မ့်စေ့၊ မုံးပိုင်၊ တွန်းနေ၊နားမန်း ဘက်တို့တက်သွားကြောင်း၊ တအာင်းတပ်ဖွဲ့မှာမူ နမ့်ပေါင်ချောင်းမြောက်ဘက်ခြမ်း စယ့်ပေါင် ကွန်ဟျိုးဘက်တွင်လှုပ်ရှားနေကြောင်း နမ့်ပေါင်ဒေသခံကဆိုပါသည်။

ဒီဇင်ဘာ ၁၁ ရက် တနင်္လာနေ့က နားနန်းအုပ်စုဘက်တွင် လက်နက်ကြီးသံကြားရသဖြင့် နားနန်းဒေသခံများ နမ့်ပေါင်ဘက်သို့တိမ်းရှောင်လာကြကြောင်းလည်း စိုင်းအွမ်ကပြောသည်။

လားရှိုးခရိုင် အမျိုးသားလွှတ်တော်ကိုယ်စားလှယ်စိုင်းဝမ်းလျန်းခမ်းက – ငြိမ်းချမ်းရေးတည်ဆောက်နေချိန်မှာ ပစ်ခတ်တိုက်ခိုက်မှုတွေဖြစ်နေရင်လူထုကိုဘဲထိခိုက်မယ်။ ဒီနှစ် ရာသီဥတုမမှန်လို့ လယ်ယာထွက်ကုန်တွေမအောင်မြင်ဘူး။ တိုက်ပွဲတွေလာဖြစ်နေမယ်ဆိုရင် မိဘပြည်သူကိုထိခိုက်မယ်။ ဒါကြောင့်တိုက်ပွဲတွေမဖြစ်စေချင်ဘူး- ဟု ပြောသည်။

တအာင်းတပ်မတော်သည် ၀ တပ်ဖွဲ့ဦးဆောင်သောမြောက်ပိုင်းမဟာမိတ်တပ်ဖွဲ့ FPNCC တွင်ပါဝင်ပြီး NCA ကိုလက်မခံဘဲ နည်းလမ်းအသစ်ဖြင့် နိုင်ငံရေးဆွေးနွေးလိုသည့်အဖွဲ့ဖြစ်ပါသည်။ အစိုးရ၏တပ်မတော်ဘက်ကလည်း TNLA အား အကြမ်းဖက်အဖွဲ့ဟုပြောဆိုကာ NCA လက်မှတ်ရေးထိုးရန်လက်မခံဘဲ လက်နက်ချရန်သာ ပြောဆိုနေပါသည်။

သျှမ်းသံတော်ဆင့်
http://burmese.shannews.org/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ