၃ ယောက်မှာ ၁ ယောက် ဆင်းရဲနေ

၃ ယောက်မှာ ၁ ယောက် ဆင်းရဲနေ
မြန်မာနိုင်ငံမှာ ဆင်းရဲမွဲတေမှု အခြေအနေကို ကျရောက် နေသူပေါင်း ၁၇ သန်းကျော် ရှိတယ်လို့ ကမ္ဘာ့ဘဏ် အစီရင်ခံစာက သတိပေးပါတယ်။

ဒါဟာ မြန်မာနိုင်ငံရဲ့ လူဦးရေနဲ့ တွက်ကြည့်ရင် ၃၂% ကျော် ရှိနေတာ ဖြစ်တဲ့ အတွက်၊ ကမ္ဘာ့ဘဏ်ရဲ့ စံနှုန်းစံထားတွေ အရ လူ ၃ ယောက်မှာ ၁ ယောက် ဆင်းရဲ နေတာ ဖြစ်ပါတယ်။

၂ဝ၁၄-၁၅ မှာ တနိုင်ငံလုံး အနှံ့ ကောက်ခံကြည့်တဲ့ စာရင်းဇယားတွေ အပေါ် မြန်မာအစိုးရနဲ့ ကမ္ဘာ့ဘဏ်တို့ ပူးတွဲပြီး သုံးသပ် ခဲ့ကြတာ ဖြစ်ပါတယ်။

၂ဝ၁၄ အထိ ကိန်းဂဏန်းတွေ အရတော့ လူဦးရေရဲ့ ၄၈.၂ % ၊ လူ ၂ယောက်မှာ တစ်ယောက် ဆင်းရဲတယ်လို့ သုံးသပ် တာကနေ၊ အခု အစီရင်ခံစာမှာ ၃ ယောက်မှာ ၁ ယောက် ဖြစ်လာတာပါ။

ဒီ အစီရင်ခံဟာ မြို့ပြနဲ့ ကျေးလက်တွေက အိမ်ထောင်စု တခုချင်းစီရဲ့ ဝင်ငွေ၊ လူနေထိုင်မှု အဆင့်အတန်း စတာတွေနဲ့ တိုင်းတာတာဖြစ်ပြီး၊ လက်ရှိ ငွေကြေးဖောင်းပွမှုနဲ့ ကုန်ဈေးနှုန်း အချက်အလက်တွေကို ထည့်သွင်း တွက်ချက်တာ မဟုတ်ဘူးလို့ ဘီဘီစီသတင်းထောက်က ဆိုပါတယ်။
 ဝင်ငွေ၊ လူနေထိုင်မှု အဆင့်အတန်း စတာတွေနဲ့ တိုင်းတာ
ငွေကြေးဖောင်းပွမှုနဲ့ ကုန်ဈေးနှုန်းကို ထည့်တွက်ရင် ဆင်းရဲမှု ကျဆင်းတယ်လို့ ပြောလို့ မရနိုင်ဘူး ဆိုပြီး စီးပွားရေး ပညာရှင်တချို့က ပြောပါတယ်။

တိုင်းပြည်ရဲ့ ဆင်းရဲနွမ်းပါးမှု လျော့ကျဖို့ဆိုရင် ပညာရေးနဲ့ ကျန်းမာရေး ကစလို့ ကဏ္ဍတိုင်းမှာ ကိုင်တွယ် ဆောင်ရွက်ဖို့ လိုအပ်နေတယ်လို့လည်း ထောက်ပြ ပြောဆိုကြပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ