တာချီလိတ်တွင် ဦးဇင်းတစ်ပါး မောင်းလာသည့် ယာဉ်မှ အရှိန်ပြင်းတိုက်မိမှုကြောင့် အမျိုးသမီးတစ်ဦး နေရာတွင် သေဆုံး


တာချီလိတ်မြို့ ဖန်မင်ကျေးရွာအုပ်စု ဧဒင်ရွာအနီး စလီကျေးရွာရှိ တာချီလိတ် - ကျိုင်းတုံသွား ကားလမ်းမပေါ် အကွေ့တွင် ဦးဇင်းတစ်ပါး မောင်းလာသည့်ယာဉ်၏ အရှိန်ပြင်းမှုကြောင့် အသက်(၆၀)၀န်းကျင်ရှိ အမျိုးသမီးတစ်ဦး နေရာ၌ပင် သေဆုံးသွားမှု ၂၀၁၇ခုနှစ် နိုဝင်ဘာလ(၂၆)ရက်နေ့ နံနက်(၆)နာရီ ၀န်းကျင်အချိန်က ဖြစ်ပွားခဲ့ကြောင်း သိရသည်။

အသက်(၆၀)၀န်းကျင်ရှိ ဒေါ်ဘူးယုသည် နေအိမ်အရှေ့လမ်းဘေးတွင် ရပ်နေစဉ် အသက်(၂၄)အရွယ်ရှိ ဦးဇင်း ၀ိစိတ္တ(ခ)စိုင်းကွတ် ( သင်္ကန်းဝတ်ဖြင့်) မောင်းနှင်လာသည့် ယာဉ်က အရှိန်ပြင်းစွာ ၀င်ရောက် တိုက်မိကာ ယာဉ်မှာ လမ်းဘေးတွင် တိမ်းမှောက်သွားခဲ့ပြီး အဆိုပါ အမျိုးသမီးမှာ ၀မ်းဗိုက်ပွင့်ထွက်၊ ၀ဲဘက်ပေါင်အရင်းမှ ပြတ်ထွက်ပြီး ပြင်းထန်သည့် ဒဏ်ရာများဖြင့် နေရာတွင်ပင် သေဆုံးသွားခဲ့ကြောင်း သိရသည်။


အခင်းဖြစ်ပွားရာနေရာသို့ တာချီလိတ်ယာဉ်ထိန်းရဲတပ်ဖွဲ့မှ ရောက်ရှိကာ စစ်ဆေးမှုများပြုလုပ်ပြီး တာချီလိတ်နာရေးကူညီမှုအသင်းက သေဆုံးသူ၏ ရုပ်အလောင်းအား သယ်ဆောင်ကာ တာချီလိတ်ပြည်သူ့ ဆေးရုံရှိ ရင်ခွဲရုံသို့ ပို့ဆောင်ပေးထားကြောင်း သိရသည်။

အဆိုပါ ဖြစ်စဉ်နှင့် ပတ်သက်၍ ယာဉ်မောင်း ဦးဇင်း ၀ိစိတ္တ(စိုင်းကွတ်)အား လူဝတ်လဲကာ တာချီလိတ်မြို့မ ရဲစခန်းတွင် ယာဉ်(ပ)၅၄/၂၀၁၇ ရာဇသတ်ကြီးဥပဒေပုဒ်မ ၂၇၉/၃၃၇/၃၀၄-ကအရ အမှုဖွင့်အရေးယူ ဆောင်ရွက်ထားရှိကြောင်း သိရသည်။

သတင်း - စိုင်းဇေယျာ
ဓါတ်ပုံ - တာချီလိတ်နာရေးကူညီမှုအသင်း
Tachileik News Agency
http://www.tachileik.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ