တာချီလိတ်တွင် သေကြောင်းကြံစည်သည့် အမျိုးသားအား ကယ်တင်ရန်ကြိုးစားသော်လည်း သုံးထပ်တိုက်မှ ခုန်ချသေဆုံး

တာချီလိတ်မြို့ ဆန်ဆိုင်း(ခ)ရပ်ကွက်၊ ရှမ်းရိုးမကုန်တိုက်အနီးရှိ နေအိမ်အခန်းငှား (၃)ထပ်တိုက်တွင် အောက်တိုဘာလ (၁၈)ရက်နေ့ညက သေကြောင်းကြံစည်သည့် အမျိုးသားအား ကယ်တင်ရန် ကြိုးစားခဲ့သော်လည်း ည(၁၁)နာရီ (၄၆)မိနစ်အချိန်၌ သုံးထပ်တိုက်ပေါ်မှ ခုန်ချခဲ့ရာ ဆေးရုံသို့ပို့ဆောင်စဉ် သေဆုံးသွားကြောင်း သိရသည်။

"ည (၁၀)နာရီဝန်းကျင်လောက်ကတည်းက အပေါ်ထပ်မှာ ရပ်နေတာ။ လူတစ်ယောက် ဘာရပ် လုပ်နေတာလဲဆိုပြီး ကြည့်နေတာ တော်တော်ကြာတယ်။ နည်းနည်းကြာတော့ ရဲနဲ့မီးသတ်လည်း ရောက်လာတယ်။ အဲဒီ အခန်းမှာ ငှားနေသူမဟုတ်ဘူးလို့လည်း သိရတယ်"ဟု အနေနီးသူ အမျိုးသမီးတစ်ဦးက ပြောသည်။

အမျိုးသားတစ်ဦး တိုက်ပေါ်မှ ခုန်ချရန် ကြံစည်နေကြောင်း သတင်းရရှိ၍ တာချီလိတ်ခရိုင်မီးသတ်ဦးစီးမှူး ဦးထွန်းနိုင်ဦး နှင့် မီးသတ်တပ်ဖွဲ့ဝင်များ ရောက်ရှိလာပြီးနောက် တာချီလိတ်မြို့နယ်အုပ်ချုပ်ရေးမှူး ဦးထွန်းဝင်းအောင်၊ တာချီလိတ်မြို့မရဲစခန်းမှ စခန်းမှူးဒုရဲမှူးကြည်စိုး၊ ရဲအုပ် ကိုကိုဦး နှင့် နယ်ထိန်း ရဲတပ်ဖွဲ့ဝင်များ၊ အလင်းရောင်ပရဟိတအသင်းနှင့် အနီးဝန်းကျင်တွင်နေထိုင်သူများ ရောက်ရှိကာ ကယ်တင်ရန် ကြိုးစားခဲ့သော်လည်း တိုက်ပေါ်မှ ခုန်ချသွားခဲ့ခြင်းဖြစ်ကြောင်း သိရသည်။

တိုက်ပေါ်မှ ခုန်ချချိန်တွင် လျှပ်စစ်ဓာတ်ကြိုးအား ထိမိ၍ ဓာတ်ကြိုးမှာ ပြတ်တောက်သွားခဲ့ကာ တာချီလိတ်မြို့ပေါ်ရပ်ကွက်ဖြစ်သည့် မကာဟိုခမ်းရပ်ကွက် နှင့် ၀မ်ကောင်းရပ်ကွက် အပါအ၀င် အချို့နေရာများတွင် လျှပ်စစ်မီးခေတ္တ ပြတ်တောက်သွားခဲ့ကြောင်း သိရသည်။

တိုက်ပေါ်မှ ခုန်ချသေဆုံးသွားသူမှာ မိုင်းဆတ်မြို့ မှတ်ပုံတင်ကိုင်ဆောင်သူ ဖြစ်ကြောင်း သိရပြီး ကီလိုကောက်သူတစ်ဦးဖြစ်ကြောင်းနှင့် ကိုယ်ရေးကိုယ်တာကိစ္စဖြင့် ကြံစည်ခဲ့ခြင်းဖြစ်ကြောင်း သိရသည်။

Tachileik News Agency
http://www.tachileik.net