သိမ်းယူခံထားရတဲ့ မြေဧက ၂၆၀၀ ကျော်ကို တောင်သူတွေထံ ပြန်ပေးမည်

မကွေးတိုင်းဒေသကြီးအတွင်း သိမ်းဆည်ထားတဲ့ မြေယာတချို့ကို တွေ့ရစဉ်။ Photo: RFA
မကွေးတိုင်းဒေသကြီး ပခုက္ကူခရိုင်၊ မြိုင်မြို့နယ်မှာ ကာကွယ်ရေးဝန်ကြီးဌာနက သိမ်းယူပြီး ပညာရေးဝန်ကြီး ဌာနထံ လွှဲပြောင်းပေးထားတဲ့ မြေဧက ၂၆၀၀ ကျော်ကို မူလပိုင်ရှင်တောင်သူတွေထံ လာမယ့် စက်တင်ဘာ ၁၂ ရက်နေ့မှာ ပြန်လည်ပေးအပ်သွားမယ်လို့ တိုင်းမြေစာရင်းဦးစီးဌာနကနေ သိရပါတယ်။

အဲဒီမြေတွေနဲ့ပတ်သက်ပြီး အထောက်အထားတွေ စိစစ်ပြီး မူလပိုင်ရှင်တွေလက်ထဲကို ပြန်ပေးမှာဖြစ်တယ်လို့ တိုင်းမြေစာရင်းဦးစီးမှူး ဦးဇော်ဝင်းက ပြောပါတယ်။

"မူလတောင်သူတွေကိုပဲ ပြန်ပေးမှာပါ။ သူတို့ရဲ့ မိသားစု မှန်ကန်ကြောင်းဘာညာကတော့ သူတို့မှာ အထောက်ထားတွေရှိမလား၊ သူတို့ရဲ့ မိသားစုထဲမှာ ခိုင်လုံတဲ့ အထောက်ထားပြနိုင်တယ်ဆိုရင်တော့ သူတို့ပဲ ရမှာပေါ့။ သိမ်းတုန်းက နာမည်တွေနဲ့ လူတွေလည်း တချို့ပါမှာပေါ့ကွယ်။ အခုလုပ်နေတဲ့ လူတွေလည်း ရှိမှာပေါ့နော်။ မူလပိုင်ရှင်တွေကိုပဲ ပြန်ပေးမှာပါ"

ပြန်လည်ပေးအပ်မယ့်မြေတွေထဲမှာ လယ်ယာမြေဧက ၈၇၀ ကျော်နဲ့ အခြားမြေ ၁၇၀၀ ကျော် ပါဝင်ပြီး မူလပိုင်ရှင်တောင်သူ ၃၀၀ ကျော်ထံ ပြန်လည်ပေးအပ်မှာဖြစ်ပါတယ်။

မြိုင်မြို့နယ်၊ ကျေးရွာအုပ်စု ၄ ခုက ဧကပေါင်း ၃ ထောင်ကျော်ကို လွန်ခဲ့တဲ့ ၂၀၀၀ ခုနှစ်မှာ ကာကွယ်ရေး ၀န်ကြီးဌာနက သိမ်းဆည်းပြီး အဲဒီမြေတွေကို ပညာရေးဝန်ကြီးဌာနထံ ၂၀၁၀ ပြည့်နှစ်မှာ လွှဲပေးခဲ့တာလို့ သိရပါတယ်။

သိမ်းဆည်းထားတဲ့ မြေဧက ၃ ထောင်ကျော်ထဲက ပညာရေးဝန်ကြီးဌာနက အမှန်တကယ် အသုံးပြုမယ့် မြေဧက ၄၈၀ ကျော်ကို ဖယ်ထားပြီး ကျန်တဲ့ မြေဧက ၂၆၀၀ ကျော်ကို ပြန်လည်စွန့်လွှတ်မှာဖြစ်ပါတယ်။

လာမယ့် စက်တင်ဘာ ၁၂ ရက်နေ့မှာ မြိုင်မြို့နယ်၊ နံ့သာမြိုင်ခန်းမမှာ သိမ်းဆည်းလယ်ယာမြေတွေကို မူလပိုင်ရှင်တွေဆီ ပြန်ပေးအပ်သွားမှာဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ