 |
| အနှစ်(၅၀)မြောက် ASEAN နိုင်ငံခြားရေးဝန်ကြီးများညီလာခံ (ဖိလစ်ပိုင်နိုင်ငံ မနီလာမြို့) |
သြဂုတ်လ ၆ ရက်၊ ဒီကနေ့မှာကျင်းပမယ့် အာဆီယံ-တရုတ် ၀န်ကြီးအဆင့် အစည်း အဝေးမှာ သဘောတူ ချမှတ်နိုင်ရေးအတွက် ဒီ CoC ရေးဆွဲရေးမူဘောင်ကို ၀န်ကြီးတွေက ထောက်ခံလိုက်ကြတဲ့အကြောင်း ဖိလစ်ပိုင်နိုင်ငံခြားရေးဌာန ပြောခွင့်ရ Robespierre Bolivar က တရက်ကြာ အစည်းအဝေးအပြီးလုပ်တဲ့ သတင်းစာရှင်း လင်းပွဲမှာ ပြောသွားပါတယ်။
ပိုင်ဆိုင်မှုအငြင်းပွားနေတဲ့ရေပြင်မှာ တင်းမာမှုတွေဖြစ်နေတာကို ကိုင်တွယ်ဖြေရှင်းဖို့ နှစ်ပေါင်းများစွာ ကြိုးစားလာကြတာကနေ အခုလို CoC ရေးဆွဲရေးမူဘောင်ကို သဘောတူလိုက်ကြတာဟာဖြင့် အဓိက ဖြစ်ထွန်းတိုးတက်မှုတခုအဖြစ် မြင်ကြတာ ရှိပါတယ်။ ဒါပေမဲ့လဲ တရုတ်နိုင်ငံအတွက် သံတမန်ရေးအောင်မြင်မှုတခုအဖြစ်ထက် ပိုပြီး မမြင်ကြသူတွေလဲရှိပါတယ်။
ASEAN အဖွဲ့ကိုတည်ထောင်တာ ဒီလ ၈ ရက်နေ့မှာ နှစ် ၅၀ ပြည့်မြောက်တော့မှာဖြစ်ပြီး စပြီးတည်ထောင်ချိန်ကတည်းကဆိုရင် ဒေသတွင်း ငြိမ်းချမ်းရေးနဲ့ တည်ငြိမ်ရေးအတွက် ပါဝင်လုပ်ဆောင်နိုင်ခဲ့တဲ့ လေးစားခံရတဲ့ ဒေသတွင်းအဖွဲ့အစည်းတခုအဖြစ် ဖြစ်ထွန်း တိုးတက်ခဲ့ပြီလို့ ဖိလစ်ပိုင်နိုင်ငံခြားရေးဝန်ကြီး Alan Peter Cayetano က ပြောပါတယ်။
မနီလာမြို့တော်မှာကျင်းပမယ့် တခြားဆက်စပ်အစည်းအဝေးတွေကတော့ ၁၈ ကြိမ်မြောက် အာဆီယံ+၃ နိုင်ငံခြားရေးဝန်ကြီး အစည်းအဝေး၊ ၇ ကြိမ်မြောက် အရှေ့အာရှထိပ်သီးအစည်းအဝေးဆိုင်ရာ နိုင်ငံခြားရေးဝန်ကြီးအစည်းအဝေးနဲ့ ၂၄ ကြိမ်မြောက် အာဆီယံဒေသဆိုင်ရာဖိုရမ်တို့ဖြစ်ပါတယ်။ အမေရိကန်နိုင်ငံခြားရေးဝန်ကြီး Rex Tillerson ဟာလဲ သက်ဆိုင်ရာ ဆက်စပ် အစည်းအဝေးတွေကိုတက်ဖို့ မနီလာမြို့တော်မှာရောက်နေပါပြီ။
VOA (မြန်မာပိုင်း)
https://burmese.voanews.com
တောင်တရုတ် COC မူဘောင် ASEAN သဘောတူ
Reviewed by THITHTOOLWIN
on
09:37
Rating:
Reviewed by THITHTOOLWIN
on
09:37
Rating:
