ဆော်ဒီအာရေဗျနိုင်ငံက Yemen နိုင်ငံမှာဖြစ်နေတဲ့ ကာလ၀မ်းရောဂါကို တိုက်ဖျက်ဖို့အတွက် ကုလသမဂ္ဂကလေးသူငယ်များရံပုံငွေအဖွဲ့ UNICEF နဲ့ ကမ္ဘာ့ကျန်းမာရေးအဖွဲ့ (WHO) တို့ကို အမေရိကန်ဒေါ်လာ ၆၆.၇ သန်း လှူဒါန်းခဲ့ပါတယ်။
Yemen နိုင်ငံမှာ ၀မ်းရောဂါဖြစ်ပွားနေတယ်လို့ သံသယရှိတဲ့သူအရေအတွက်ဟာ အခုတပတ်အတွင်း ၂ သိန်းကျော်သွားခဲ့ပြီလို့ ကုလသမဂ္ဂ လူသားချင်းစာနာမှုဆိုင်ရာ လက်ထောက်အတွင်းရေးမှူးချုပ် Stephen O’Brien က ပြောပါတယ်။
"ကမ္ဘာပေါ်မှာ အဆိုးရွားဆုံး ၀မ်းရောဂါဖြစ်ပွားမှုကို ကျနော်တို့ ရင်ဆိုင်နေရပြီး၊ တနေ့ကို ၀မ်းရောဂါ အသစ်ဖြစ်တဲ့ သူအရေအတွက်ဟာ ပျမ်းမျှအားဖြင့် ၅ ထောင်လောက်ရှိတယ်"လို့ UNICEF အဖွဲ့ရဲ့ ညွှန်ကြားရေးမှူး Anthony Lake နဲ့ WHO အကြီးအကဲ Margaret Chan တို့ကလည်း - စနေနေ့က ကြေညာချက်ထုတ်ပြီး ပြောကြားလိုက်ပါတယ်။
Yemenနိုင်ငံမှာ လွန်ခဲ့တဲ့ ၂ နှစ်အတွင်း လူသားချင်းစာနာမှုဆိုင်ရာ အခြေအနေတွေဟာ ဆိုးရွားခဲ့ပြီး၊ လူ ၆.၈ သန်းလောက်ဟာ စားနှပ်ရိက္ခာငတ်မွတ်ခေါင်းပါမှုအန္တရာယ်ကျရောက်ဖို့ သီသီလေးပဲလိုတော့ကြောင်း၊ အခုလက်ရှိဖြစ်နေတဲ့ ၀မ်းရောဂါကြောင့် သေဆုံးသူ အရေအတွက်ဟာ ၁၃၀၀ ရှိတယ်လို့ Stephen O’Brien က ပြောပါတယ်။ ဒါပေမဲ့ အခုလက်ရှိဖြစ်နေတဲ့ ၀မ်းရောဂါဟာ ကာကွယ်နိုင်လောက်တဲ့ ၀မ်းရောဂါဖြစ်တယ်လို့လည်း သူကပြောပါတယ်။
Yemen နိုင်ငံမှာ ဆော်ဒီဦးဆောင်တဲ့ ညွှန့်ပေါင်းတပ်ဖွဲ့တွေနဲ့ ၂ နှစ်ကျော်ကြာဖြစ်နေတဲ့ တိုက်ပွဲတွေအတွင်းမှာ အခုလို ၀မ်းရောဂါကပ်ဆိုးကြီးဖြစ်လာခဲ့တာဖြစ်ပါတယ်။
ဗွီအိုအေ (မြန်မာပိုင်း)
https://burmese.voanews.com
Yemen ၀မ်းရောဂါ လူ နှစ်သိန်း ကူးစက်
Reviewed by THITHTOOLWIN
on
20:35
Rating:
Reviewed by THITHTOOLWIN
on
20:35
Rating:
