ဘင်္ဂလီအကြမ်းဖက်သမားများ၏ တိုက်ခိုက်မှုကြောင့် ပျောက်ဆုံးနေသူ နှစ်ဦး၏ အလောင်းများပြန်တွေ့

နိရဉ္စရာ၊ ဇွန် ၂၅

ဇွန်လ ၂၄ ရက်နေ့ နေ့လယ်ပိုင်းက မောင်တောမြို့နယ် မြောက်ပိုင်းတွင် ဘင်္ဂလီ အကြမ်းဖက်သမားများ၏ တိုက်ခိုက်မှုကြောင့် ပျောက်ဆုံးနေသူ ၂ ဦး၏ အလောင်းကို ပြန်လည် ရှာဖွေတွေ့ရှိခဲ့ပြီဟု တရိမ်းကျေးရွာ အုပ်ချုပ်ရေးမှူး ဦးအိမ်စိုးမောင် ပြောကြားသည်။

ရှာဖွေတွေ့ရှိခဲ့သည့် အလောင်းနှစ်လောင်းမှာ တရိန်းရွာမှ ဦးအောင်ကျော်(၅၃ နှစ်) (ဘ) ဦးအောင်စိန်နှင့် ဦးကိုကိုသိန်း (၄၂ နှစ်)(ဘ) ဦးအောင်ကျော်စိန်တို့ ဖြစ်ကြသည်။

“ အလောင်း ၂ လောင်း စလုံးကို ဒီကနေ့ ၁၁ နာရီခွဲမှာ အခင်းဖြစ်ပွားရာနေရာကနေ အနီးအနားမှာတွေ့ပါတယ်။ အခုအလောင်းတွေကို ကြိ်မ်ချောင်းက မောင်တော ဆေးရုံကို ယူလာပါပြီ။ အခု ကျွန်တော် အလောင်းသယ်တဲ့ ကားပေါ်ကနေ ပြောနေတာပါ” ဟု ယနေ့ မွန်းလွဲ ၃ နာရီက ဖုန်းဖြင့် ဆက်သွယ်စဉ် ဦးအိမ်စိုးမောင်က ပြောကြားသည်။

ဖြစ်ပွားပုံမှာ အသတ်ခံရသူ နှစ်ဦးသည် တစ်ခြား ရွာသား ၂ ဦးနှင့် အတူ ဇွန် ၂၄ ရက် နံနက် ၁ နာရီခွဲခန့်တွင် မောင်တောမြို့နယ်မြောက်ပိုင်း တရိန်းကျေးရွာမှ နှစ်မိုင် အကွာ၊ ကျွန်းပေါက်ပြုစု ဘင်္ဂါလီကျေးရွာနှင့် တစ်မိုင်အကွာ ကြိမ်ချောင်း-တောင်ပြိုကားလမ်း တောင်ဘက် ပေနှစ်ထောင်ခန့်အကွာ တောင်ခြေသို့ သွားရောက်ကာ လိပ်ရှာနေစဉ် မွန်းလွဲ ၁ နာရီခွဲခန့်တွင် ဓားကိုယ်စီ ကိုင်ဆောင်ထားသော ဘင်္ဂါလီ ၁၀ ဦးခန့်မှ ၀ိုင်းဝန်းတိုက်ခိုက်ခဲ့သည်။

တိုက်ခိုက်မှု အတွင် တစ်ခြားနှစ်ဦးမှာ ထွက်ပြေးလွတ်မြောက်ခဲ့သော်လည်း ၎င်းတို့ နှစ်ဦးမှာ ထွက်ပြေးလွတ်မြောက်မှု မရှိဘဲ ဘင်္ဂလီများ၏ ဖမ်းဆီး သတ်ဖြတ်ခြင်းကို ခံခဲ့ရခြင်း ဖြစ်သည်။

အောင်ကျော်မင်း(မောင်တော)
Narinjara
https://www.facebook.com/Narinjara-151742128171206/