ပမ္မတီးရပ်ကွက်တွင် မီးလောင်မှုကြောင့် လူတစ်ဦးသေဆုံး

မတ် ၂၀

မြစ်ကြီးနားမြို့၊ပမ္မတီးရပ်ကွက်တွင် မီးလောင်မှုဖြစ်ပွားခဲ့ရာ လူတစ်ဦး မီးခိုးငွေ့မွှန်ကာ သေဆုံးခဲ့ကြောင်း ကချင်ပြည်နယ်မီးသတ်ဦးစီးဌာနမှ သိရသည်။

ဖြစ်စဉ်မှာ ယနေ့(မတ်လ ၂၀ )ရက်နေ့၊ ညနေ သုံးနာရီဝန်းကျင်အချိန်ခန့်က ပမ္မတီးရပ်ကွက်အတွင်းတွင် မီးလောင်မှုဖြစ်ပွားနေကြောင်း ဖုန်းသတင်းရရှိသဖြင့် မီးသတ်တပ်ဖွဲ့ဝင် အင်အား ၆၀ ဦး၊မီးငြှိမ်းသတ်ယာဉ် ၃ စီး၊မီးသတ်ရေသယ်ယာဉ် ၄ စီး၊ပမ္မတီးရပ်ကွက် အရန်မီးသတ်မှ ရေသယ်ယာဉ် ၂ စီး၊စည်ပင်ရေသယ်ယာဉ် ၂ စီး၊လေတပ်မှ ရေသယ်ယာဉ် ၁ စီး စုစုပေါင်း ၁၂ စီးဖြင့် သွားရောက်၍ မီးငြှိမ်းသတ်ခဲ့ကြောင်း သိရသည်။

မီးလောင်မှုမှာ လျှပ်စစ်ကြောင့် လောင်ကျွမ်းခြင်းဖြစ်ကြောင်း သိရပြီး မီးလောင်မှုကြောင့် သွပ်မိုး၊အုပ်ခင်းအုပ်ကာ၊မြေစိုက်နှစ်ထပ်အိမ်တစ်လုံး မီးလောင်သွားခဲ့ကာ ကာလတန်ဖိုး ငွေကျပ် ၃၄ သိန်းခန့် ဆုံးရှုံးခဲ့ရကြောင်း သိရသည်။

ပမ္မတီးရပ်ကွက်၊အိမ်အမှတ် ၃/၁၀၁ တွင်ဖြစ်ပွားခဲ့သော အဆိုပါမီးလောင်မှုကြောင့် အိမ်ရှင်ဖြစ်သူ ဦးအားကျူသားနန္ဒ (လေဖြတ်နေသူ)မှာ မီးခိုးငွေ့မွှန်ကာ အသက်သေဆုံးခဲ့ပြီး အခြား လူတိရိစ္ဆာန်ထိခိုက်ဒဏ်ရာရရှိမှု တစ်စုံတရာမရှိခဲ့ကြောင်း သိရသည်။

မီးလောင်မှုနှင့်ပတ်သက်၍ အိမ်ပိုင်ရှင်(သေဆုံးသူ)ဦးအားကျူ နန္ဒအား မြစ်ကြီးနားနယ်မြေရဲစခန်းမှ (ပ)၄၅/၂၀၁၇၊ပုဒ်မ ၂၈၅/၃၀၄ -က ဖြင့် အမှုဖွင့်အရေးယူဆောင်ရွက်ထားကြောင်း ပြည်နယ်မီးသတ်ဦးစီးဌာနမှ သတင်းရရှိသည်။

ဝေဖြိုးအောင်
Myitkyina News Journal
http://www.myitkyinanewsjournal.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ