ဒေဝူးဘတ်စ်ကားများ မြန်မာနိုင်ငံတွင် ထုတ်လုပ်မည်


ရန်ကုန် ဩဂုတ် ၂

မြန်မာနိုင်ငံတွင် များမကြာမီကာလအတွင်း ဒေဝူးဘတ်စ်ကားများ ထုတ်လုပ်ဖြန့်ချိ သွားနိုင်တော့ မည်ဖြစ် ကြောင်း ဒေဝူးဘတ်စ်ကားများ မြန်မာနိုင်ငံသို့ တစ်ဦးတည်း ကိုယ်စားလှယ်အဖြစ် တင်သွင်းဖြန့်ချိ နေသော ကုမ္ပဏီတာဝန်ရှိသူတစ်ဦးက ပြောသည်။

“ကျွန်တော်တို့ မြန်မာနိုင်ငံမှာ မကြာမီကာလအတွင်း ဒေဝူးဘတ်စ်ကားတွေ ထုတ်လုပ်ဖြန့်ချိသွား နိုင်တော့မှာ ဖြစ်ပါတယ်။ ကျွန်တော်တို့ရဲ့ အဓိကရည်ရွယ်ချက်ကတော့ မြန်မာနိုင်ငံမှာ အထူးသဖြင့် စီးပွားရေး မြို့တော်ဖြစ်တဲ့ ရန်ကုန်မြို့တော်မှာ လိုအပ်နေတဲ့ အများပြည်သူသုံးဘတ်စ်ကားတွေ၊ ကျောင်းသား ကျောင်းသူ များလုံခြုံ သက်သာစွာ အဆင့်အတန်းမြင့်စွာ အသုံးပြုနိုင်တော့မယ့် ကျောင်းကြို/ပို့ ယာဉ်တွေကို ဈေးနှုန်းသက်သာစွာဖြန့်ဖြူးပေးဖို့ ရည်ရွယ်ပါတယ်” ဟု Myanmar Coach Center Co; Ltd မှ မန်နေးဂျင်း ဒါရိုက်တာ ဒေါက်တာကျော်ကျော်အောင်က ပြောသည်။

အဆိုပါကုမ္ပဏီက တင်သွင်းသော ဒေဝူးဘတ်စ်ကား ၁၅ စီး၊ ရန်ကုန်အများနှင့်သက်ဆိုင်သော ကုမ္ပဏီ လီမိတက်သို့ လွှဲပြောင်းပေးအပ်သော အခမ်းအနား၌ ဦးကျော်ကျော်အောင်က ပြောသည်။ ဒေဝူး ဘတ်စ် ကားများ မြန်မာနိုင်ငံ၌ ထုတ်လုပ်လာနိုင်သည်နှင့်အမျှ ပြည်သူများ အရည်အသွေးကောင်းမွန်သော ဘတ်စ် ကားများ ဈေးနှုန်းသက်သာစွာ သုံးစွဲလာနိုင်မည်ဖြစ်သည့်အပြင် အလုပ်အကိုင်အခွင့်အလမ်းနှင့် နည်းပညာ ကျွမ်းကျင်သည့် အတတ်ပညာရှင်များလည်း တိုးပွားလာမည်ဖြစ်ကြောင်း၊ ရန်ကုန် အများပြည်သူ သယ်ယူ ပို့ဆောင်ရေးတွင် ဒေဝူးကားများ သုံးစွဲမှုတိုးပွားကာ အကောင်းဆုံးဝန်ဆောင်မှု ပေးနိုင်လိမ့်မည်ဖြစ်ကြောင်း သိရသည်။

ဒေဝူးကားထုတ်လုပ်ရေးကုမ္ပဏီသည် တောင်ကိုရီးယားနိုင်ငံ၏ အကြီးဆုံးကားထုတ်လုပ်ရေးကုမ္ပဏီများအနက် တစ်ခုဖြစ်သည်။

သတင်း - မြင့်မောင်စိုး၊ ဓာတ်ပုံ - တင်စိုး (မြန်မာ့အလင်း)
MOI Webportal Myanmar
https://www.facebook.com/MOIWebportalMyanmar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ