မတူတာတွေကို ညီလာခံမှာ ဆွေးနွေးကြဖို့ တိုက်တွန်း

နေပြည်တော် သင်္ဂဟဟိုတယ်မှာ ကျင်းပတဲ့ ပြည်ထောင်စုငြိမ်းချမ်းရေး ဆွေးနွေးမှု ပူးတွဲ ကော်မတီ UPDJC အစည်းအဝေးကို သြဂုတ်လ ၁၅ ရက်နေ့က တွေ့ရစဉ်။ Photo: Myo Thant Khaing/RFA
စစ်မှန်ခိုင်မာတဲ့ ပြည်ထောင်စုတည်ဆောက်မယ်ဆိုတဲ့ ဘုံသဘောတူညီချက်ရှိဖို့ လိုအပ်ပြီး မတူညီတဲ့ သဘော ထားအမြင်အမျိုးမျိုးကို ညီလာခံမှာ ညှိနှိုင်းရမှာဖြစ်တယ်လို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်က ပြောပါတယ်။

ဒီနေ့ နေပြည်တော် သင်္ဂဟဟိုတယ်မှာ ကျင်းပတဲ့ ပြည်ထောင်စုငြိမ်းချမ်းရေး ဆွေးနွေးမှု ပူးတွဲ ကော်မတီ UPDJC အစည်းအဝေးမှာ UPDJC ဥက္ကဌ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောတာဖြစ်ပါတယ်။

ဒါ့အပြင် ပြည်ထောင်စုသားအားလုံးရဲ့ ရုပ်ပိုင်းဆိုင်ရာ စိတ်ပိုင်းဆိုင်ရာ လိုအပ်ချက်တွေကို ဖြည့်ဆည်းနိုင်ဖို့ စဉ်းစားပေးရမှာဖြစ်သလို အတိတ်ဆိုးတွေကို ပယ်ဖျက်ပြီး အနာဂတ်မှာ ယုံယုံကြည်ကြည် ညီညီညွတ်ညွတ်နဲ့ ဘယ်လိုချီတက်ကြမလဲဆိုတာ ဝိုင်းဝန်းစဉ်းစားပေးကြဖို့ နိုင်ငံတော်အတိုင်ပင်ခံပုဂ္ဂိုလ်က ဆွေးနွေးပွဲ တက်ရောက်လာသူတွေကို တိုက်တွန်းလိုက်ပါတယ်။

UPDJC အစည်းအဝေးကို နှစ်ရက်ကြာကျင်းပမှာဖြစ်ပြီး အစည်းအဝေးကနေ ၂၁ ရာစု ပင်လုံညီလာခံ ကျင်းပမယ့် နေ့ရက် အတည်ပြုတာ၊ ဖိတ်ကြားမယ့် အစီအစဉ်တွေ အတည်ပြုတာ၊ ညီလာခံမှာ ဆွေးနွေးမယ့် အစီအစဉ်တွေ အတည်ပြုတာနဲ့ ညီလာခံကျင်းပရေး ပူးတွဲကော်မတီ ဖွဲ့စည်းတာတွေကို အတည်ပြုမှာဖြစ်ပါတယ်။

အစည်းအဝေးကို အစိုးရဘက်က UPDJC ဒုတိယ ဥက္ကဌ ၁ ဦးကျော်တင့်ဆွေ၊ ဒုတိယဥက္ကဌ ၂ ဒေါက်တာ တင်မျိုးဝင်း၊ တိုင်းရင်းသား လက်နက်ကိုင် အစုအဖွဲ့နဲ့ နိုင်ငံရေးပါတီအစုအဖွဲ့ ကိုယ်စားလှယ်တွေ တက်ရောက်ကြပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ