ပေါက်တောမြို့နယ် အင်္ဂရားချိုင်ကျွန်းတွင် အရက်ရောင်းချမှု ပိတ်ပင်ပြီ


နိရဉ္စရာ၊ သြဂုတ် ၁၁

ရခိုင်ပြည်နယ် ပေါက်တောမြို့နယ် အင်္ဂရားချိုင်ကျွန်းရှိ ကျေးရွားများနှင့် ပိုက်ဆိပ်များတွင် အရက်ရောင်းချမှုကို တရားဝင် ပိတ်ပင်လိုက်ပြီဖြစ်ကြောင်း သိရသည်။

“တစ်ကျွန်းလုံးမှာ ရှိတဲ့ ကျေးရွာအားလုံးနဲ့ ပိုက်ဆိပ်အားလုံးမှာ အရက်မရောင်းချဖို့ ပိတ်ပင်လိုက်ပါပြီ။ မြို့နယ်အုပ်ချုပ်ရေးမှူးက အုပ်စုအုပ်ချုပ်ရေးမှူးကို ညွှန်ကြားတာဖြစ်ပြီး၊ အုပ်စု အုပ်ချုပ်ရေးမှူးကနေ ကျေးရွာတာဝန်ခံတွေကို ညွှန်ကြားပြီး ပိတ်ပင်လိုက်တာဖြစ်ပါတယ်”ဟု ကျောက်မောင်းကျေးရွာမှ ဦးမောင်ထွီးစံက နိရဉ္စရာသတင်းဌာနသို့ သြဂုတ်လ ၁၁ ရက်နေ့တွင် ပြောသည်။

အရက်ရောင်းချမှုကို ပိတ်ပင်ထားသောကြောင့် ပေါက်တောမြို့နှင့် စစ်တွေမြို့သို့ သွားလာနေသည့် ခရီးသည်တင် စက်လှေများတွင်လည်း အရက်တင်ဆောင်မှု မရှိတော့ကြောင့် ကျေးရွာသားများက ပြောသည်။

“အရက်ရောင်းချခွင့်ကို ပိတ်လိုက်တဲ့အတွက် အရက်တွေကို စက်လှေပေါ်မှာ တင်ခွင့်မပြုတော့ပါဘူး”ဟု အင်္ဂရားချိုင်ကျွန်းနှင့် စစ်တွေသို့ စက်လှေပြေးဆွဲနေသူ ဦးမောင်ထွီးစံက ပြောသည်။

အုပ်ချုပ်ရေးမှူးက တရားဝင်ပိတ်ပင်ထားသည်မှာ ဆယ်ရက်ခန့်သာ ရှိပြီဖြစ်သော်လည်း ကျေးရွာသားများက မိမိတို့ဖာသာ ပိတ်ပင်ထားခဲ့ကြသည်မှာ နှစ်လနီးပါးရှိပြီဟု သိရသည်။

“ကျွန်မတို့ နေတဲ့ပိုက်ဆိပ်မှာ အရက်ရောင်းချခွင့်ကို ပိုက်ဆိပ်က လူတွေစည်းကမ်းထုတ်ပြီးတော့ ပိတ်ပင် ထားတာ နှစ်လခန့် ရှိနေပါပြီ။ ရောင်းချသူကို တစ်သိန်းကျပ် ဒဏ်တပ်မည်ဖြစ်ပြီးတော့ သောက်ပြီး ဆဲဆို သူကို ပထမအခေါက်မှ နှစ်သောင်းကျပ်၊ ဒုတိယ အခေါက်မှာ ငါးသောင်းကျပ် ဆိုပြီး သတ်မှတ် ထားပါတယ်။ ပိုက်ဆိပ်ထဲမှာ အရက်ရောင်းချမှု လုံးမရှိတော့ပါဘူး။ တစ်ချို့က ရေနံချိုင်တောင်ကုန်းပေါ်မှာ ခိုးပြီး အရက်ရောင်းချနေတယ်လို့တော့ ကြားမိပါတယ်”ဟု ငမဲပြင်ပိုက်ဆိပ်မှ ဒေါ်လှသန်းစိန်က နိရဉ္စရာ သတင်းဌာနသို့ ပြောသည်။

ကျေးရွာများတွင် အရက်ရောင်းချခွင့်မပြုတော့သဖြင့် ညနေပိုင်းများတွင် ယခင်ကလို ဆူပူဆဲဆိုမှုများ မရှိတော့ကြောင်း သိရသည်။

“အယင်တုန်းကဆိုရင် ညနေစောင်းလာရင် အရက်သောက်ပြီး ဆူပူဆဲဆိုမှုတွေကို နေ့တိုင်းလိုလို ကြားနေရပါတယ်။ အရက်သောက်ကြတာလည်း လူငယ်တွေများပါတယ်။ ကျွန်မတို့ ရွာမှာဆိုရင် ခိုးပြီးတော့ ရောင်းတာတောင်မရှိတော့ဘူး။ အရက်မရောင်းတော့တဲ့အတွက် ညနေဘက်ဆိုရင် ဆူပူ ဆဲဆိုသံတွေကို မကြားရတော့ပါဘူး။ ကျေးရွာဟာ တိတ်ဆိပ်ငြိမ်သက်နေပါတယ်”ဟု ကျောက်မောင်းကျေးရွာမှ ရွာသားတစ်ဦးက နိရဉ္စရာသို့ ပြောသည်။

ရခိုင်ပြည်နယ် အနှံ့အပြားတွင် တောရော မြို့ပါ အရက်သောက်စားမှုများ ယခင်ကထက်များပြားလာပြီး လူငယ်များအရက်ကြောင့် ပျက်စီးမှုများရှိလာသောကြောင့် အရက်ရောင်းချမှုများကို ကျေးရွာများတွင် ပိတ်ပင်မှုများ ဆက်တိုက်ဖြစ်ပေါ်လျက်ရှိသည်။

သြဂုတ်လ ၁၀ ရက်နေ့ကလည်း ရခိုင်ပြည်နယ် တောင်ကုတ်မြို့တွင် လူ တစ်ထောင်ကျော်က အရက်ရောင်းချမှုကို ပိတ်ပင်တားဆီးပေးရန် ဆန္ဒဖော်ထုတ် တောင်းဆိုခဲ့ကြသည်။

စံမောင်သန်း၊ စစ်တွေ
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ