လူသားဆန်တဲ့စိတ်ဓာတ်တွေ မပျက်စီးစေဖို့

 ပြီးခဲ့တဲ့ အပတ်က ဗဟန်းမြို့နယ် တက္ကသိုလ်ရိပ်သာလမ်းသွယ်ရှိ နေအိမ်ခြံဝန်းတစ်ခုမှာ အသက် (၈)နှစ်အရွယ် မိန်းကလေးငယ်အားနှိက်စက်ညှဉ်းပန်းခံနေရမှုဓာတ်ပုံများ ဖေ့ဘုတ်လူမှုကွန်ယက်မှာတက်လာပြီးကယ်ထုတ်ပေးဖို့တောင်းဆိုထားတဲ့ သတင်းဟာ ဖေ့ဘုတ်မှာပွက်လောရိုက်ကုန်ပါတော့တယ်။

အရွယ်မရောက်သေးတဲ့ ကလေးငယ်တယောက်ကို လူမဆန်စွာနှိပ်စက်နေတဲ့ပုံတွေဟာမြင်ရသူအပေါင်းကို အော့နှလုံးနာစေခဲ့ပါတယ်။ ဒီလောက်စာနာတရားကင်မဲ့စွာလုပ်ဆောင်မှုကို ဘယ်လူမူအဖွဲ့အစည်းကမှ လက်သင့်မခံပါဘူး။ ယခုနောက်ပိုင်းဒီလိုကလေးသူငယ်တွေနှိက်စက်ညှဉ်းပန်းခံရမှုတွေ မကြာခဏဖြစ်ပွားနေတော့လူတွေရဲ့ လူသားဆန်တဲ့စိတ်ဓာတ်တွေ တဖြည်းဖြည်းလျော့နည်းလာပြီလားလို့တောင်တွေနေမိပါတယ်။ ခုဖြစ်ပွားတဲ့ကလေးငယ်ကတော့သူတောာ်ကောင်းနဲ့တွေ့သွားတယ်လို့ပြောရမှာပါပဲ။တာဝန်သိပြည်သူတယောက်ရဲ့ သတင်းပေးတိုင်းကြားမှုကနေ ဖေ့ဘုတ်ပေါ်သတင်းများတက်လာပြီး ခဏလေးအတွင်းမှာ အုတ်အော်သောင်းတင်းဖြစ်ကုန်ကြပြီး အဖွဲ့အစည်းအသီးသီးက သွားရောက်စုံးစမ်းမေးမြန်း ကယ်ဆယ်ဖို့ပြုလုပ်ကြပါတော့တယ်။

အခုကိစ္စကိုတွေ့ရှိပြီး သက်ဆိုင်ရာကိုသတင်းပေးတိုင်ကြားတဲ့ ကိုစည်သူဆိုတဲ့သူကို စိတ်ထဲက ချီးကျုးဂုဏ်ပြုနေမိပါတယ်။ငါ့ကိစ္စမှမဟုတ်တာဆိုပြီးမျက်နှာလွှဲမသွားဘဲ မတရားတာလုပ်တာကို လက်မခံချင်တဲ့စိတ် ၊ ကြီးနိုင်ငယ်ညှဉ်းအနိုင်ကျင့်တာကို လက်မခံတဲ့စိတ်၊လူသားဆန်တဲ့စိတ်ဓာတ်အပြည့်အ၀ရှိတဲ့ ကိုစည်သူဟာ ကျွန်တော်တို့အားလုံးအတွက် အတုယူဖွယ်ရာဖြစ်ပေတယ်။

ဘာလို့လဲဆိုတော့ ဒီနေ့ကျွန်တော်တို့ပတ်ဝန်းကျင်မှာ “သွားမပါနဲ့ အမှုပတ်လိမ့်မယ်” “ဓားခုတ်ရာလက်ဝင်မလျှိူ”နဲ့ဆိုတဲ့ လူသားမဆန်တဲ့စိတ်ဓာတ်တွေ အတော်လေးကြီးထွားနေတာ စိတ်မကောင်းစွာ နေ့စဉ်ကြားသိ မြင်တွေ့နေရပါတယ်။ ကျွန်တော်တို့ ဗုဒ္ဓဘာသာမြန်မာလူမျိုးတွေရဲ့ ဂုဏ်ယူဖွယ်တခုဖြစ်သော သူတပါးကိုရိုင်းပင်းကူညီတတ်ခြင်း၊ စာနာသနားတက်ခြင်း ဆိုတဲ့စိတ်တွေဟာ တစတစနဲ့နည်းပါးလာတာ တွေ့မြင်နေရပါတယ်။ ယနေ့ကမ္ဘာမှာလည်း လူ့ကျင့်ဝတ်တွေ၊လူသားဆန်တဲ့စိတ်ထားတွေ၊ တာဝန်ယူတတ်မှုတွေ ကြင်နာသနားတတ်မှုတွေ တဖြည်းဖြည်းလျော့ကျလာတာဟာ လူမှုအဖွဲ့အစည်းအတွက် များစွာခြိမ်းခြောက်နေပါတယ်။

ပြီးခဲ့ရက်ပိုင်းကပဲ မန်းလေးမှာ မနက်ပိုင်း အပြင်ထွက်တော့ သိပ္ပံလမ်းမှာအမျိုးသမီးငယ်တဦး ပက်လက်အနေအထားနဲ့ နဲ့လဲကျနေတာကို တွေ့ကြုံခဲ့ရပါတယ်။မိန်းကလေးရဲ့ မျက်နှာနဲ့ ဦးခေါင်းများမှသွေးများထွက်နေတာတွေ့ရပါတယ်။ဘေးမှာ ထမင်းဘူးမှ ထမင်းများပြန့်ကျဲနေပြီး စီးလာတဲ့စက်ဘီးကရှေ့ဘီးများ ကွေးကောက်နေပါတယ်။ ကြည့်ရတဲ့အနေအထားအရ မိန်းကလေးဟာ အသက်ရှိသေးတယ်လို့ယူဆရပါတယ်။ ဒဏ်ရာက မများဘူးလို့ ယူဆရပါတယ်။ သူ့ဘေးပတ်လည်မှာတော့ လူအများက ကောက်ချက်အမျိုးမျိုးပေးဝိုင်းကြည့်နေပါတယ်။ ကားတွေကလည်း ထိုလူအုပ်ကိုမနည်းရှောင်မောင်းနေကြပါတယ်။ ကားတစီးနဲ့ ချိတ်မိတာဖြစ်ပြီး ကားကတော့ထွက်ပြေးသွားပြီလို့ သိရပါတယ်။ လူအုပ်ထဲမှ ကြည့်နေသူတယောက်က“ကားတစီးနဲ့ ဆေးရုံးအမြန်ပို့လိုက်ရင်ကောင်းမယ်ထင်တယ် မသေသေဘူးဗျ”လို့ ပြောဆိုလိုက်ပါတယ်။ အဲဒီအချိန်မှာ လူအုပ်ထဲကတယောက်က သွားမထိနဲ့ရဲမလာသေးဘူး အမှုပတ်လိမ့်မယ် လူနာတင်ကားစောင့်အုံးဆိုပြီးပြောဆိုလိုက်တော့ ဘယ်သူမှမကိုင်ကြတော့။ သိပ်မကြာခင်မှာပဲယာဉ်ထိန်းရဲနဲ့ လူမူကူညီရေးကားရောက်လာပြီး ဆေးရုံသယ်သွားကြပါတယ်။

နောက်ဖြစ်စဉ်တခုကတော့ လွန်ခဲ့တဲ့ ၂ နှစ်လောက်က သူငယ်ချင်းအဖေဖြစ်ခဲ့တာပါ။ သူငယ်ချင်းအဖေဟာ ညနေပိုင်းဆိုင်ကယ်စီးသွားရင် ရုတ်တရက်သွေးတိုးလာကာ လမ်းဘေးကသစ်ပင်ဝင်တိုက်မိပြီး အသက်ဆုံးရှုံးခဲ့ရပါတယ်။ သူငယ်ချင်းအဖေဖြစ်တဲ့နေရာမှာပဲ ပတ်ဝန်းကျင်ရဲ့ ကူညီကယ်ဆယ်မှု ချက်ချင်းမရရှိခဲ့ပဲနာရီဝက်ကျော်ကြာ အခင်းဖြစ်ပွားရာနေရာမှာ အချိန်ကုန်ခဲ့ပါတယ်တဲ့။ဆေးရုံရောက်တော့ အသက်ရှိသေးပြီး ရောက်တာနောက်ကျသွားတဲ့အတွက် အသက်ဆုံးရှုံးခဲ့ရတာဖြစ်ပါတယ်။ သူငယ်ချင်းအဖေဖြစ်သူကိုဖြစ်ဖြစ်ချင်း ၀ိုင်းအုံကြည့်မနေပဲဆေးရုံကို အချိန်မှီပို့နိုင်ခဲ့ပါကအသက်မဆုံးရှုံးနိုင်ဘူးလို့ ပြောလို့ရပါတယ်။

လူတယောက်ရဲ့အသက်ဟာ မိနစ်စက္ကန့်နဲ့အမျှအေ၇းကြီးပါတယ် ။ဒီနေ့အချိန်အခါမှာ မော်တော်ယာဉ်များ ပေါများလာပြီးယာဉ်မတော်တဆဖြစ်မှုတွေများလာတဲ့အချိန်မှာ ခုလိုမျိုးဖြစ်နေတာတွေဟာလူမှုအသိုင်းအ၀ိုင်းအတွက် အင်မတန်စိုးရိမ်စရာပဲဖြစ်ပါတယ်။

ဒီလိုမတော်တဆဖြစ်မှုတွေကို ချက်ခြင်းကူညီကယ်ဆယ်မှု မရရှိလို့ဆေးရုံရောက်နောက်ကျပြီး သေဆုံးရတဲ့ ဖြစ်စဉ်တွေနေ့စဉ်နီးပါးလို ရှိနေပါတယ်။ဒီလိုဒုက္ခရောက်နေတဲ့သူကို လူထုကချက်ခြင်းပါဝင် ကူညီကယ်ဆယ်မှုမရှိဘဲ လက်ရှောင်လာရတဲ့ အဓိကအကြောင်းအရာတခုကတော့ လွဲမှားချွတ်ချော်ခဲ့တဲ့တရားဥပဒေတွေနဲ့ သက်ဆိုင်ရာဝန်ထမ်းတွေရဲ့ ပြည်သူအပေါ်ဆက်ဆံတဲ့ ဆက်ဆံရေးတွေကတွေကြောင့်လို့ ပြောရမှာပဲဖြစ်ပါတယ်။

ကိုယ့်ရှေ့မှာ ယာဉ်တိုက်မှုဖြစ်တာတွေ၊ မတော်တဆမှုဖြစ်တာတွေ၊ကျန်းမာရေးကြောင့်မူးမေ့လဲနေတာတွေစတဲ့ ဒုက္ခရောက်နေသူတွေကို တွေ့ရှိပါကကူညီချင်ပေမယ့် ရဲစခန်း၊ ဆေးရုံးများရဲ့ ကူညီလာတဲ့သူအပေါ်ကူညီပေးလာသူအဖြစ် နွေးထွေးတဲ့ဆက်ဆံမှုမရှိဘဲ တရားခံလို တပည့်လို့ဆက်ဆံတဲ့ဆက်ဆံရေးကြောင့် ကူညီသူတွေ စိတ်ပျက်စေရပါတယ်။ ဒါ့အပြင် တရားရုံးမှာကိုယ့်စရိတ်ကိုယ်စား အလုပ်ပျက်အကိုင်ပျက်ရုံးချိန်းအကြိမ်ကြိမ်လိုက်ရတာတွေ၊ ရဲသက်သေလုပ်ပေးရတာတွေ၊ ဆေးရုံမှာလူနာသွားပို့ရင် ပိုင်ရှင်မဲ့လူနာဆိုရင် ကုသပေးမှုမရှိတော့ မိမိငွေထုတ်ကုသပေးခဲ့ရမှုတွေ၊ လာပို့တဲ့သူကို မယုံသင်္ကာနဲ့ တရားခံစစ်သလိုစစ်ဆေးနေမှုများကြောင့် ကျွန်တော်တို့မြန်မာလူမျိုးတွေရဲ့ချစ်စရာကောင်းတဲ့ စိတ်ထားကောင်းလေးတွေ ပျက်စီးကုန်ကြရပါတယ်။

အုပ်ချုပ်ရေးပိုင်းနဲ့ ဌာနဆိုင်ရာအသီးသီးက လူကြီးတွေ အဂတိလိုက်စားမှုတွေ၊မတော်မတရားလုပ်မှုတွေကို သက်ဆိုင်ရာကိုတိုင်ကြားပါကလည်းအာဏာရှင်စနစ်ကြောင့် အတိုင်ခံရသူက ဘာမှမဖြစ်ဘဲ တိုင်တဲ့သူပင်ပြန်အညစ်ခံရပြီး ဒုက္ခရောက်ရကြတာအများကြီးပါ။

ဒီထက်ပိုးဆိုးတာက တိုင်တဲ့သူတင်မဟုတ် တိုင်သူရဲ့မိသားစုဆွေမျိုးလိုက်ပါ ဒုက္ခပေးခံရတဲ့ သာဓကတွေအများကြီးရှိခဲ့ပါတယ်။ ခုခါမှာဆိုရင် မိမိပတ်ဝန်းကျင်မှာ မကောင်းမှုဒုစရိုက်လုပ်ငန်းတွေလုပ်နေတာတွေ ကိုသက်ဆိုင်ရာကို အသိပေးမတိုင်ကြားရဲကြတော့ဘူး။ ကိုယ့်မျက်စိရှေ့မှာတင် ခါးပိုက်နိုက်လုယက်မှုဖြစ်နေတောင် မပြောရဲ မဆိုရဲတဲ့အထိဖြစ်နေကြရပါတယ်။ ဘာဖြစ်လို့လဲဆိုတော့ တရားခံများက မိမိအပေါ် ရန်ငြိုးဖွဲ့ ပြန်လည်လုပ်ကြံခံရမှာကို ကြောက်ကြလို့ပဲဖြစ်ပါတယ်။ ဒီအဖြစ်တွေက တရားဥပဒေဟာ ပြည်သူတွေကို လုံခြုံကာကွယ်မှုမပေးနိုင်ဘူးဆိုတာ ပြနေပါတယ်။

ဒီလို ဒုက္ခရောက်တဲ့သူများကို ကူညီပေးတဲ့သူတွေ ၊အာဏာပိုင်များရဲ့အဂတိလိုက်စားမှု မတော်မတရားလုပ်မှုတွေကို ဖော်ထုတ်တိုင်းကြားတဲ့သူတွေကိုဥပဒေရဲ့ကာကွယ်စောင့်ရှောက်မှုမရရှိခြင်း မိမိအလုပ်အကိုင်ပျက်ငွေကုန်ကြေးကျများပြီး ၀န်ထုပ်ဝန်ပိုးဖြစ်စေတဲ့အတွက် အားလုံးဟာကိုယ်နဲ့မဆိုင်သလို မပါဝင်ကြတော့ဘဲ မသိချင်ယောင်ဆောင် ရှောင်ဖယ်သွားကြတော့တာပဲဖြစ်ပါတယ်။ ဒီနေ့ပြည်သူတွေဟာ ရဲစခန်းတို့ ၊ဆေးရုံတို့ကို အားကိုးစရာအဖြစ်မမြင်ကြတော့ဘဲ ရဲဆိုရင်ရွှံမုန်းစရာအဖြစ်မြင်နေကြတာဟာ တိုင်းပြည်အတွက်ကောင်းမွန်တဲ့ လက္ခဏာမဟုတ်ပေ။ ရဲစခန်း ဆေးရုံများကို ပြည်သူတွေကသွားလာရာမှာ ကြောက်တဲ့နေရာတွေအဖြစ်မရှိသင့်တော့ပဲ အားကိုးစရာနေရာအဖြစ် ပြုပြင်ပြောင်းလဲသင့်ပါပြီ။

ဒီနေ့ထိကျွန်တ်ေနားးမလည်တဲ့အကြောင်းရာတခုက ကျွန်တော်တို့နိုင်ငံမှာ ယာဉ်မတော်တဆမှုကြောင့်လည်းကောင်း ခိုက်ရန်ဖြစ်ပွားမှုကြောင့်လည်းကောင်း ထိခိုက်ဒဏ်ရာရပါက အခင်းဖြစ်ပွားတဲ့နေရာနဲ့အနီးအနားမှာ ဆေးရုံဆေးခန်းများရှိသော်လည်း အစိုးရဆေးရုံများမှလွဲ၍ မည်သည့်ပုဂ္ဂလိကဆေးရုံမှ လက်ခံကုသပေးချင်းမရှိတာဘဲ ဖြစ်ပါတယ်။ အကြောင်းပြချက်ကတော့ အမှုပတ်မှစိုးလို့ပါတဲ့။ ဒီလိုလွဲမှားတဲ့ဥပဒေတွေကြောင့် အသက်ဆုံးရှုံးရမှုတွေ ဘယ်လောက်တောင်ရှိခဲ့ပြီလဲဆိုတာ မခန့်မှန်းနိုင်ပေ။ ပုဂ္ဂလိကဆေးရုံအားလုံးကို တရားဝင်အမိန့်ထုတ်ပြန်ပြီး လက်ခံကုသပေးဖို့ညွန်ကြားသင့်ပေသည်။

ခုဖြစ်ပွားခဲ့တဲ့ တက္ကသိုလ်ရိပ်သာလမ်းထဲက ကလေးငယ်ကိုညှဉ်းပန်းနှိပ်စက်မှုဆိုရင်လည်း ဒီလုပ်ရပ်ကိုမြင်တွေ့ပြီးလူမှုစိတ်ဓာတ်အပြည့်အ၀ဖြင့် သက်ဆိုင်ရာရဲစခန်းကို ခုလိုလူမှုကွန်ရက်ပေါ်မရောက်ခင် တပတ်လောက်ကတည်းက သွားတိုင်ခဲ့ပေမယ့် ချက်ချင်းအရေးယူဆောင်ရွက်မှုမရှိခဲ့တာ တွေ့ရပါတယ်။ ကလေးငယ်ဟာခုလိုနှိပ်စက်ခံနေရတာ ရက် ၂၀ ကျော်ပြီလို့ ပြောပါတယ်။ ခုလို လူမှုကွန်ရက်ပေါ်မှာဓာတ်ပုံများပြန့်နှံ့သွားမှသာ အရေးယူဆောင်ရွက်မှု ပြုလုပ်တာဖြစ်ပါတယ်။

နေအိမ်သို့သွားရောက်စစ်ဆေးတော့လည်း ခံရတဲ့ကလေးငယ်ရော နှိပ်စက်တဲ့ကလေးအဒေါ်လို့ပြောသူရော နေရပ်ပြန်သွားပြီလို့ ပြောခဲ့ပါတယ်။ လိပ်စာမေးတော့လည်း မသိဘူးလို့ပြောပါတယ်။ အိမ်အကူဖြစ်လုပ်နေတာသုံးနှစ်တောင်ကြာပြီဖြစ်တဲ့ အလုပ်သမားတယောက်ရဲ့လိပ်စာကို အိမ်ရှင်ကမသိဘူးဆိုတာ လုံးဝ မဖြစ်နိုင်ပါဘူး။ နောက်ပြီး ကလေးငယ်ဟာ ခုလိုနှိပ်ကစက်ခံရတာ ရက် ၂၀ ကျော်ကြာတဲ့အထိ အိမ်ရှင်ကလုံးဝ မသိရှိဘူးလို့ ပြောဆိုတာလည်း ယုံနိုင်ဖွယ်ရာကိစ္စမဟုတ်ဘူး။ ခုချိန်ထိလည်း ဒီကလေးဟာ အိမ်ပြန်မရောက်သေးလို့ အမြန်ဆုံးရှာဖွေပေးဖို့ ကလေးငယ်ရဲ့ဖခင်မှ မေတ္တာရပ်ခံထားတာ ဖေ့ဘုတ်ပေါ်မှာ သတင်းပျံ့နေတော့ လူထုက ဒီအမှုကို ပိုမိုစိတ်ဝင်စားနေပါတယ်။

အိမ်ပိုင်ရှင်ဟာ အရာရှိ တပ်မတော်သား လွှတ်တော်ကိုယ်စားလှယ်ရဲ့အိမ်ဖြစ်နေပါတယ်။ ဒါကြောင့် ဒီအမှုကိုဘယ်လိုထိရောက်စွာအရေးယူဆောင်ရွက်မလဲဆိုတာ လူအများက သိချင်နေကြပါတယ်။ အိမ်ရှင်က နေရပ်လိပ်စာမသိရှိဘူးလို့ပြောတာကို ရဲတပ်ဖွဲ့ကယုံနေတာနဲ့ပတ်သတ်ပြီး လည်းကောင်း အိမ်ရှင်ကိုစစ်ဆေးမေးမြန်း အရေးယူဆောင်ရွက်မှုနဲ့ပတ်သတ်ပြီး လည်းကောင်း လူထုက အားမလိုအားမရ ဖြစ်နေကြရပါတယ်။ နောက်ပြီး ရဲတပ်ဖွဲ့ရဲ့ သတင်းထုတ်ပြန်မှုတွေ အမျိုးမျိုးကွဲလွဲနေတာဟာ တပ်မတော်အရာရှိအိမ်မို့ ခုလိုဖြစ်နေတာလားဆိုပြီး အမျိုးမျိုးမေးခွန်းထုတ်နေကြပါတယ်။

နောက်ဆုံးပြောချင်တာက ကျွန်တော်တို့မြန်မာလူမျိုးတွေရဲ့ သူတပါးအပေါ် ကူညီရိုင်ပင်ချင်တဲ့ ကောင်းမွန်တဲ့စိတ်ရင်းစိတ်ဓာတ်တွေဟာ လျော့နည်းပျက်စီးသွားခြင်းမရှိသေးဘူးဆိုတာယခုကလေးငယ်အမှုကို ဖော်ထုတ်လိုက်တဲ့ ဦးစည်သူရဲ့စိတ်ဓာတ်က ဖော်ပြနေပါတယ်။ တရာဥပေဒေစိုးမိုးမှုမရှိခြင်း၊ နောက်ဆက်တွဲ မိမိအပေါ်ကျရောက်လာမယ့် အရှုပ်အထွေးများကြောင့်သာ ကူညီရိုင်းပင်းမှုမရှိဘဲ လက်ရှောင်ကုန်တာဖြစ်ပါတယ်။ ဒီလို ကူညီရိုင်းပင်မှုမရှိတော့ဘဲလက်ရှောင်ကုန်မှုတွေကြောင့် ကျွန်တော်တို့လူမှုအသိုင်းအ၀ိုင်းကို ဘယ်လောက်ထိခိုက် ဆုံးရှုံနစ်နာရှိသလဲဆိုတာ အထက်ပါအကြောင်းအရာများကိုကြည့်တာနဲ့ တွေ့မြင်ရမှာဖြစ်ပါတယ်။ ဒါကြောင့် ကျွန်တော်တို့မြန်မာလူမျိုးတွေရဲ့ ချစ်စရာကောင်းတဲ့ ဂုဏ်ယူစရာကောင်းတဲ့ မွန်မြတ်တဲ့စိတ်ထားကောင်းလေးတွေ မပျက်စီးသွားစေဖို့ ခေတ်နဲ့မလျော်ညီတော့သော လွဲမှားနေသော တရားဥပေဒေများ၊ အခြေအနေများကို အမြန်ပြုပြင်ဖို့လိုနေပြီဆိုတဲ့အကြောင်း မီးမောင်းထိုးပြလိုက်ရပါတယ် . . .

- ကျော်ကြီး(MDY)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal