မီဒီယာသမားများ ရေးသားချက်ကြောင့် ရွေးကောက်ပွဲ ကော်မရှင် နစ်မွန်းနေရဟု ကော်မရှင်ဥက္ကဋ္ဌ ဦးတင်အေး ဆို


အခြေခံမဲဆန္ဒရှင်စာရင်း ပြည့်စုံမှန်ကန်မှု မရှိခြင်းသည် မီဒီယာသမားများကြောင့် ဖြစ်ကြောင်း ၊ မီဒီယာသမားများ၏ ရေးသားချက်ကြောင့် ရွေးကောက်ပွဲ ကော်မရှင်အနေဖြင့် နစ်မွန်းနေရကြောင်း ရွေးကောက်ပွဲ ကော်မရှင်ဥက္ကဋ္ဌ ဦးတင်အေးက စက်တင်ဘာ ၂၉ ရက်နေ့က တာချီလိတ်မြို့၊ အောင်မြတ်ခန်းမ၌ နိုင်ငံရေးပါတီများနှင့် တွေ့ဆုံစဉ် ပြောကြား လိုက်သည်။

“ကျွန်တော်တို့ ကော်မရှင်က မီဒီယာတွေရဲ့ ရေးသားချက်တွေကြောင့် နစ်မွန်းနေတာပါ ။ မီဒီယာက အခြေခံမဲဆန္ဒရှင် စာရင်း မမှန်ဘူးလို့ ပြောနေတော့ လူတွေက မဲစာရင်းလာမကြည့်ကြဘူး ။ ဒါကြောင့် လိုအပ်တဲ့ ပုံစံ(၃-က) တို့ ၊ ပုံစံ(၄)တို့ကို မဖြည့်တော့ဘူး ။ ဒါကြောင့် မမှန်တာပါ ” ဟု ရွေးကော်ပွဲကော်မရှင် ဥက္ကဋ္ဌ ဦးတင်အေးက ပြောသည် ။

ယခင်က မဲစာရင်း ၃၀ ရာခိုင်နှုန်းသာ မှန်ကန်နိုင်သည်ဟု ပြောဆိုခြင်းသည် နေပြည်တော်မြို့နယ်အတွင်းရှိ မဲဆန္ဒရှင် ခြောက်သိန်းကျော်တွင် နှစ်သိန်းကျော်သာ လာရောက်ကြည့်ရှု၍ လိုအပ်သောပုံစံ ဖြည့်သွင်းခြင်းကြောင့် ထိုသို့ ခန့်မှန်းတွက်ချက် ပြောဆိုခြင်းဖြစ်ကြောင်း ၎င်းကပြောကြားခဲ့သည် ။

“မီဒီယာတွေအနေနဲ့ မဲစာရင်းမှားတယ်ဆိုတာ ထောက်ပြတာပါ ။ ဝေဖန်တာ မဟုတ်ဘူး ။ နားလည်မှုတွေ လွဲနေတာပါ ။ ပြီးတော့ ကော်မရှင်ကလည်း မီဒီယာဘက်က မေးရင်လည်း ပြန်လည်ဖြေကြားခြင်း မရှိသလို ဒီပွဲလုပ်တာလည်း မသိရဘူး ။ မေးခွန်းမေးရာမှာလည်း ကျွန်တော်တို့အတွက် အစီအစဉ်မရှိတာ တွေ့ရတယ်” ဟု တာချီလိတ် သတင်းအေဂျင်စီမှ CEO ကိုဇောင်းက ပြောသည် ။

မဲဆန္ဒရှင်စာရင်း အပြည့်အ၀ မှန်ကန်ရန် နိုင်ငံရေးပါတီနှင့် လူမှုအဖွဲ့စည်းများ ၊ မဲဆန္ဒရှင်များ ပူးပေါင်းဆောင် ရွက်မှသာ ဖြစ်နိုင်ကြောင်း ၊ ယခု မြန်မာနိုင်ငံတွင် ပူးပေါင်းဆောင်ရွက်သော အလေ့အထ မရှိဘဲ အပြစ်ပြောဆိုနေပြီး ၂၀၁၅ ရွေးကောက်ပွဲအတွက် မဲဆန္ဒရှင် စာရင်းကိစ္စတွင် ထိခိုက်လာနိုင်ကြောင်း ၎င်းက ပြောကြားခဲ့သည် ။

နောက်ဆုံးထုတ်ပြန်သော မဲဆန္ဒရှင်စာရင်းအား စက်တင်ဘာလ ၂၇ ရက်အထိ ပြည်တွင်း၌ ကပ်ထားပြီး မှားယွင်းမှုများကို ပြင်ဆင်ခဲ့သော်လည်း ၃၀ ရာခိုင်နှုန်းသာ မဲစာရင်းမှာ မှန်နိုင်သည်ဟု ဦးတင်အေးက မီဒီယာများသို့ ပြောကြားထားဖူးသည် ။

သတင်း - MMK
The Ladies News Journal
https://www.facebook.com/News.TheLadies

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ