နိုင်ငံလုံးဆိုင်ရာ အပစ်ခတ်ရပ်စဲရေးတွင် မိုင်းလား NDAA ပါဝင် လက်မှတ်ရေးထိုးမည် မဟုတ်


 စက်တင်ဘာလ ၃၀ ရက် ၂၀၁၅

 အစိုးရမှ အောက်တိုဘာလ အတွင်း ပြုလုပ်ရန် စီစဉ်နေသည့် နိုင်ငံလုံးဆိုင်ရာ အပစ်ခတ် ရပ်စဲရေး လက်မှတ် ရေးထိုးရာတွင် မိုင်းလား NDAA အဖွဲ့ အနေဖြင့် ပါဝင် လက်မှတ် ရေးထိုးမည် မဟုတ်ကြောင်း NDAA ၏ အထွေထွေ အတွင်းရေး မှူး ဖြစ်သူ ဦးကြည်မြင့်က ပြောသည်။

“ကျနော်တို့ဘက်က သဘောထား မပြောင်းပါဘူး၊။ အရင်ကတည်း က ကြေငြာ ထားတဲ့ အတိုင်းပါပဲ။ အစိုးရက အားလုံး ပါဝင်ရေး ကိုလည်း လက်မခံဘူး။ ကျနော်တို့က လက်မှတ်မထိုး ဘုး။ နိုင်ငံရေး ဆွေးနွေးပွဲကျမှ တက်မယ် ”- ဟု ဦးကြည်မြင့်က ပြောသည်။

မိုင်းလားအဖွဲ့အနေဖြင့် ၁၉၈၉ ဗမာပြည်ကွန်မြူနစ်ပါတီ လက်အောက်မှ ခွဲထွက်လာပြီးကတည်းက ငြိမ်းချမ်းရေးရယူထားပြီး ဖြစ်သဖြင့် အပစ်ခတ် ရပ်စဲရေး လက်မှတ်ရေးထိုးရေးဆိုသည်မှာ ငြိမ်းချမ်း ရေး မှ အောက်ဘက် သို့ ပြန်ဆင်းသလို ဖြစ်နေကြောင်းလည်း မိုင်းလားအဖွဲ့တာဝန်ရှိသူက ဆိုသည်။

UWSA ၀ တပ်ဖွဲ့နှင့် မိုင်းလားအဖွဲ့တို့အား နိုင်ငံလုံးဆိုင်ရာ အပစ်ခတ်ရပ်စဲရေး လက်မှတ်ရေးထိုးရာတွင် ပါဝင်ကြရန်အတွက် အစိုးရ၏ ပြည်ထောင်စု ငြိမ်း ချမ်းရေး ဖော်ဆောင်မှု လုပ်ငန်းကော်မတီမှ တာဝန်ရှိ သူများသည် စက်တင် ဘာလ ၁၂ ရက်နေ့က ၀ နှင့် မိုင်းလား တာဝန်ရှိသူများနှင့် တွေ့ဆုံဆွေးနွေး မှုများ ပြုလုပ်ခဲ့ကြသည်။

ဝ နှင့် မိုင်းလားအဖွဲ့တို့ တောင်းခံထားသည့် ပြည်နယ်ကိစ္စနှင့် ကိုယ်ပိုင် အုပ်ချုပ် ခွင့်ဒေသတို့အတွက် ဆွေးနွေးမှုများ မှာ နိုင်ငံရေးဆွေးနွေးပွဲရောက် မှသာ ဆွေးနွေးနိုင်မည် ဖြစ်သဖြင့် NCA လက်မှတ်ရေးထိုးရာတွင် ပါဝင်ကြရန်လိုကြောင့် UPWC ပြည်ထောင်စု ငြိမ်းချမ်းရေး ဖော်ဆောင်မှု လုပ်ငန်းကော်မတီ ဒုတိယ ဥက္ကဌ ဦးသိန်းဇော်မှ သတိပေးပြောဆိုထားသည်။

လေ့လာသူများကမူ ၀ ၊ မိုင်းလားတို့အနေဖြင့် ၄င်းတို့၏ မူလ ရထားသည့် အခြေအနေမှာ နိုင်ငံလုံးဆိုင်ရာ အပစ်ခတ်ရပ်စဲရေးစာချုပ်တွင် ပေးထားသည့် အခြေနေထက် ပိုမို မြင့်မားစွာရရှိနေသည့်အတွက် လက်မှတ်ရေးထိုးရန် မဖြစ်နိုင်ဟု ခန့်မှန်းကြသည်။

“သူတို့က နိုင်ငံလုံးဆိုင်ရာ အပစ်ခတ်ရပ်စဲရေးလို့လည်း ပြောသေးတယ်။ အခုထိ ကိုးကန့်အပါဝင် အခြား အဖွဲ့တချို့ကို လက်မခံသေးဘူး။ ဘယ်လိုလုပ်နာမည်က အဓိပ္ပာယ်ရှိမလဲ တချို့နေရာတွေ မှာလည်း ပစ်နေခတ်နေ တိုက်နေတုန်းပဲ”- ဟု NDAA မိုင်းလားအဖွဲ့မှ အထွေထွေအတွင်းရေးမှူး ဦးကြည်မြင့်က မှတ်ချက်ပြုပြောဆိုသည်။

သျှမ်းသံတော်ဆင့်/ စိုင်းထွန်းအောင်လွင်
https://www.facebook.com/Panglong.burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ