ေမလလယ္ မုတ္သုန္၀င္မည္ဟု မိုးေလ၀သဌာနေၾကညာ



Share/Bookmark

 ေမလလလယ္ေလာက္မွ မုတ္သုန္ေလ၀င္ေရာက္ႏိုင္မွာျဖစ္လို႔ ေတာင္သူေတြ အေနနဲ႔ သတိျပဳထြန္ယက္စိုက္ပ်ိဳးၾကဖို႔ မိုးေလ၀သဌာနက ဒုတိယညႊန္ၾကားေရးမွုးခ်ဳပ္ ဦးေက်ာ္မိုးဦးက ေျပာပါတယ္။

“မုတ္သုန္အ၀င္က ေနာက္က်ပါတယ္။ ျမန္မာေတာင္သူေတြက ျမန္မာႏွစ္ကိုယူၿပီးေတာ့ တန္ခူးလၿပီးရင္ ထြန္ယက္စိုက္ပ်ိဳးၾကတယ္ဆိုတာမ်ိဳးရွိတယ္။ ေမလဆို စိုက္ပ်ိဳးၾကဖို႔လုပ္ေတာ့ အဲ့ဒီအခ်ိန္မွာ မိုးကျပတ္သြားေတာ့ ပ်ိဳးပင္ေတြ ေသကုန္တတ္ပါတယ္၊စိုက္ပ်ိဳးသူ ေတာင္သူေတြအေနနဲ႔ မိုးေလ၀သသတင္းကို ပံုမွန္နားေထာင္ၾကည့္ရွုၾကတဲ့အျပင္ ေျပာင္းလဲေနတဲ့ ရာသီဥတုအေျခအေနေတြကိုလည္း သိနားလည္ျပီး လုပ္ေဆာင္ၾကဖို႔ ေျပာလိုပါတယ္။”

အခု လတ္တေလာ မိုးတိမ္ေတာင္နဲ႔ ေလေအးစီးေၾကာင္းေၾကာင့္ ျမန္မာျပည္အႏွ႔ံ ရြာသြန္းေနတဲ့ မိုးနဲ႔ မုတ္သုန္မိုးတို႔ၾကား ၄-၅ရက္ေလာက္ပဲ ျပတ္သြားဖို႔ရွိၿပီး အေနာက္ေတာင္မုတ္သုန္ေလဟာ ေမလလယ္ေလာက္ ျမန္မာျပည္ထဲ ၀င္ေရာက္ဖိ္ု႔ရွိတယ္လို႔ မိုးေလ၀သဌာနက ခန္႔မွန္းထားပါတယ္။

ဒီႏွစ္မိုးတြင္းမွာ အမ်ားအားျဖင့္ ပံုမွန္အတိုင္း မိုးရြာသြန္းဖို႔ရွိၿပီး ေမလအတြင္း ဘဂၤလားပယ္လယ္ေအာ္မွာ ေလဖိအားနဲရပ္၀န္း ၂ ႀကိမ္ျဖစ္ေပၚႏိုင္တဲ့အေၾကာင္း  တႀကိမ္မွာ မုန္တိုင္းငယ္တခု ျဖစ္လာႏိုင္တယ္လို႔လည္း ဦးေက်ာ္မိုးဦးက ေျပာပါတယ္။

မိုးဇလဌာနက ဒီေန႔ထုတ္ျပန္လိုက္တဲ့ မိုးဦးကာလ မိုးေလ၀သခန္႔မွန္းးခ်က္အရ စစ္ကိုင္းတိုင္း ေအာက္ပိုင္း၊ မႏၱေလး၊မေကြးတိုင္း၊ရွမ္း၊ခ်င္း၊ ကယားနဲ႔ ကရင္ျပည္နယ္ေတြမွာ ရြာသြန္းၿမဲ ေအာက္ေလ်ာ့ကာ က်န္ေဒသေတြမွာ ရြာသြန္းၿမဲရြာႏိုင္တယ္လို႔ သိရပါတယ္။

မုတ္သုန္ေလဟာ ေမ ၁၅ ရက္က ၂၀ ရက္အတြင္း ျမန္မာႏိုင္ငံေတာင္ပိုင္းေဒသေတြကို စတင္၀င္ေရာက္မယ္၊ ေမ (၂၁-၂၆) ရက္အတြင္း ျမစ္၀က်ြန္းေပၚ၊ ၊ေမ(၂၇-၃၁)ရက္အတြင္း အလယ္ပိုင္းေဒသေတြ၊ ဇြန္ (၁-၇) ရက္အတြင္း ႏိုင္ငံေျမာက္ပိုင္းေဒသေတြကို ဆက္လက္၀င္ေရာက္ႏိုင္တယ္လို႔ မိုးေလ၀သဌာနက ခန္႔မွန္းပါတယ္။

မုတ္သုန္ေလ စတင္၀င္ေရာက္ခ်ိန္မွာ ထစ္ခ်ဳန္းမိုးနဲ႔ မိုးသက္ေလျပင္းမ်ား က်ေရာက္နိုင္တယ္လို႔လဲ  သတိေပး ထုတ္ျပန္ထားပါတယ္။

မႏွစ္က မုတ္သုန္ေလဟာ ျမန္မာျပည္ထဲ ေမလ ၁၆ ရက္မွာ စတင္၀င္ေရာက္ခဲ့ၿပီး ဒီႏွစ္လဲ အလားတူကာလမွာ မုတ္သုန္၀င္ေရာက္မွာ ျဖစ္ပါတယ္။

By ေရႊေအာင္ (ဒီဗီြဘီ)
http://burmese.dvb.no

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ