ဝဲကြီးထောင့် လင်းစင်ရွာသားများ ဖမ်းဆီးနှိပ်စက်ခံရဟုဆို


ဧပြီ ၂၉

 ရခိုင်ပြည်နယ် ကျောက်တော်မြို့နယ် ၀ဲကြီးထောင့် လင်းစင် ရွာသစ် ရွာသားများကို စစ်တပ်က ဖမ်းဆီးနှိပ်စက်မှုများ ရှိနေသည်ဟု ကျေးရွာသားများက နိရဉ္စရာသို့ ပြောကြားသည်။

ဧပြီလ ၂၃ ရက်နေ့မှ ၂၈ ရက်နေ့ထိ ဖမ်းဆီးခံရသူ ၇၀ နီးပါးခန့်ရှိပြီး နှိပ်စက် ညှဉ်းပမ်းမှုများ ရှိနေသဖြင့် ကျေးရွာသားများအနေဖြင့် အထူး ဒုက္ခရောက်နေကြသည်ဟု ကျေးရွာသားများက ပြောဆိုသည်။

“ ကျွန်တော်တို့ကို ရက္ခိုင့်တပ်မတော်ကို အားပေးတယ်ဆိုပြီး ဖမ်းဆီးတာပါ။ အရိုက်ခံရပြီး ခေါင်းကွဲသူကွဲ၊ လက်ကျိုးသူကျိုး အဲသလိုမျိုး ဖြစ်နေပါတယ်။ ၀ဲကြီးထောင့်နဲ့ ရွာသစ်ကြားမှာ မူလတန်းကျောင်းမှာ ဖမ်းဆီးပြီး အဲသလိုမျိုး ပြုလုပ်နေတာပါ” ဟု အမည်မဖော်လိုသူ ရွာသား တစ်ဦးက ပြောသည်။

အဆိုပါ ကိစ္စနှင့် ပတ်သက်ပြီး ကျောက်တော်မြို့နယ် အုပ်ချုပ်ရေးမှူးအား ဆက်သွယ် မေးမြန်းရာ စစ်မြေပြင်ဖြစ်၍ သူ့အနေဖြင့် အတိအကျ မသိရှိနိုင်ကြောင်း ပြောဆိုသည်။

“ စစ်ဘေးရှောင် ဒုက္ခသည်တွေအတွက် စစ်တွေမြို့မိ မြို့ဖ အဖွဲ့တွေ၊ လွှတ်တော်ကိုယ်စားလှယ် အဖွဲ့တွေ ဟို စပါးဆိပ်ထိ သွားရောက် လှူဒါန်းခဲ့ကြပြီ ဖြစ်ပါတယ်။ ဒုက္ခသည်တွေအတွက် လုံလောက်တဲ့ အပြင် ပိုလျှံလို့တောင် နေပါတယ်။ ရခိုင်ပြည်နယ် အစိုးရကလည်း ကူညီထားတာတွေ အများကြီးဖြစ်ပါတယ်။ ဖမ်းဆီးခံရတယ်ဆိုတာတော့ စစ်မြေပြင် ဖြစ်တဲ့ အတွက် ကျွန်တော်အနေနဲ့ မသိရှိနိုင်ပါဘူးခင်ဗျား” ဟု မြို့နယ် အုပ်ချုပ်ရေးမှူးက ပြောဆိုသည်။

ဧပြီလ ၂၉ ရက်နေ့က တိုက်ပွဲ ဖြစ်ပွားရာ ပီချောင်း စပါးဆိပ်သို့ ရိက္ခာများ သွားရောက် လှူဒါန်းခဲ့သည့် ကျောက်တော် လွှတ်တော် ကိုယ်စားလှယ် အဖွဲ့မှ ပြည်နယ် လွှတ်တော် ကိုယ်စားလှယ် ဦးစောငြိမ်းအား ဆက်သွယ်မေးမြန်းရာ ဖမ်းဆီးခံထားရသူ (၁၁) ဦးနှင့် တွေ့ဆုံခွင့်ပေးခဲ့သည်ဟု သိရသည်။

“ ရွာသားတွေကို ဖမ်းဆီး နှိပ်စက်မှု ရှိသလား၊ မရှိဘူးလားတော့ ကျွန်တော်တို့ မသိဘူးဗျာ။ လင်းစင်ရွာသစ် ဘုန်းကြီးကျောင်းကို ရောက်ပြီး အကူအညီတွေ ပေးခဲ့ပါတယ်။ ဆရာတော်ရယ်၊ အုပ်ချုပ်ရေးမှူးတွေကိုတော့ တွေ့ခဲ့ပါတယ်။ မိုးချုပ်တော့မှာ ဖြစ်တဲ့ အတွက် ရွာထဲကိုတော့ မ၀င် ဖြစ်ခဲ့ဘူး။ မသင်္ကာမှုနဲ့ ဖမ်းဆီးခံထားရတဲ့ ၁၁ ယောက်ကိုတော့ တွေ့ခဲ့ရပါတယ်။ တချို့လည်း ပုံမှန်ပါဘဲ။ တချို့ကတော့ စစ်ဆေးမေးမြန်းခံနေရတဲ့ ပုံရှိပါတယ်” ဟု ဦးစောငြိမ်းက ပြောဆိုသည်။

မြန်မာ့တပ်မတော် စစ်ကြောင်းများသည် တိုက်ပွဲ ဖြစ်ပွားရာ ဒေသများတွင် ရက္ခိုင့်တပ်မတော်မှ သိုဝှက်ထားသော လက်နက် ခဲယမ်းမီးကျောက်များနှင့် အသုံးအဆောင် ပစ္စည်းအများအပြားကို ဖော်ထုတ်ဖမ်းဆီးနေကြောင်း၊ ထိုသို့ ဖော်ထုတ်ရာ ဖမ်းဆီးရာတွင် မသင်္ကာသူများ၊ ရက္ခိုင့်တပ်မတော်နှင့် ဆက်စပ်မှု ရှိသည်ဟု သံသယ ရှိသူများကို ဖမ်းဆီး စစ်ဆေးမှုများ ရှိနေကြောင်း သိရသည်။

မြန်မာတပ်မတော်ဘက်မှ တာဝန်ရှိသူများကို ဆက်သွယ် မေးမြန်းနိုင်ခြင်း မရှိသဖြင့် ယင်းညှဉ်းပမ်းနှိပ်စက်မှုများရှိနေသည်ဆိုသော ရွာသားများ ပြောကြားချက်နှင့် ပတ်သက်ပြီး တပ်မတော်၏ တုန့်ပြန်မှုကို မေးမြန်း တင်ပြနိုင်ခြင်းမရှိပါ။

နိရဉ္စရာ
http://www.narinjara.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ