ဓာတ်ပုံ- လာမည့် ဒီဇင်ဘာ ၁၀ ရက်နေ့တွင် ပြုလုပ်မည့် အသံတိတ်သပိတ်ကမ်ပိန်း |
ရန်ကုန်၊ ဒီဇင်ဘာ ၈
အသံတိတ်သပိတ်ဆင်နွဲမည့် ဒီဇင်ဘာ၁၀ရက်တွင် စျေးဆိုင်များနှင့်ကုမ္ပဏီလုပ်ငန်းအချို့က ပူးပေါင်းပါဝင်သည့်အနေဖြင့် ဆိုင်ပိတ်ထားခြင်း၊ လုပ်ငန်းယာယီနားခြင်းများ ပြုလုပ်မည်ဖြစ်ကြောင်း ၎င်းတို့၏ဖေ့ဘွက်ခ်လူမှုကွန်ရက်မှ တဆင့် အသိပေးထားကြကြောင်း သတင်းရရှိသည်။
စစ်အာဏာရှင်ကို တော်လှန်နေကြသည့် မြန်မာနိုင်ငံသားများစွာက လာမည့် ဒီဇင်ဘာ ၁၀ ရက်တွင် ကျရောက်မည့် ကမ္ဘာ့လူ့အခွင့်အရေးနေ့တွင် အကြမ်းမဖက်၊ အသံတိတ်သပိတ်ဆင်နွဲရန် ပြင်ဆင်မှုများ ပြုလုပ်နေကြခြင်းဖြစ်သည်။
ယင်းနေ့မနက် ၁၀ နာရီမှ ညနေ ၄ နာရီအထိ လမ်းမထက်တွင် ကားမရှိ၊ လူမရှိ၊စျေးဆိုင်များမဖွင့်ဘဲ အသံတိတ်ဆန္ဒပြရန်စစ် အာဏာရှင်ဆန့်ကျင်ရေးအဖွဲ့များကတိုက်တွန်းထားသည်။
"အစ်မတို့ ပါဝင်နိူင်တဲ့လှုပ်ရှားမှု ဖြစ်လို့ရတဲ့နည်းနဲ့ပါဝင်မယ်။ အဲဒီနေ့ဆိုင်ပိတ်ထားမယ်။ အခြားသူငယ်ချင်းတွေကိုလည်း စည်းရုံးထားတယ်"ဟု အလှကုန်နှင့် အွန်ပစ္စည်းအရောင်းဆိုင်ပိုင်ရှင်တစ်ဦးကပြောသည်။
ဒီဇင်ဘာ ၁၀ရက်နေ့၌ "ငါတို့မြို့ငါတို့ပိုင်တယ်"၊"ငါတို့ငြိမ်ချင်ငြိမ်မယ် လှုပ်ချင်လှုပ်မယ်"ဆိုသည့် အာဏာရှင်ဆန့်ကျင်ရေးစိတ်ဖြင့် လှုပ်ရှားရန် အသိပေးမှုလည်း ပြုလုပ်ထားသည်။
ထို့အပြင် ယင်းနေ့၌ အနက်ရောင်အကျီဝတ်ဆင်၍ လက်သုံးချောင်းထောင်ထားသောပုံဖြင့် လူမှုကွန်ရက်တွင်တင်ကာ ပါဝင်ကြရန်လည်း လှုံ့ဆော်ထားသည်။
အကြမ်းဖက် စစ်အာဏာရှင်ကိုဆန့်ကျင်တော်လှန်နေကြသည့် မြန်မာပြည်သူများသည် မတ်လ ၂၄ ရက်နေ့ကလည်း အသံတိတ်ကမ်ပိန်းကို ပြုလုပ်ခဲ့ကြသည်။
Lu Nge Khit
No comments:
Post a Comment