ပြည်၊ ဒီဇင်ဘာ ၁၊ ၂၀၂၁။
ပဲခူးတိုင်း၊ ပြည်မြို့၊ မြို့မဈေးကြီးက ရွှေဆိုင်ကို ကော်သေနတ်နဲ့ ခြိမ်းခြောက်ပြီး ပစ္စည်းလုယူသွားသူကို ဝိုင်းဝန်းဖမ်းဆီးခဲ့တယ်လို့ ဒေသခံတစ်ဦးဆီက သိရပါတယ်။
ဒီနေ့မနက် ၈နာရီလောက်မှာ ပြည်ဈေးကြီးမှာရှိတဲ့ "တခိုင်လုံး"ရွှေဆိုင်ကို အမျိုးသားတစ်ဦးက သေနတ်ပြပြီး ခြိမ်းခြောက်ခဲ့တာဖြစ်တယ်လို့ ဒေသခံတစ်ဦးကပြောပါတယ်။
"လက်စွပ်ပြခိုင်းတာ သေနတ်နဲ့ချိန်ပြီးပစ်ထည့်လိုက်မယ်လို့ပြောတယ် ဆိုင်ရှင်အမျိုးသမီးက သူ့အက်ျီရင်ဘက်ကိုလှမ်းဆွဲပြီးအော်တော့ ထွက်ပြေးသွားတယ် ထွက်ပြေးတော့စျေးထဲကလူတစ်ယောက်ကလှမ်းဆွဲ အက်ျီကိုဆွဲမိတော့အက်ျီကိုချွတ်ပြေးတယ်ပစ္စည်းတော့ပါသွားတယ် ဖမ်းမိတော့ပြန်ရတယ်" လို့ မျက်မြင်တွေ့ရှိသူတစ်ယောက်က ပြောပါတယ်။
ကော်သေနတ်နဲ့ခြိမ်းခြောက်ပြီး ပစ္စည်းလုသွားသူကိုအနီးနားက လူတွေ ဝိုင်းဖမ်းလိုက်ကြပြီး ဈေးခေါင်းရုံးကတဆင့် ရဲလက်အပ်လိုက်ပြီး သရုပ်ပြ ပြန်လုပ်ပြကာ ဖမ်းဆီးသွားတယ်လို့ အဲ့ဒီဈေးက ဈေးသည်တစ်ဦးက ပြောပါတယ်။
ပြည်မြို့မှာ လုယက်မှုတွေ မကြာခဏဖြစ်နေပြီးဈေးကြီးမှာ အခုလို သေနတ်ပြပြီး ပစ္စည်းလုတာဟာ ပထမဆုံးဖြစ်တယ်လို့ သိရပါတယ်။
မြေလတ်အသံ - Myaelatt Athan
No comments:
Post a Comment