ဒီပဲယင်းမြို့နယ်တွင် စစ်ကောင်စီတပ်မိုင်းဆွဲခံရပြီး သေဆုံးထိခိုက်မှုများနိုင်ဟု ဂဠုန်တပ်တော်ထုတ်ပြန်
စစ်ကိုင်းတိုင်း၊ ဒီပဲယင်းမြို့နယ်တွင် စစ်ကောင်စီ၏ ပွိုင့်တပ်စုတစ်ခုကို မိုင်းဆွဲတိုက်ခိုက်ခဲ့ရာ ထိခိုက်သေဆုံးမှု များပြားနိုင်ကြောင်း ဒီပဲယင်းအခြေစိုက် ဂဠုန်တပ်တော်က ယနေ့ညတွင်သတင်းထုတ်ပြန်သည်။
စစ်ကိုင်းတိုင်း၊ ဒီပဲယင်းမြို့နယ်အတွင်း၌ လှည့်လည်ထိုးစစ်ဆင်လျှက်ရှိသော စစ်ကောင်စီတပ်များကို ဂဠုန်တပ်တော်မှ ပြန်လည်စစ်ဆင်ရေးများ ပြုလုပ်လျက်ရှိရာ ယနေ့(နိုဝင်ဘာလ ၃၀ ရက် )မွန်းလွဲ ၂း ၂၀ ခန့်က ဂဠုန်တပ်တော်၏ အထူးကွန်မန်ဒို တပ်စု(၁)စုသည် အရပ်ဝတ် (၃) ဦး ဦးဆောင်လာသော စစ်ကောင်စီတပ်၏ ပွိုင့်တပ်စုနှင့် ထိပ်တိုက်ထိတွေ့မှုရှိခဲ့ရာ အရပ်ဝတ်(၃)ဦးအား ကျော်လွန်စေလျက် စစ်ကောင်စီ ပွိုင့်(၁)ခုကို မိုင်းဆွဲတိုက်ခိုက်ခဲ့ကြောင်း ဂဠုန်တပ်တော်က အသိပေးသည်။
ယင်းတိုက်ခိုက်မှုတွင် စစ်ကောင်စီတပ်သားများသည် ဂဠုန်တပ်တော်၏ မိုင်းများနှင့် တိတိကျကျ ထိမှန်ခဲ့ပြီး ဂဠုန်တပ်တော်၏အထူးကွန်မန်ဒိုတပ်သားများ ဘေးလွတ်ရာအရပ်သို့ ရောက်ရှိသည့်တိုင်အောင် စစ်ကောင်စီတပ်သားများ၏ လှုပ်ရှားမှုတစုံတရာ မတွေ့မြင်ရခြင်း
ကြောင့် ထိခိုက်ကျဆုံးမှု အများအပြားရှိနိူင်ကြောင်း ခန့်မှန်းသိရှိရကြောင်းထုတ်ပြန်ထားသည်။ ဂဠုန်တပ်တော်၏ စစ်ကဲမှူးဆရာ "အောက်ချင်း" ကိုယ်တိုင် မီတာ (၁၀၀) အတွင်း မိုင်းဆွဲတိုက်ခိုက်ခဲ့ခြင်းဖြစ်ကြောင်းလည်းပါရှိသည်။
ဒီပဲယင်းမြို့နယ်တွင် အကြမ်းဖက်စစ်ကောင်စီသည် စစ်ကြောင်းများခွဲကာ ထိုးစစ်ဆင်နေပြီး ဒေသတွင်း PDFများကလည်းပြန်လည် ခုခံတော်လှန်တိုက်ခိုက်နေသည်။ စစ်ကောင်စီတပ်က ပြည်သူများကိုပင်ရဟတ်ယာဥ်ပေါ်မှ စက်သေနတ်ဖြင့်လိုက်ပစ်နေသဖြင့် ပြည်သူထောင်ချီမှာလည်း စစ်ဘေးရှောင်နေရသည်။
People's Spring
Reviewed by THITHTOOLWIN
on
09:00
Rating:
No comments:
Post a Comment