ယောဒေသတွင် အကြမ်းဖက်စစ်ကောင်စီတပ်နှင့် ပြည်သူ့ကာကွယ်ရေးပူးပေါင်းတပ်တို့ တစ်ပတ်အတွင်း တိုက်ပွဲသုံးကြိမ်ဖြစ်၊ စစ်ကောင်စီတပ်သား ၅၀ခန့်သေဟု ယော PDFထုတ်ပြန်
ယောဒေသတွင် ပြည်သူ့ကာကွယ်ရေးပူးပေါင်းတပ်များနှင့် အကြမ်းဖက်စစ်ကောင်စီတပ်တို့ တစ်ပတ်အတွင်း တိုက်ပွဲသုံးကြိမ်ဖြစ်ပွားကာ စစ်ကောင်စီတပ်သား ၅၀ ဦးခန့်သေဆုံးပြီ PDFတပ်သား တစ်ဦးကျဆုံးခဲ့ကြောင်း Yaw Defense Forceက ယနေ့ (နိုဝင်ဘာ ၂၇ ရက်)ထုတ်ပြန် သည်။
နိုဝင်ဘာ ၁၉ရက်တွင် YDF (Saw&Kyaukhtu) ၊ CDF (Mindat)၊ CDF (Kanpetlet) ၊ PDF (Saw) အဖွဲ့ များနှင့် အကြမ်းဖက် စစ်ကောင်စီတပ်တို့ တောမနှင့် ကျင်းလိန်ကျေးရွာအနီးနားတွင် နံနက် ၈နာရီခွဲခန့်မှစ၍ ထိတွေ့တိုက်ပွဲ ဖြစ်ပွားခဲ့ပြီး အကြမ်းဖက်စစ်ကောင်စီဘက်မှ ၄၀ဦးခန့် သေဆုံးပြီး PDF (Saw) ဘက်မှ ရဲဘော်တစ်ဦး အသက်ပေးသွားခဲ့သည်။
ထိုနေ့တွင် အကြမ်းဖက် စစ်ကောင်စီဘက်မှ လေယာဥ် နှစ်စင်း ပစ်ကူသုံးကာ ခုခံတိုက်ခိုက်ခဲ့ရသည်ဟု ဆိုသည်။ YDF(Saw&Kyaukhtu) ဘက်မှလည်း တစ်ဦး ပြင်းထန်ဒဏ်ရာရရှိခဲ့သည်။
နိုဝင်ဘာ ၂၃ရက်တွင် YDF (Saw&Kyaukhtu) ၊ CDF (Kanpetlet) အဖွဲ့များနှင့် အကြမ်းဖက်စစ်ကောင်စီတပ်တို့ အောက်လက်မွန်နှင့် အထက်လက်မွန်ကျေးရွာကြားတွင် နေ့လယ် ၁ နာရီ ခွဲခန့်မှ စ၍ ထိတွေ့ တိုက်ပွဲ ဖြစ်ပွားခဲ့ပြီး တိုက်ပွဲကြာချိန် ၂ နာရီခန့် ကြာမြင့်ခဲ့သည်။ ထိုတိုက်ပွဲတွင် အကြမ်းဖက် စစ်ကောင်စီဘက်မှ ၁၀ဦးခန့်သေဆုံးခဲ့ပြီး YDF (Saw&Kyaukhtu) ဘက်မှ နှစ်ဦး ဒဏ်ရာ(မစိုးရိမ်) ရရှိခဲ့သည်။
ထို့အပြင် နိုဝင်ဘာ ၂၅ရက်ကလည်း ကံချောင်းကျေးရွာနားတွင် တပ်စွဲထားသော စစ်ကောင်စီတပ်သား ၅၉ဦးသည် ကျောက်ထုလေယာဥ်ကွင်းဘက်သို့ ဆုတ်ခွာသွားစဥ် ကျောက်ပုံအနီး၌ YDF (Saw&Kyaukhtu) မှ စလစ်အိုးအကြီးတစ်လုံးဖြင့် ဖောက်ခွဲ တိုက်ခိုက်ခဲ့သည်။
အဆိုပါ တိုက်ပွဲများတွင် စစ်ကောင်စီထံမှ လက်နက်ကြီးကျည်ဖူး သုံးလုံးသိမ်းဆည်းရမိခဲ့ကြောင်းလည်း ထုတ်ပြန်ချက်တွင် ဖော်ပြထားသည်။
People's Spring
Reviewed by THITHTOOLWIN
on
19:59
Rating:
No comments:
Post a Comment