ဦးဝင်းထိန်ကို နိုင်ငံတော်အကြည်ညိုပျက်စေမှု ပုဒ်မ ၁၂၄ ကနဲ့ စွဲချက်တင်ဖို့ အမိန့်ချ



Share/Bookmark
 ဦးဝင်းထိန်ကို ပုဒ်မ ၁၂၄ ကနဲ့ စွဲချက်တင်ဖို့ အမိန့်ချ

အမျိုးသားဒီမိုကရေစီအဖွဲ့ချုပ်ပါတီ NLD ရဲ့ နာယက ဦးဝင်းထိန်ကို နိုင်ငံတော်အကြည်ညို ပျက်စေမှု ပုဒ်မ ၁၂၄ ကနဲ့ စွဲချက်တင်ဖို့ ဒီကနေ့ဇူလိုင် ၁၆ ရက် မှာ အမိန့်ချမှတ်လိုက်တယ်လို့ အမှုကို လိုက်ပါဆောင်ရွက်ပေးနေတဲ့ တရားလွှတ်တော်ရှေ့နေ ဒေါ်မင်းမင်းစိုးက ပြောပါတယ် ။

NLD ပါတီရဲ့ နာယကဦးဝင်းထိန်အနေနဲ့လူမူကွန်ယက်ပေါ်မှာ ပြောဆိုထားတဲ့ပြောဆိုချက်တွေဟာဥပဒေအရတည်ထောင်ထားတဲ့အစိုးရတရပ်ကို မလိုမုန်းထားအောင် အကြည်ညို ပျက်အောင်ပြောဆိုတာဖြစ်လို့အခုလိုစွဲချက်တင်ဖို့အမိန့်ချလိုက်တာဖြစ်ပြီး ဒီစွဲချက်နဲ့ ပတ်သက်လို့တော့ဦးဝင်းထိန်က အပြစ်မရှိကြောင်း ငြင်းဆိုခဲ့တယ်လို့သိရပါတယ်။

" ဘဘကို နိုင်ငံတော်အကြည်ညိုပျက်စေတဲ့ပုဒ်မ ၁၂၄-ကနဲ့တရားစွဲဆိုတယ် အပြစ်ရှိလားလို့မေးတဲ့အခါ ဘဘက ပြန်ပြောတယ် ။ နိုင်ငံတော်အာဏာကိုယူထားတဲ့ ပါတီတစ်ခုကနာယကအနေနဲ့ကိုယ့်နိုင်ငံရဲ့ရုတ်တရက်ပေါ်ပေါက်လာတဲ့ နိုင်ငံရေးအခြေနေအရ ပါတီဝင်တွေနဲ့မဲဆန္ဒရှင်တွေအတွက် မိမိမှာတာဝန်ရှိတယ်လို့ယူဆလို့ပြောသင့်ပြောထိုက်တဲ့ စကားကိုပြောခဲ့တာဖြစ်တဲ့အတွက်အပြစ်မရှိပါဘူးလို့ငြင်းဆိုခဲ့တယ်လို့ " ရှေ့နေဒေါ်မင်းမင်းစိုးက ပြောပါတယ် ။

လက်ရှိမှာတော့ NLD ပါတီရဲ့ နာယကဦးဝင်းထိန်းကို နိုင်ငံတော်အကြည်ညိုပျက်စေမူ ပုဒ်မ ၁၂၄ ကနဲ့စွဲချက်တင်အမိန့်ချလိုက်ပြီဖြစ်ပြီး နောက်လာမယ့် ရုံးချိန်းကိုတော့ ဇူလိုင် ၃ဝ ရက်နေ့မှာထပ်စစ်သွားမယ်လို့သိရပါတယ်။

လက်ရှိမှာတော့ ဦးဝင်းထိန်အနေနဲ့ ကျန်းမာရေးကောင်းမွန်နေပြီး အကျဉ်းထောင်တွင်းမှာပဲဒုတိယအကြိမ်မြောက်ရေးသားမယ့်စာအုပ်ကို ထုတ်ဝေဖို့နိုင်ဖို့ရေးသားနေတယ်လို့လည်းရှေ့နေဒေါ်မင်းမင်းစိုးက ပြောပြပါတယ် ။

နိုင်ငံတော်အတိုင်ပင်ပုဂ္ဂိုလ်ဒေါ်အောင်ဆန်းစုကြည်ရဲ့တရားရုံးချိန်းကိုလည်း မူလက ဇူလိုင် ၂ဝ ရက်နေ့နဲ့၂၂ ရက်နေ့တွေမှာ ရုံးထုတ်ဖို့စီစဉ်ထားပေမယ့် ဇူလိုင် ၂၆၊ ၂၇ ရက်တွေကိုပြောင်းလဲချိန်းဆိုလိုက်တယ်လို့ရှေ့နေဒေါ်မင်းမင်းစိုးဆီက သိရှိရပါတယ် ။


BBC Burmese

https://www.bbc.com/burmese/live/burma-57783160



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ