ဒီမော့ဆိုမြို့ စံပြ၆မိုင်တိုက်ပွဲမှာ PDF တစ်ဦးကျဆုံး



Share/Bookmark

ကရင်နီပြည်နယ်၊ ဒီမော့ဆိုမြို့ စံပြ၆မိုင်ကျေးရွာမှာ ဒီကနေ့ ဇွန်လ ၃ရက်နေ့ နံနက်၈နာရီဝန်းကျင်မှာ ပြည်သူ့ကာကွယ်ရေးတပ်(PDF) နဲ့ အကြမ်းဖက်စစ်ကောင်စီတပ်တို့တိုက်ပွဲ ၄နာရီကြာ ဖြစ်ပွားခဲ့ပြီး PDF တစ်ဦးကျသွားတယ်လို့ သိရပါတယ်။ 

"ဒီရက်ပစ်ခတ်မှုကတော့ ကျတော်တို့ဖက်က လူငယ်တစ်ယောက်ကျတယ် စနိုက်ဘာမိလို့ ဒဏ်ရာရတဲ့သူတော့မရှိဘူး" လို့ ကရင်နီအမျိုးသားကာကွယ်ရေးတပ်ရဲ့ သတင်းနှင့်ပြန်ကြားရေး ပြော​ရေးဆိုခွင့်ရှိသူတစ်ဦးက ကန္တာရဝတီတိုင်း(မ်)ကို ပြောပါတယ်။ 

အကြမ်းဖက်စစ်ကောင်စီတပ်မှ နံနက် ၂နာရီအချိန်ခန့်က  တင့်ကား၂စီး၊ အင်အားအပြည့်ပါတဲ့ စစ်ကား ၁၀စီးခန့်ကို ဒီမော့ဆိုတိုက်ပွဲမှာအင်အားဖြည့်ရန် လွိုင်ကော်မြို့ကနေ အင်အား ၁၀၀ ဝန်းကျင်ခန့်က နေရာယူထားတယ်လို့ သိရပါတယ်။ 

စစ်ကောင်စီဖက်က လွိုင်ကော်အခြေစိုက်အမြှောက်တပ်ကနေ လက်နက်ကြီး ၊ အမြှောက်တွေနဲ့ ပစ်ခတ်ကူပြီး မြေပြင်မှာလည်း ဘုရားကျောင်း၊ နှစ်ထပ်အဆောက်အအုံတွေမှာ စနိုက်ပါနဲ့ ပစ်ခတ်နေတယ်လို့ မြေပြင်မှာရောက်ရှိနေသူတစ်ဦးထံက သိရပါတယ်။ 

တိုက်ပွဲမှာ စစ်ကောင်စီတပ်က လက်နက်ကြီး၊ လက်နက်ငယ်တွေနဲ့ အဆက်မပြတ် ပစ်ခတ်နေပြီး အင်အားမမျှတာကြောင့် PDFအဖွဲ့  ပြန်ဆုတ်ခဲ့ရတယ်လို့ သိရပါတယ်။ 

ဒီကနေ့ ဇွန်လ ၃ရက်နေ့ လွိုင်ကော်လေဆိပ်မှာ ၅ကြိမ်ထက်မနည်းတဲ့ လေယာဥ်အတက်အဆင်းရှိခဲ့သလို လွိုင်ကော်မြို့ရှိ လမ်းအချို့ကိုလည်း ပိတ်ထားလိုက်တယ်လို့ ဒေသခံပြောကြားချက်အရ သိရပါတယ်။


Kantarawaddy Times 

https://www.facebook.com/KantarawaddyTimes



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ