တာချီလိတ် KTV နှင့် နိုက်ကလပ်ဆိုင်များ စစ်ကောင်စီနှင့်ညှိပြီး ပြန်ဖွင့်



Share/Bookmark

ဇွန် ၉ ရက် ၂၀၂၁

စစ်အာဏာသိမ်းပြီး (၄) လကျော်ကာလအတွင်း သျှမ်းပြည်အရှေ့ပိုင်း တာချီလိတ်မြို့ရှိ  ဖျော်ဖြေရေး နေရာများဖြစ်သည်  ကာလာအိုကေ (KTV)ဆိုင်များနှင့် နိုက်ကလပ်များ ပြန်ဖွင့်လာကြောင်း  စုံစမ်းသိရှိရသည်။

စစ်အာဏာသိမ်းပြီးနောက် မြန်မာတစ်နိုင်ငံလုံး ညမထွက်ရအမိန့် ထုတ်ပြန်ထားနေသော်လည်း တာချီလိတ်မြို့ရှိ ုကာလအိုကေဆိုင်များကို စစ်ကောင်စီမှ ဖွင့်လှစ်ခွင့် ပေးထားသည်ဟု စုံစမ်းသိရှိရသည်။

“အခု တာချီလိတ်မှာ ဖွင့်နေတဲ့ နိုက်ကလပ်တွေ၊ KTV တွေ က စစ်ကောင်စီနဲ့ ညှိပြီးဖွင့်ထားတယ်။ တစ်ချို့ ဆိုင်တွေ က ဘတ်ငွေ သိန်းဂဏန်းထိ ပေးရတယ်လို့ ကြားတယ်”  ဟု တာချီလိတ်ဒေသခံ တစ်ဦးက သျှမ်းသံတော်ဆင့် ကို ပြောသည်။

လက်ရှိ တာချီလိတ်မြို့ အတွင်း ဖွင့်ထားသည့် ဖျော်ဖြေရေး နေရာများတွင် စစ်ကောင်စီ အုပ်စုမှ ထုတ်သည့် ထွက်ကုန်များကို အဓိကထား ပြီး ရောင်းချနေကြောင်းလည်း သတင်းရရှိသည်။

“နိုက်ကလပ်တွေ KTV ဆိုင်တွေ က မြန်မာစည်ဘီယာတွေပဲ ချရောင်းတာတွေ့ရတယ်” ဟု Night Club ဝင်သည့် လူငယ်တစ်ဦး ကပြောသည်။

တာချီလိတ်အတွင်း နိုက်ကလပ်များ ပြန်လည်ဖွင့်လှစ်နေပြီး  ရွှေမြေသာယာ ဈေးအနီးရှိ ကြီးမြတ်သောရွှေမြင်း (King Horse Fly Pub 6888) ကလပ်၏ ဧရိယာအတွင်း မေ (၂၅)ရက်နှင့် ဇွန် (၆)ရက် တွင်  ပေါက်ကွဲမှုဖြစ်ပွားခဲ့ကြောင်း သိရသည်။

အကြမ်းဖက် စစ်ကောင်စီမှ မေလ ၁ ရက်မှ စတင်ပြီး ပြည်သူများနေ့စဉ် စားသောက်နေသည့် အခြေခံ စားသောက်ကုန် ထိုင်းကုန်ပစည်း (၅) မျိုးကို မြန်မာပြည်သို့တင်သွင်းရန် ပိတ်ပင်ခဲ့သည်။

ထို စားသောက်ကုန်ပစ္စည်းများပိတ်ပင်ပြီးနောက် နယ်စပ်ရှိ ကုန်စုံရောင်းသည့် ဆိုင်များကို စစ်ကောင်စီ လက်အောက်မှ ထုတ်သည့် ကုန်ပစ္စည်းများကို ရောင်းချရန် လာရောက် ကြေညာခဲ့ကြောင်း တာချီလိတ်မြို့ ကုန်စုံဆိုင်ရှင်များထံ သိရသည်။

“ အခုဆိုရင် ထိုင်းပစ္စည်းတွေ ဘီယာတွေ အရက်တွေ အခြေခံ စားသောက်ကုန်ပစ္စည်းတွေ ပိတ်ခဲ့တယ်။ အခုဆိုရင် KTVတွေ နိုက်ကလပ်တွေဆိုရင် စစ်တပ်ထုတ်ကုန်တွေပဲလေ။ ဒါသူတို့ တမြင်လုပ်တာပဲ” ဟု ကုန်စုံဆိုင်ရှင် တစ်ဦး က ပြောသည်။

ထိုင်းထုတ်ကုန်ပစ္စည်းများ မကြာခင် ပြတ်လပ်တော့မည်ဖြစ်ကြောင်းလည်း မြန်မာ-ထိုင်းနယ်စပ် တာချီလိတ်မြို့ ကုန်သည်များထံ သိရသည်။


SHAN News (Burmese Version) 

https://www.facebook.com/shannewsburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ