မိုးမောက်မြို့နယ်တွင် စစ်ကောင်စီလက်နက်ကိုင်များ လေယာဥ်များဖြင့် ဗုံးကြဲတိုက်ခိုက်ကာ တိုက်ပွဲပြင်းထန်နေ
April 26 - Kachinwaves
မိုးမောက်မြို့နယ် မြို့သစ်ကျေးရွာနှင့် စီဟက်ကျေးရွာကြား တာဝါတိုင်အနောက်ဘက်တွင် ယနေ့ နံနက်ပိုင်းမှ စတင်၍ တိုက်ပွဲပြန်လည် ပြင်းထန်နေကြောင်း သတင်းရရှိပါသည်။
လက်နက်ကြီးလက်နက်ငယ်များ ဆက်တိုက်ပစ်ခတ်မှုများ ရှိနေပြီး လေယာဥ်များဖြင့် ဗုံးကြဲတိုက်ခိုက်လာသည်ဟု ဒေသခံများက ဆိုသည်။
"တိုက်ပွဲက နေ့တိုင်းဖြစ်တယ် လေယာဉ်နဲ့ဗုံးကြဲတာ သုံးရက်ဆက်တိုက်ရှိပြီ။ ဒီနေ့လည်း တစ်နာရီ ဆယ်ငါးမိနစ်လောက်မှာ လာကြဲသွားတယ်။ တိုက်ပွဲကတော့ မနက်ကတည်းက ဖြစ်နေတာ"ဟု ဒေသခံတစ်ဦးကပြောသည်။
ကျေးရွာပြည်သူများသည် စစ်ပြေးရှောင်သွားပြီ ဖြစ်သည့်အတွက် အခုရက်ပိုင်း ပြည်သူများ ထိခိုက်ခြင်းမရှိသော်လည်း နေအိမ်များသည် လက်နက်ကြီးထိကာ ပျက်စီးမှုများရှိနေကြောင်း ဒေသခံများက ဆိုသည်။
မြို့သစ်နှင့် စီဟက်ကျေးရွာကြားတွင် ကေအိုင်အေနှင့် စစ်ကောင်စီ လက်နက်ကိုင်တပ်များ တိုက်ပွဲဖြစ်သည်မှာ တစ်လခန့်ရှိနေပြီဖြစ်သည်။
Kachinwaves
Reviewed by THITHTOOLWIN
on
19:25
Rating:
No comments:
Post a Comment