မုံရွာ၊မတ်-၂၇
ယနေ့ (မတ်-၂၇)တရက်တည်းမှာပင် စစ်ကိုင်းတိုင်းရှိ မြို့နယ် ၄ ခု၌ ဆန္ဒပြလူထုနှင့် လမ်းများတပ်ဖြန့်ထားမှု၌တွေ့ဆုံမှုဖြစ်ရာ ရဲနှင့်စစ်တပ် ပစ်ခတ်မှုကြောင့် ကျဆုံးသူ ၈ဦးရှိခဲ့သည်။
စစ်ကိုင်းမြို့တွင် ဆန္ဒပြလူထုအားပစ်ခတ်ရာ ကျဆုံးသူများမှာ ကိုအာကာ(၂၄နှစ်)၊သဗြုရွာနှင့် ကိုဘော် (၃၃နှစ်) ဇေယျာတို့ချဲ့ရပ်တို့ ဖြစ်သည်။
ရွှေဘိုမြို့တွင် ကိုကောင်း (၁၉နှစ်)အမှတ် ၇ ရပ်၊ ကိုဇင်ထွန်း၂၁)နှစ်၊ညောင်ပင်သာရွာ နှင့် အမှတ် ၉ရပ်မှ ၁၃နှစ်အရွယ်ကလေးငယ်တို့ဖြစ်သည်။
ယင်းမာပင်မြို့နယ် မုံရွာ-ပုသိမ်-ယာကြီးလမ်းဆုံ ရွာပေါင်းစုံသပိတ်စစ်ကြောင်းအား ပစ်ခတ်မှု၌ ကိုချမ်းမြေ့ကျော် (၂၉နှစ်- ဆားလင်းကြီး-ရွာသာရွာ) ကျဆုံးသည်။
မုံရွာမြို့သာစည်လမ်း ပစ်ခတ်မှုတွင် ကိုကျော်သိန်း(၄၀နှစ်)ရတနာပုံရပ်နှင့် ကိုထွန်းဦး (၃၂နှစ်)ချမ်းမြဝတီရပ် တို့ဖြစ်သည်။
ပစ်ခတ်မှုများကြောင့် စစ်ကိုင်းတိုင်းတွင် မတ်လ-၃ရက်နေ့မှ ၂၇ရက်အထိ မုံရွာမြို့၌ ၁၄ဦး၊ ချောင်းဦးမြို့ ၁ဦး၊ ကောလင်းမြို့ ၁ဦး၊ဆားလင်းကြီးမြို့နယ် ၁ဦး(မန္တလေးမြို့တွင်ကျဆုံး)၊ ခင်ဦးမြို့၌ ၂ဦး ၊တမူးမြို့ ၂ဦး၊ကလေးမြို့၌ ၅ဦး၊ရွှေဘို၌ ၃ဦး၊စစ်ကိုင်း၌ ၂ဦး၊ယင်းမာပင်၌ ၁ဦး စုစုပေါင်း ၃၂ ဦး ကျဆုံးခဲ့သည်။
Monywa Gazette
No comments:
Post a Comment