လူ့အခွင့်အရေးချိုးဖောက်မှုနဲ့ အာဏာသိမ်းစစ်ခေါင်းဆောင်တွေကို ဗြိတိန် ဒဏ်ခတ် အရေးယူ

ဗြိတိန် နိုင်ငံခြားရေးဝန်ကြီး Dominic Raab

မြန်မာ အာဏာသိမ်း ဗိုလ်ချုပ်ကြီး ၃ ဦးအပေါ် လူ့အခွင့်အရေး ဆိုးဆိုးရွားရွား ချိုးဖောက်မှုနဲ့ ဗြိတိန်နိုင်ငံက ဒဏ်ခတ် အရေးယူ ပိတ်ဆို့မှုတွေ ချမှတ်လိုက်ပြီ ဖြစ်ပါတယ်။

အာဏာသိမ်းမှုအတွင်း မြန်မာပြည်သူတွေ အပေါ် လူ့အခွင့်အရေး ဆိုးရွားစွာ ချိုးဖောက်ခဲ့တဲ့ သူတွေကို ယူကေနိုင်ငံက ဒီကနေ့မှာ ဒဏ်ခတ် အရေးယူလိုက်ပါပြီလို့ ဗြိတိန် နိုင်ငံခြားရေးဝန်ကြီး Dominic Raab က တွစ်တာမှာလှုပ်ရှားစာမျက်နှာနဲ့ ကြေညာလိုက်တာပါ။

ကာကွယ်ရေး ဝန်ကြီး ဗိုလ်ချုပ်ကြီး မြထွန်းဦး၊ ပြည်ထဲရေးဝန်ကြီး ဒုတိယ ဗိုလ်ချုပ်ကြီး စိုးထွဋ်နဲ့ ပြည်ထဲရေး ဒုတိယ ဝန်ကြီး ဒုတိယ ဗိုလ်ချုပ်ကြီး သန်းလှိုင်တို့ အပေါ် ဒဏ်ခတ် အရေးယူလိုက်တယ်လို့ ရိုက်တာ သတင်းက ပြောပါတယ်။

သူတို့ရဲ့ ပိုင်ဆိုင်မှုတွေကို ထိန်းချုပ်လိုက်သလို ပြည်ဝင်ခွင့် ဗီဇာလည်း ပိတ်ပင်လိုက်တာပါ။

ဒါ့အပြင်၊ ဗြိတိန်နိုင်ငံက လုပ်ငန်း ကုမ္ပဏီတွေ မြန်မာ စစ်အုပ်စုနဲ့ စီးပွားရေး ဖက်စပ် လုပ်ကိုင်တာတွေကို ရပ်ဆိုင်းပစ်ဖို့ စတင် လုပ်ဆောင်နေပြီလို့လည်း ဗြိတိန်နိုင်ငံရဲ့ ကြေညာချက်မှာ ပါရှိပါတယ်။

အာဏာသိမ်းမှု မဖြစ်ပွားခင်မှာ ဗြိတိန်နိုင်ငံက ဗိုလ်ချုပ်မှူးကြီး မင်းအောင်လှိုင် အပါအဝင် မြန်မာစစ်တပ်က လူပုဂ္ဂိုလ် ၁၆ ဦးအပေါ် ဒဏ်ခတ် ပိတ်ဆို့ထားပြီး ဖြစ်ပါတယ်။

ဗွီအိုအေ (မြန်မာပိုင်း)

https://burmese.voanews.com/a/britain-sanction-on-myanmar-military-leaders-/5784076.html