နိရဉ္စရာ၊ ဖေဖော်ဝါရီ ၂၁/ ၂၀၂၁
ရခိုင်ပြည်နယ်ရှိ အခြေခံပညာ ထက်၊ လယ်၊မူ ကျောင်းများကို ပြန်လည်ဖွင့်လှစ်နိုင်ရေးအတွက် ဖေဖော်ဝါရီ ၂၂ ရက် တနင်္လာနေ့မှ စပြီး ကျောင်းဆရာ ဆရာမများကို ကျောင်းစတင်တက်ကြရန် သက်ဆိုင်ရာ တာဝန်ရှိသူများမှ ညွှန်ကြားထားကြောင်း သတင်းရရှိသည်။
ဘူးသီးတောင်မြို့နယ် ပညာရေးမှူးက “ ဟုတ်ကဲ့။ မနက်ဖြန်က စပြီး ဆရာဆရာမတွေကို ကျောင်းတက်ဖို့ ညွှန်ကြားတာပါ။ ကျောင်းသူ ကျောင်းသားတွေကတော့ မတက်ရသေးပါဘူး” ဟု ပြောကြားသည်။
သက်ဆိုင်ရာ ညွှန်ကြားရာတွင် Covid 19 ကာလအတွင်း အခြေခံပညာ ထက်၊ လယ်၊မူ ကျောင်းများအား ခေတ္တရပ်နားထားခဲ့ပါကြောင်း၊ ကျောင်းများဖွင့်လှစ်နိုင်ရန် အဝေးပြောဖုန်းဖြင့် ညွှန်ကြားလာပါကြောင်း၊ သို့ပါ၍ အခြေခံပညာ ထက်၊ လယ်၊မူ ကျောင်းများသည် (၂၂-၂-၂၀၂၁) တနင်္လာနေ့ နံနက် (၈) နာရီမှ စ၍ (မပျက်မကွက်) ကျောင်းပုံမှန်တက်ကြရန် အကြောင်းကြားအပ်သည်ဟု ပါရှိသည်။
ယခုညွှန်ကြားချက်မထွက်မီကလည်း အခြေခံပညာကျောင်းများ ပြန်လည်ဖွင့်လှစ်ရန် ရှိသဖြင့် ကျောင်းများ၏ ဥပဓိရုပ်ကောင်းမွန်စေရေး ပြင်ဆင်ဆောင်ရွက်ရန် ရခိုင်ပြည်နယ် အခြေခံပညာကျောင်းများသို့ ညွှန်ကြားမှုရှိခဲ့ကြောင်း သိရှိရသည်။
Narinjara
Reviewed by THITHTOOLWIN
on
20:05
Rating:
No comments:
Post a Comment