 |
ရခိုင်ပြည်နယ်၊ ရသေ့တောင်မြို့နယ်၊ ရွှေလောင်းတင်ကျေးရွာတွင် လက်နက်ကြီးကျည် ကျရောက် ပေါက်ကွဲမှုကြောင့် အရပ်သားတစ်ဦးသေဆုံးပြီး တစ်ဦးမှာ ဒဏ်ရာရရှိသွားကာ ရွာသားများမှာ ထွက်ပြေးနေကြသည်ဟု သတင်းရရှိသည်။
သေဆုံးသွားသူမှာ ဆန်စက်ပိုင်ရှင် ဦးမောင်မောင်ချေ (၄၈) နှစ်ဖြစ်ကြောင်း၊ အသက် ၆ဝ အရွယ် အရပ်လူကြီးတစ်ဦးလည်း ဒဏ်ရာရရှိသွားကြောင်း ရွာကနေ ထွက်ပြေးနေသည့် ရွှေလောင်းတင် အုပ်ချုပ်ရေးမှူးက ပြောသည်။
“ ရွာမှာလည်း လူတွေအများကြီးရှိသေးတယ်။ တစ်ယောက်သေသွားပြီး နောက်တစ်ယောက်ဒဏ်ရာရလို့ ကျန်ခဲ့တယ်။ အခုဘယ်လိုရှိမှာလဲ မသိဘူး။ အခုထိလည်း ပစ်နေသေးတယ်။ တိုက်ပွဲဖြစ်တာလည်း မရှိဘူး။ ပါဒလိပ်ဖက်ကလည်း ပစ်တယ်။ ရသေ့တောင်ဖက်ကလည်း ပစ်နေတယ်။ အခုထွက်ပြေးနေကြတယ်” ဟု ပြောကာ ရွှေလောင်းတင်အုပ်ချုပ်ရေးမှူးက ဖုန်းချသွားခဲ့သည်။
သို့အတွက် မည်သို့ မည်ပုံ ပစ်ခတ်ခံရခြင်းကို တင်ပြနိုင်ခြင်း မရှိသေးပါ။
ရသေ့တောင်မြို့နယ် အမျိုးသားလွှတ်တော်ကိုယ်စားလှယ် ဦးခင်မောင်လတ်ကလည်း တစ်ဦးသေဆုံးပြီး တစ်ဦးဒဏ်ရာရရှိသွားသည်မှာ ဟုတ်မှန်ကြောင်း အတည်ပြု ပြောကြားသည်။
“ သေဆုံးသွားသူက ပွဲချင်းပြီးသေသွားတာ။ ၉ နာရီ ၄၅ မိနစ်က သေသွားတာက ရွာထဲကို ကျလာတဲ့ ပထမ လက်နက်ကြီးမှာ သေသွားတာလို့ သိရတယ် ။ အခုက လက်နက်ကြီးတွေ ပစ်နေသေးလို့ ဖုန်းဆက် ရတာတွေလည်း အခက်အခဲဖြစ်နေတယ်” ဟု ၎င်းက ပြောသည်။
အုပ်ချုပ်ရေးမှူး အပါအဝင် ရွာသူ/ ရွာသားများမှာ ထွက်ပြေးနေကြသဖြင့် သတင်းအပြည့်စုံကို မေးမြန်းတင်ပြနိုင်ခြင်း မရှိသေးပါ။ ဆက်သွယ် ရရှိပါက ပြန်လည် တင်ပြပေးပါမည်။
ထွန်းခိုင် (တောင်ရင်းကျွန်း)
Narinjara
Reviewed by THITHTOOLWIN
on
20:09
Rating:
No comments:
Post a Comment