 |
| ဓာတ်ပုံ-MPA |
ကိုဗစ်-၁၉ ရောဂါ ကူးစက်ပျံ့နှံ့မှုကို အချိန်မီတားဆီးနိုင်ရေးအတွက် ပြည်သူများအနေနဲ့ ကျန်းမာရေးနဲ့ အရေးပေါ်ကိစ္စကလွဲပြီး ပြည်တွင်းခရီးမသွားကြဖို့ အစိုးရက ထုတ်ပြန်လိုက်ပါတယ်။
ကိုဗစ်-၁၉ ကာကွယ်ထိန်းချုပ်ကုသရေးအမျိုးသားအဆင့်ဗဟိုကော်မတီက အသိပေးပန်ကြားချက်ကို ဒီကနေ့စက်တင်ဘာ ၁၀ ရက်ရက်စွဲနဲ့ ထုတ်ပြန်လိုက်တာပါ။
မဖြစ်မနေ ခရီးသွားရမယ်ဆိုရင် ကျန်းမာရေးနဲ့အားကစားဝန်ကြီးဌာနက ထုတ်ပြန်ထားတဲ့ ကိုဗစ်-၁၉ ဆိုင်ရာ အမိန့်နဲ့ ညွှန်ကြားချက်နဲ့အညီ တိကျစွာလိုက်နာဖို့ တိုက်တွန်းထားပါတယ်။
အမျိုးသားအဆင့် ကိုဗစ်ကော်မတီကို နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က ဥက္ကဋ္ဌအဖြစ် ဦးဆောင်ပြီး ဝန်ကြီးတွေက အဖွဲ့ဝင်အဖြစ် ပါဝင်ဆောင်ရွက်နေပါတယ်။
လက်ရှိမှာ ပြည်ပကိုခရီးသွားရာဇဝင်မရှိဘဲ ပြည်တွင်းကူးစက်မှုလို့သုံးသပ်ရမယ့် ကိုဗစ်-၁၉ ရောဂါဓာတ်ခွဲအတည်ပြုလူနာတွေကို သြဂုတ်လ ၁၆ ရက်မှာ တွေ့ရှိခဲ့ပါတယ်။ စက်တင်ဘာ ၁၀ ရက်အထိ ရန်ကုန်တိုင်းအတွင်း ကိုဗစ်အတည်ပြုလူနာ ၇၀၀ ကျော် အများဆုံးရှိနေပါတယ်လို့ အဲဒီထုတ်ပြန်ချက်က ဖော်ပြထားပါတယ်။
 |
| ဓာတ်ပုံ-MPA |
ပြည်တွင်းလေကြောင်းခရီးစဉ်တွေကိုလည်း ဒီကနေ့ကစလို့ ရပ်နားလိုက်တယ်လို့ သတင်းတွေထွက်ပေါ်နေပြီး ဘီဘီစီက အတည်ပြုဖို့ ကြိုးစားနေပါတယ်။
စက်တင်ဘာ ၁၀ ရက်ညနေပိုင်းထိ ကျန်းမာရေးနဲ့ အားကစားဝန်ကြီးဌာန ထုတ်ပြန်ချက်အရ မြန်မာမှာ ကိုဗစ်အတည်ပြုလူနာ စုစုပေါင်း ၂,၀၀၉ ဦးရှိနေပြီး ၁၄ ဦး သေဆုံးထားပါတယ်။
BBC Burmese
Reviewed by THITHTOOLWIN
on
22:23
Rating:
No comments:
Post a Comment