အီရန်ကို ကန်အရေးယူပိတ်ဆို့မှုသစ်ချမှတ်



Share/Bookmark
အမေရိကန်အလံနဲ့ အီရန်အလံ။

အီရန်နိုင်ငံရဲ့ နျူကလီးယားနဲ့ ပဲ့ထိန်းတပ်ဒုံးလက်နက်တွေအပြင် သမရိုးကျ လက်နက်အစီအစဉ်တွေကို ထိန်းချုပ်နိုင်ရေးအတွက် အမေရိကန်ပြည်ထောင်စုက ဒဏ်ခတ်ပိတ်ဆို့မှု အသစ်တွေချမှတ်လိုက်ပါတယ်။

အီရန်ကို လက်နက်မရောင်းချနိုင်အောင် ကုလသမဂ္ဂက ဒဏ်ခတ်ပိတ်ဆို့မှုတွေ အကန့်အသတ်မရှိပြန်ချမှတ်လိမ့်မယ်လို့ အမေရိကန်က စနေနေ့နှောင်းပိုင်းမှာ အခိုင်အမာပြောဆိုထားတာပါ။ အီရန်နိုင်ငံရဲ့ နျူကလီယား၊ ပဲ့ထိန်းတပ်ဒုံးလက်နက်နဲ့ သမရိုးကျလက်နက်ဆိုင်ရာ အစီအစဉ်တွေနဲ့ ပတ်သက်နေတဲ့ လူပုဂ္ဂိုလ်နဲ့ ကုမ္ပဏီ ပေါင်း ၂ ဒါဇင်ကျော်ကို သမ္မတ Donlad Trump အစိုးရအဖွဲ့က ဒဏ်ခတ်အရေးယူလိုက်ကြောင်း အိမ်ဖြူတော် ပြည်တွင်းလုံခြုံရေးအကြံပေး Robert O’Brien ကတနင်္လာနေ့မှာပြောပါတယ်။

အိမ်ဖြူတော်က ထုတ်ပြန်ခဲ့တဲ့သမ္မတအမိန့်မှာတော့ လက်နက်နဲ့ ဆက်စပ်နေတဲ့ ပစ္စည်းကိရိယာတွေ၊ စစ်လက်နက်တွေကို အီရန်နိုင်ငံကို အသွင်းအထုတ်လုပ်တဲ့နေရာမှာ ပါဝင်ပတ်သက်နေတဲ့ လူပုဂ္ဂိုလ်တွေရဲ့ ဥစ္စာပစ္စည်းပိုင်ဆိုင်မှုတွေကို ကန့်သတ်ထိန်းချုပ်မယ့် အစီအစဉ်တွေပါဝင်ပါတယ်။ လိုက်နာမှုမရှိတဲ့ ပြည်ပနိုင်ငံသားတွေနဲ့ စီးပွါးရေးလုပ်ငန်းတွေအပေါ် အပြစ်ပေးအရေးယူမယ့်အစီအစဉ်တွေကိုလည်း အမေရိကန်နိုင်ငံခြားရေးဌာနနဲ့ ဘဏ္ဍာရေးဌာနကလည်း အသီးသီး ကြေငြာထားကြပါတယ်။ 


 ဗွီအိုအေ (မြန်မာပိုင်း)

https://burmese.voanews.com/a/us-iran-sanctions/5592962.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ