ဒဂုံမြို့နယ်၌ လုယက်မှုတရားခံများအား ဖမ်းဆီးစဉ် ပြန်လည်ရန်ပြုဓားဖြင့်ထိုး၍ ရဲတပ်ဖွဲ့ဝင် ၁ ဦး သေဆုံးကာ ထွက်ပြေးသွားသည့် တရားခံများအား ဖမ်းဆီးရမိ


နေပြည်တော် ၂၄ စက်တင်ဘာ

ရန်ကုန်ဘူတာကြီးရဲစခန်းမှ ရဲတပ်ဖွဲ့ဝင်များသည် တရားခံများအား လိုက်လံဖမ်းဆီးစဉ် ပြန်လည်ခုခံ ဓါးဦးချွန်ဖြင့် ထိုးသဖြင့် ရဲဒုတပ်ကြပ်တစ်ဦး သေဆုံးသွားကြောင်း သိရသည်။

ရန်ကုန်တိုင်းဒေသကြီး သင်္ဃန်းကျွန်းမြို့နယ်နေ မောင်ကောင်းထက်လင်းပါ ၂ ဦးသည် ယမန်နေ့မွန်းလွဲ ၃ နာရီက ဒဂုံမြို့နယ်၊ ယောမင်းကြီးရပ်ကွက် ဘုရားလမ်းဘူတာမှ ရန်ကုန်ဘူတာကြီးသို့ မီးရထားသံလမ်းအတိုင်း လမ်းလျှောက်လာစဉ် ဗိုလ်ချုပ်အောင်ဆန်း ဈေးအနောက်ဘက်ရှိ လူကူးဂုံးတံတားအောက် အရောက်၌ မဲလုံး၊ အောင်သူနှင့် အောင်ကိုဦးတို့ ၃ ဦး ရောက်ရှိလာပြီး ဓားဖြင့်ခြိမ်းခြောက်၍ မောင်ကောင်းထက်လင်း၏ထံမှ Vivo-51 အမျိုးအစားဖုန်း ၁ လုံးအား လုယူကာ ဘုရားလမ်းဘူတာဘက်သို့ ထွက်ပြေးသွားခဲ့ကြောင်း ရန်ကုန်ဘူတာကြီး ရဲစခန်းသို့ လာရောက်အကြောင်းကြားခဲ့သည်။

သို့ပါ၍ ရန်ကုန်ဘူတာကြီးရဲစခန်းမှ ရဲတပ်ဖွဲ့ဝင်များက တရားခံများအား စုံစမ်းဖမ်းဆီးရာ မဲလုံးအား ပန်းဆိုးတန်းခုံးတံတားအောက်၌ ဖမ်းဆီးရမိပြီး အောင်သူပါ ၂ ဦးမှာ သိမ်ဖြူမီးရထားရပ်ကွက်ဘက်သို့ ထွက်ပြေးသွား၍ ရဲဒုတက မျိုးမြင့်လွင် ဦးစီး ရဲတပ်ဖွဲ့ဝင်များက လိုက်လံဖမ်းဆီးစဉ် အောင်သူမှ ဓားဦးချွန်ဖြင့် ထိုးပြီးထွက်ပြေးသွားခဲ့ကြောင်း၊ ရဲဒုတက မျိုးမြင့်လွင်တွင် ဝဲရင်အုံထိုးသွင်းဒဏ်ရာ ၁ ချက်၊ ဝမ်းဗိုက်ဝဲဘက် ထိုးသွင်းဒဏ်ရာ ၁ ချက် ရရှိသေဆုံးသွားခဲ့၍ ၎င်းတို့ ၃ ဦးအား ဒဂုံမြို့မရဲစခန်း(ပ)၂၃၃/၂၀၁၉၊ ရာဇသတ်ကြီးပုဒ်မ ၃၀၂/၃၉၂ (လူသတ်မှု၊လုယက်မှု)ဖြင့် အမှုဖွင့်ပြီး ထွက်ပြေးတရားခံ ၂ ဦးဖမ်းဆီးရမိရေး ဆက်လက်စုံစမ်းရှာဖွေခဲ့ရာ အောင်ကိုဦးနှင့် အောင်သူတို့အား ယနေ့တွင် မင်းရဲကောင်းပုံလမ်းနှင့် ဂရုဏာလမ်းထောင့်၊ ဒဂုံမြို့သစ်(တောင်ပိုင်း)မြို့နယ်တွင် ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့မှ သတင်းရရှိသည်။

Myanmar Digital News
https://www.facebook.com/MyanmarDigitalNews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ