လက်နက်တွေ လက်ဝယ်တွေ့ရှိမှု ဦးဖြိုးကိုကိုတင့်ဆန်း ငြင်းဆို

နေပြည်တော် အပြည်ပြည်ဆိုင်ရာလေဆိပ်မှာ လက်နက်၊ ခဲယမ်း၊ စိတ်ကြွဆေးတွေနဲအတူ သိမ်းဆည်းရမိမှု (ဝဲမှာယာ) ဇော်ဝင်းထိုက်၊ ရဲမင်းဆွေ၊ ဖြိုးကိုကိုတင့်ဆန်း တို့ကို တွေ့ရစဉ်
Photo: Ministry of Home Affairs, Myanmar
ဝန်ကြီးဟောင်း ဦးတင့်ဆန်းရဲ့ သားဖြစ်သူ ဦးဖြိုးကိုကိုတင့်ဆန်းက လက်နက်ဥပဒေနဲ့ သူ့ကို တရားစွဲဆိုထားပေမယ့် လက်နက်တွေနဲ့အတူ လက်ဝယ် တွေ့ရှိတာ မဟုတ်တဲ့အတွက် အပြစ်မရှိကြောင်း တရားရုံးမှာ ငြင်းဆိုထားပါတယ်။

နေပြည်တော် လေဆိပ်မှာ လက်နက်၊ မူးယစ်ဆေးဝါးတွေနဲ့အတူ ဖမ်းဆီးမိခဲ့တဲ့ ဦးဖြိုးကိုကိုတင့်ဆန်းကို ပုဒ်မ ၁၄ ခုနဲ့ စွဲချက်တင်ထားတာဖြစ်ပြီး နေပြည်တော် ဒက္ခိဏခရိုင် တရားရုံးမှာ ဒီနေ့ ဆက်လက်စစ်ဆေးခဲ့တာပါ။

ရန်ကုန်မြို့ သာကေတမြို့နယ် က ဦးဖြိုးကိုကိုတင့်ဆန်း ပိုင်ဆိုင်တဲ့ ACE ကုမ္ပဏီ အဆောက်အအုံမှာ လက်နက်တွေနဲ့ ဆက်စပ်ပစ္စည်းတွေကိ်ု ရှာဖွေတွေ့ရှိခဲ့တဲ့ အမှုအတွက် စစ်ဆေးခဲ့တာဖြစ်ပါတယ်။

အရင်ရုံးချိန်းတွေကလည်း နေပြည်တော် လေဆိပ်နဲ့ ရဲစခန်းမှာ လက်နက်တွေနဲ့အတူ ဖမ်းဆီးမိခဲ့တဲ့ ကိစ္စတွေကို စစ်မေးခဲ့တယ်လို့ သိရပါတယ်။

လက်နက်ဥပဒေနဲ့ စွဲချက်တင်ထားတဲ့အပေါ် ငြင်းဆိုထားတဲ့အကြောင်း သူ့ရဲ့ ရှေ့နေ ဦးမြင့်အောင်က ပြောခဲ့ပါတယ်။

နောက်ရုံးချိန်းမှာ သူ့ရဲ့ နေပြည်တော် ACE ဟိုတယ်မှာမိတဲ့ လက်နက်မှုတစ်ခု စစ်ဖို့ ကျန်ရှိနေပါတယ်။

ဒီလက်နက်မှုပြီးရင် ဆက်သွယ်ရေး ဥပဒေနဲ့ တရားစွဲဆိုထားတာကို ဆက်လက်စစ်ဆေးမှာလည်း ဖြစ်ပါတယ်။

၂၀၁၇ ခုနှစ်၊ အောက်တိုဘာလ ၁၅ ရက်နေ့က ဦးဖြိုးကိုကိုတင့်ဆန်း အပါအ၀င် သုံးဦးကို နေပြည်တော်လေဆိပ်မှာ လက်နက်၊ မူးယစ်ဆေးဝါးတွေနဲ့အတူ ဖမ်းဆီးရမိခဲ့တာဖြစ်တဲ့အတွက် ဒီအမှုကို စစ်ဆေးနေတာ တစ်နှစ်ခွဲကျော် အချိန်ကြာမြင့်ခဲ့ပြီဖြစ်ပါတယ်။

စွဲချက်တင်ထားတဲ့ ၁၄ မှုအတွက် တရားခံပြသက်သေ စုစုပေါင်း ၉၀ နီးပါးကို စစ်ဆေးဖို့ရှိပြီး ဒီနှစ် အကုန်လောက်မှာ အမှုကို အပြီးသတ်စစ်ဆေးနိုင်မယ်လို့ ခန့်မှန်းကြောင်း ရှေ့နေ ဦးမြင့်အောင်က ပြောပါတယ်။

တရားလိုပြသက်သေ ၂၀၀ ကျော်အထိ အပြီးသတ် စစ်ဆေးခဲ့ပြီး လက်ရှိမှာ တရားခံပြ သက်သေတွေကို ဆက်လက်စစ်ဆေးနေတာဖြစ်ပါတယ်။

စွဲဆိုထားတဲ့ အထဲမှာ မူးယစ် ဥပဒေ၊ လက်နက်ဥပဒေ ၊ ၁၉၂၃ မြန်မာနိုင်ငံအစိုးရ လျှို့ဝှက်ချက်ဥပဒေ၊ နိုင်ငံတော် အထ်ိမ်းအမှတ် တံဆိပ်၊ ဆက်သွယ်ရေး ဥပဒေ စတဲ့ ပုဒ်မတွေ ပါဝင်ပါတယ်။

ရန်ကုန်မြို့ သာကေတမြို့ နယ်က ACE ကုမ္ပဏီ အဆောက်အအုံနဲ့ ဗဟန်းမြို့နယ် ရွှေတောင်ကြား ၁ရပ်ကွက်မှာရှိတဲ့ ဦးဖြိုးကိုကိုတင့်ဆန်းရဲ့ နေအိမ်ကို ၀င်ရောက်ရှာဖွေရာမှာ လက်နက်တွေနဲ့ ဆက်စပ်ပစ္စည်းတွေ၊ မူးယစ်ဆေးတွေကို တွေ့ရှိခဲ့တယ်လို့ ပြည်ထဲရေးဝန်ကြီးဌာနက သတင်းထုတ်ပြန်ထားပါတယ်။

ဦးဖြိုးကိုကိုတင့်ဆန်းဟာ ၂၀၁၂ ကြားဖြတ်ရွေးကောက်ရွေးကောက်ပွဲမှာ မြောင်းမြမြို့နယ် ပြည်သူ့လွှတ်တော် ကိုယ်စားလှယ်လောင်းအဖြစ် ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ကိုယ်စားပြု ယှဉ်ပြိုင်ရာမှာ ရှုံးနိမ့်ခဲ့ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ