ကျောက်မဲမြို့ မိုင်းငေါ့မြို့နယ်ခွဲ တွင် ဒေသခံလူထု ရက်ဆက်တိုက် မိုင်းနင်းမိနေ


စက်တင်ဘာလ ၂၃ ရက် ၂၀၁၉

သျှမ်းပြည်နယ် မြောက်ပိုင်း ကျောက်မဲမြို့ မိုင်းငေါ့မြို့နယ်ခွဲတွင်ဒေသခံလူထု ဆက်တိုက် မိုင်းနင်းမိနေကြောင်း သတင်းရရှိသည်။

စက်တင်ဘာ ၂၁ နှင့် ၂၂ ရက်နေ့ က ကျောက်မဲမြို့ မိုင်းငေါ့မြို့နယ်ခွဲ ခင်းမ်မိုင် (ချုံးသစ်)ကျေးရွာအုပ်စု ခင်းမ်ကောင် (ချုံးဟောင်း) ကျေးရွာအနီး လက်ဖက် ခြံ သွားသည့်ရွာသားများ ၂ ကြိမ်ဆက်တိုက်မိုင်းနင်းမိရာ အမျိုးသား ၂ ဦးနှင့် အမျိုးသမီး ၁ ဦး ဒဏ်ရာရရှိခဲ့ကြောင်းသိရသည်။

လက်ရှိတွင် ဒဏ်ရာရသူများကို ကျောက်မဲ ပြည်သူ့ဆေးရုံသို့ ပို့ဆောင်ထား ကြောင်း ကျောက်မဲမြို့နယ် လူမှုအဖွဲ့အစည်းများ ပြောပြချက် အရ သိရသည်။

“ မိုင်းငေါ့ ဘက်က မကြာခဏ မိုင်းနင်းမိတယ်။ သေတာတော့ သိပ်မရှိဘူး။ ဒဏ်ရာရတဲ့သူတွေပဲများတယ်” ဟု ကျောက်မဲ နမ့်ခုံး ပရဟိတအဖွဲ့ မှ လုံးစိုင်းကူး က သျှမ်းသံတော်ဆင့် သို့ပြောသည်။

စက်တင်ဘာ ၂၁ ရက်နေ့က လင်မယား ၂ ဦးသည်လည်းကောင်း စက်တင်ဘာလ ၂၂ ရက်နေ့က အမျိုးသားတဦးသည်လည်းကောင်း မိုင်းများနင်းမိခဲ့ခြင်းဖြစ်ကြောင်းကျောက်မဲဒေသခံ လုံးစိုင်းကူး က ပြောသည်။

“၂၁ ရက်နေ့က မိုင်းနင်းမိတာက အသက် ၃၅နှစ် အရွယ် စိုင်းအောင်မျိုးဝင်း နဲ့ သူ့ဇနီး အသက် ၃၈နှစ် အရွယ် နန်းအေးဖြူပါ။ သူ့ယောက်ျားကကျောနဲ့ပေါင်မှာ ဒဏ်ရာရတာ။ မိန်းမဖြစ်သူကတော့ ဝမ်းဗိုက်ဇောင်းမှာ ဒဏ်ရာရတာ။ မိုင်းငေါ့ဆိုတာကတော့ တိုက်ပွဲတွေဖြစ်တဲ့နေရာ လက်နက်ကိုင်တွေများတဲ့နေရာပေါ့။ ဘယ်သူ့မိုင်းလဲဆိုတာတော့ ပြောဖို့ခက်တယ်လေ ” - ဟု လုံးစိုင်းကူး ကပြာသည်။

လက်နက်ကိုင် တပ်ဖွဲ့များအနေဖြင့် အရပ်သားပြည်သူရှိသည့်နေရာ တွင် တိုက်ပွဲဖြစ်ခြင်း၊မိုင်းထောင်ခြင်း များ မပြုလုပ်ရန် တိုက်တွန်းလိုကြောင်းလည်း ကျောက်မဲမြို့နယ် အမှတ်(၁) မဲဆန္ဒနယ် ပြည်နယ် လွှတ်တော်ကိုယ်စားလှယ် စိုင်းထွန်းဝင်း က သျှမ်းသံတော်ဆင့် သို့ ပြောသည်။

“ စစ်ဘက်ဆိုင်ရာက ဒါစစ်ရေး အလုပ်ဘဲလို့ ပြောပေမယ့် နင်းမိတာက အပြစ်မဲ့ပြည်သူလေ။ ဒါကြောင့်မိုင်းထောင်မယ်ဆိုရင် ပြည်သူတွေသွားလာတဲ့နေရာလေးတွေကို ရှောင်ရှားပေးစေချင်တယ်။ စစ်မဖြစ်စေချင်ဘူး။ လက်နက်ကြီးတွေ မိုင်းတွေ ရွာထဲနဲ့ ရွာအနီးပစ်တာချတာ မဖြစ်သင့်ဘူး။ မလုပ်သင့်ဘူး” ဟု စိုင်းထွန်းဝင်း က ပြောသည်။

ကျောက်မဲမြို့နယ် သည်တိုင်းရင်းသား လက်နက်ကိုင် ပေါင်းစုံ နေထိုင်သည့် နေရာ တခု ဖြစ်ပြီး၊ တိုက်ပွဲမကြာခဏ ဖြစ်ပွားနေရာလည်းဖြစ်သည်။ တိုက်ပွဲ ၏နောက်ဆက်တွဲအကျိုးဆက်ဖြစ်သော မြေမြှပ်မိုင်းကြောင့် အရပ် သားပြည်သူ ထိခိုက်မှု လည်း အရမ်းများသည့်ဒေသတခုဖြစ်သည်။

တအာင်းလူငယ်များအဖွဲ့မှ အချက်အလက်စုစည်းချက်အရ ကျောက်မဲမြို့နယ်တွင် ၂၀၁၉ ခုနှစ်အတွင်း မြေမြုပ်မိုင်းကြောင့် ဒဏ်ရာရသူ ဒေသခံ ၃၄ ဦး ရှိပြီး ထိုအနက် သေဆုံးသူမှာ ၁၀ ဦးရှိကြောင်း ယခုနှစ်စက်တင်ဘာလအတွင်းပင် မြေမြုပ်မိုင်းကြောင့် ကျောက်မဲမြို့နယ်တွင် ဒဏ်ရာရ ၄ ဦး သေဆုံးသူ ၄ ဦးရှိကြောင်း သိရပါသည်။

Panglong(Burmese)
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ