တောင်ကိုရီးယား - မြန်မာစီးပွားဆက်ဆံရေး တိုးမြှင့်

တောင်ကိုရီးယား - မြန်မာစီးပွားဆက်ဆံရေး ဖိုရမ် ( MOI)
တောင်ကိုရီးယား သမ္မတ Moon Jae in ရဲ့ မြန်မာနိုင်ငံ ၃ ရက်ကြာ ခရီးစဉ်အတွင်းမှာ ကြာသပတေးနေ့ကတော့ မြန်မာ- ကိုရီးယား စီးပွားရေးဆွေးနွေးပွဲ ဒုတိယမြောက်နေ့မှာ ၂ နိုင်ငံကြား ဘဏ္ဍာရေး၊ ကုန်သွယ်ရေး၊ ရင်နှီးမြှုပ်နှံမှု ပူးပေါင်းဆောင်ရွက်ရေးနဲ့ အခြေခံ အဆောက်အအုံ ဆိုင်ရာစီမံကိန်းတွေနဲ့ ပတ်သက်ပြီး နားလည်မှု စာချွန်လွှာ ၅ ခုကို လက်မှတ်ရေးထိုးခဲ့ပါတယ်။

တောင်ကိုရီးယား သမ္မတ Moon ဟာ သူ့ရဲ့ New Southern Policy လို့ခေါ်တဲ့ “တောင်ပိုင်းဒေသ မူဝါဒအသစ်” ကို မြှင့်တင်ရေးအတွက် အရှေ့တောင်အာရှ နိုင်ငံတွေနဲ့ စီးပွားရေးဆက်ဆံမှု အပါအဝင် နက်ရှိုင်းတဲ့ ဆက်ဆံရေးထူထောင်ဖို့ ကြိုးစားနေတာ ဖြစ်ပါတယ်။

အခုသူ့ရဲ့ မြန်မာခရီးစဉ်အတွင်း ၂ နိုင်ငံ အစိုးရချင်းကြားမှာရော၊ အစိုးရနဲ့ စီးပွားရေး လုပ်ငန်းရှင် တွေကြား နဲ့ ၂ နိုင်ငံ လုပ်ငန်းရှင် အချင်းချင်းကြားမှာပါ ပူးပေါင်းဆောင်ရွက်မှုတွေ လုပ်ဆောင်ဖို့ အပါအဝင် နားလည်မှု စာချွန်လွှာ စုစုပေါင်း ဆယ်ခုကို လက်မှတ်ရေးထိုးခဲ့တာပါ။

တောင်ကိုရီးယားရဲ့ ထင်ရှားတဲ့ ဘဏ်ကြီး ၄ ခုထဲက KB Kookmin ဘဏ်နဲ့ ရန်ကုန်တိုင်းဒေသကြီး အစိုးရ တို့ကြား အိမ်ခြံမြေလုပ်ငန်း အတွက် ငွေကြေးဆိုင်ရာ ပူးပေါင်းဆောင်ရွက်မှုတွေ လုပ်ဖို့ နားလည်မှု စာချွန်လွှာလည်း လက်မှတ်ရေးထိုးခဲ့တာပါ။ ဗုဒ္ဓဟူးနေ့ကတော့ ရန်ကုန်တိုင်း၊ လှည်းကူးမြို့နယ် မြေဧက ၅၀၀ ကျော်ပေါ်က အမေရိကန်ဒေါ်လာ ၁ ဘီလီယံကုန်ကျမယ့် ကိုရီယား-မြန်မာ စက်မှုမြို့တော်စီမံကိန်းကို စတင်ကြောင်း ကြေညာခဲ့သလို ရန်ကုန်တိုင်း ဒလမြို့နယ် မြို့ပြစီမံကိန်းအတွက် မြန်မာ-ကိုရီးယား ၂ နိုင်ငံကြား နားလည်မှု စာချွန်လွှာ လက်မှတ်ထိုးဖို့ စီစဉ်ခဲ့တာပါ။

စက်တင်ဘာ ၃ရက်နေ့ကတော့ နေပြည်တော်မှာ နိုင်ငံတော်အတိုင်ပင်ခံ ဒေါ်အောင်ဆန်းစုကြည် နဲ့ရော သမ္မတ ဦးဝင်းမြင်နဲ့ပါ သီးခြားတွေ့ဆုံခဲ့တာ ဖြစ်ပါတယ်။ ဒေါ်အောင်ဆန်းစုကြည်နဲ့ တွေ့ဆုံစဉ်မှာ စီးပွားရေး၊ ယဉ်ကျေးမှုနဲ့ ဖွံ့ဖြိုးရေး အပါအ၀င် ကိစ္စရပ် မျိုးစုံကို ဆွေးနွေးခဲ့ပါတယ်။

ကိုရီးယားသမ္မတဟာ ထိုင်း၊ မြန်မာ၊ လာအို သုံးနိုင်ငံ ၆ ရက်တာခရီးစဉ်ရဲ့ တစိတ်တဒေသအဖြစ်နဲ့ မြန်မာနိုင်ငံကို ၃ ရက်ကြာ ရောက်လာတာဖြစ်ပြီး သူဟာ ၁၉၈၃ နောက်ပိုင်း မြန်မာပြည်ကိုလာခဲ့တဲ့ တတိယမြောက် ကိုရီးယားသမ္မတလည်းဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ